Educación Propuestos nuevos ciclos de FP de Preparador físicu, técnicu n’enerxía anovable y animador en 3D by redacción asturnews 22 de marzu, 2021 written by redacción asturnews 22 de marzu, 2021 3,K La Conseyería d’Educación va ufiertar el próximu curso trés nuevos ciclos de Formación Profesional, unu actualizáu y más cursos d’especialización. Ente los primeres, tán los de técnicu cimeru n’Enerxíes Anovables; Animación en 3D, Xuegos y Redolaes Interactivos, y el el nuevu grau d’Acondicionamientu Físicu. Asina lo esplicó esti mes la Conseyería d’Educación nuna nota de prensa, na que detalló que’l ciclu d’Enerxíes Anovables ta pensáu pa profesionales que quieran desenvolver la so actividá n’empreses dedicaes a la promoción, el montaxe, la esplotación y el caltenimientu d’instalaciones eóliques y solares fotovoltaicas; en compañíes rellacionaes cola xeneración, tresporte y distribución d’enerxía, y naquelles dedicaes al caltenimientu de subestaciones d’eletricidá. En cuanto al d’Animación 3D, el ciclu ta empobináu a l’animación 2D y 3D multimedia interactiva y non interactiva, a la publicidá y la producción audiovisual. Pela so parte, «el nuevu grau cimeru n’Acondicionamientu Físicu va dexar trabayar en ximnasios, empreses de servicios deportivos, patronatos deportivos, clubes, empreses turístiques, centros xeriátricos o de calter social, y federaciones o organismos públicos de deportes». El departamentu que dirixe Carmen Suárez señala que yá ta preparando los decretos del currículu p’articular estes titulaciones. A ellos sumaráse otru actualizáu: el de técnicu de grau mediu en Guía nel Mediu Natural y Tiempu Llibre, que ye l’adaptación del de técnicu en Conducción d’Actividaes Físicu-deportives nel Mediu Natural, que yá se taba impartiendo. Amás, ta previstu enllantar dalgunos de los cursos d’especialización que los sos decreetos yá publicó’l ministeriu y que, según especifica Educación, nun riquieren de desenvolvimientu autonómicu. «A falta de cerrar la ufierta definitiva, la previsión ye que, siquier, empiecen a funcionar los de Digitalización del Caltenimientu Industrial y Ciberseguridad», avanza. Estos cursos tán empobinaos al alumnáu que completó primeramente un grau cimeru y «suponen xuna formación extrasobre los ciclos dende los que s’apuerta». Pa poner en marcha estes especializaciones, Educación apunta que ta entamando actividadesw de formación del profesoráu, «que la so convocatoria ta a puntu de materializase. Al tratase de cursos con un eleváu nivel de cualificació, la formación previa ye un requisitu indispensable». La dirección xeneral d’Enseñances Profesionales asegura amás que prepara nuevaas titulaciones d’enseñances deportives. El director xeneral, Javier Cueli, desplicó que “la ufierta de FP n’Asturies ye bien amplia, tanto en númberu de places como en titulaciones, con 91 ciclos formativos ente grau mediu y grau cimeru. Ye una de les de les más estenses del país en función de la población oxetiva”. 0 FacebookTwitterPinterestEmail Anterior Twitter celebra anguaño’l so 15º aniversariu siguiente “La batalla de los ausentes” va ser l’últimu estrenu d’escenAvilés de marzu Tamién te podria gustar Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes L’ALLA abre’l plazu pa los cursos de la... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... El Principáu y la UOC firmen un conveniu... Asturies destaca en comprensión llectora L’IES Real Institutu Xovellanos entama sos primeres Xornaes... Xornada Evaluación de programes educativos Entamen los talleres ‘Enfoca la to vida’ n’Avilés...