Programación navidiega nos Centros Sociales d’Uviéu

Programación navidiega nos Centros Sociales d’Uviéu
11 avientu 19:53 2015 Imprimir

La Rede de Centros Sociales del Conceyu d’Uviéu tein programáu pa estos díes venideros un ampliu programa d’actividaes culturales, educatives y deportives, tantu  p’adultos como pala reciella.

El programa inclúi l’adaptación de los conteníos de los talleres habituales pa incorporar una perspectiva navidiega en clases como les cocina, manualidades, pintura, baille, etc. Per otru llau, diseñóse un programa específicu de cara a la Navidá, p’adultos y neños, con actividaes culturales como los Conciertos de Nuevos Intérpretes (Escuela de Música), que van actuar nel Naranco el día 12  y en Cualloto’l 19, dambes  actuaciones a les 19,30 hores, los conciertos corales.

Nestes feches en tolos centros sociales realízase una decoración navidiega y cada equipamientu participa nel Concursu de belenes. L’actividá inclúi visites a los mesmos centros y una visita empuesta al Belén de Trascorrales.

Otra de les actividaes con más ésitu nestes feches ye la Marcha Senderista que va rematar cola ellaboración  d’un Belén de Cume, a la manera de los grupos de monte. Esta caminada ta prevista pa mañana,  vienres, 11 d’avientu.

Anguaño como novedá, y en collaboración cola Conceyalía de Cultura va haber Zarzuela, nel Teatru de Pumarín, el día 30 a les19 hores. Como actividaes d’ociu, per tercer añu consecutivu celébrase l’III Baille y  Brinde Navidiegu Multitudinariu, el  próximu día 23, nel Centru social Naranco, un baille al que van poder aportar los usuarios de la Rede de centros sociales y la xente que deseye xunise hasta completar aforu.

Tamién los neños van ser protagonistes d’estes fiestes na Rede de Centros Sociales. Va Haber Talleres Infantiles, programaos pa facilitar la conciliación familiar. Mientres los díes coincidentes coles vacaciones escolares infantiles de Navidá, nestos talleres desenvolveránse delles actividaes extraescolares a manera de talleres socioeducativos, van dir dirixíes a neños d’ente 6 y 12 años, y van desenvolvese dende’l próximu día 28 d’avientu hasta’l 8 de xineru, demientres los díes de vacaciones escolares.

Pa poder participar na actividá, ha presentase la solicitú d’inscripción debidamente rellenada, dientro del plazu habilitáu, que va ser del 14 al 22 d’avientu, xuntu cola documentación correspondiente relativa a la edá del o de la menor. L’horariu de les actividaes ye de 08:30 a 14:00 hores, los díes llaborales.

  Categories:
Loading Facebook Comments ...