Profesores asociaos d’Uniovi critiquen los sos precarios contratos

Profesores asociaos d’Uniovi critiquen los sos precarios contratos
20 marzu 13:11 2019 Imprimir

La situación actual de la plantiya de la Universidá d’Uviéu, avieyada, y la inminente xubilación de decenes de profesores esmolez al colectivu de Profesores Asociaos de la nuesa uniersidá que depués d’un aconceyamientu esta selmana critiquen dafechu los sos precarios contratos.

Tres una xunta celebrada nel campus d’El Milán, a la qu’asistieron mediu centenar de docentes, reclamose «un plan de renovación y estabilización del profesoráu». Nesti sentíu, ven «insuficiente» l’alcuerdu sobro la carrera profesional del profesoráu llaboral algamáu pol rectoráu y los sindicatos.

El colectivu quexase de les sos condiciones, «difícilmente sostenibles», con contratos qu’atalanten son «bien precarios». Nel meyor de los casos, cobren «900 euros brutos mensuales», anque la mayoría percibe «unos 500 euros». Cantidá a la qu’hai que restar los casi 300 euros d’autónomos. Un profesor asociáu ye un profesional que, como actividá llaboral secundaria, imparte clases na universidá rellacionaes cola so especialidá, pero hai falsos asociaos, o asociaos impropios, que la so principal actividá profesional ye la docencia. A estos nun se-yos ufierta la oportunidá de concursar por una plaza y faer carrera académica. Tienen «les mesmes obligaciones y munchos menos derechos» qu’un profesor a tiempu completu .

  Categories: