Portada Lliteratura Presentóse’l primer tebéu manga n’asturianu

Presentóse’l primer tebéu manga n’asturianu

by asturnet

Anque bien de dibuxantes llevaben tiempu emplegando les técniques del manga pa facer los sos comics hasta agora nunca nun se presentara un tebéu n’asturianu d’esti estilu. Mari Luz Pontón y Ángela Fernández tán acabantes d’asoleyar “La maldición” la primera hestoria manga n’asturianu.

“La maldición”, publicáu por Madú Ediciones, cuenta la historia de Catuxa, una moza de 16 años que pasa les sos vacances de branu en casa so güela, dende’l momentu de la so llegada entamará un viaxe iniciáticu nel que dirá conociendo los secretos de la so familia.

El manga ye la técnica de dibuxu que se vien desenvolviendo dende’l sieglu XI, cuando entamaron a apaecer dibuxos satíricos d’animales. Darréu l’arte entamó yá a abordar los xéneros actuales del manga. Sicasí’l manga d’anguaño ye’l que naz a partir de 1945 mediante la fusión de los estilos tradicionales xaponeses colos occidentales.

Tamién te podria gustar