Principáu y Universidá roblen un conveniu p’ameyorar la ufierta d’emplegu

by redacción asturnews | marzo 13, 2018 11:59 am

El Principáu d’Asturies y l’Universidá d’Uviéu roblaron esti día un conveniu que va facer posible l’intercambiu de datos ente dambes instituciones col propósitu d’ameyorar la ufierta d’emplegu.

L’alcuerdu foi robláu esti llunes nel edificiu históricu de la universidá pol conseyeru d’Emplegu, Industria y Turismu, Isaac Pola, y el rector Santiago García Granda. Con una vixencia de cuatro años prorrogable añalmente, el conveniu busca llograr información rigorosa destinada a afaer la ufierta d’empléu a la demanda real, según esplicó’l conseyeru.

Los servicios d’empléu del Principáu d’Asturies van poner a disposición de la Universidá la información necesaria pa faer un diagnósticu de situación. La Universidá tien previstu tener un primer informe dientro de seis meses, que va ser utilizáu como bases pa evaluar l’impactu de les polítiques actives d’empléu.

El rector destacó la importancia de cuntar con diagnósticos precisos sobro la situación del emplegu, y recordó que cada años ente 4 y 5 mil alumnos salen de la Universidá d’Uviéu a buscar trabayu.

Source URL: http://asturnews.com/principau-y-universida-roblen-un-conveniu-para-ameyorar-la-ufierta-dempleu/