Programación del ’11×12′ en Xixón pal 31 d’ochobre y 2 de payares

Programación del ’11×12′ en Xixón pal 31 d’ochobre y 2 de payares
27 ochobre 10:11 2018 Imprimir

Los díes 31 d’ochobre y 2 de payares, non llectivos según el calendariu escolar, los colexos de Xixón nos que se desenvuelve’l proyectu 11×12 van permanecer abiertos n’horariu de mañana de 7:30 a 16:00 hores.

El periodu d’inscripción atópase abiertu dende’l llunes 15 d’ochobre hasta’l xueves 30 d’ochobre inclusive (condicionáu a la esistencia de places), pudiendo formalizase directamente nos colexos públicos onde s’empresta esti serviciu, Alfonso Camín, Asturies, Begoña, Clarín, La Escuelona, El Llanu, García Lorca, Gaspar Melchor de Xovellanos, Montevil, Nicanor Piñole, Rei Pelayo, Ríu Piles y Montiana, n’horariu de 15:30 a 18:30 hores.

Ye imprescindible que se proceda con calter previu a la inscripción nos colexos para cerciorase de la esistencia de places, apurriendo nun plazu de 24 hores los xustificantes de pagu. En casu contrariu nun se va acutar la plaza.

  Categories: