Preséntense dos volúmenes del II Premiu Asturnews de Lliteratura Xuvenil

11 mayu 08:59 2010 Imprimir

La feria LlibrUviéu, asitiada nel Paséu de los Álamos de la capital d’Asturies, va acoyer esti miércoles 12 de mayu, a partir de les 13 hores, la presentación de dos volúmenes, que fueron premiaos con accésits, nel II Premiu Asturnews de Lliteratura Infantil y Xuvenil. Les narraciones espublizaes agora son «Unos cuentos de muerte», d’Abel Martínez González; y «Febreru, 29» de Xurde Fernández y Marián García.

Na presentación van tar presentes los autores, el director d’Asturnews, Próspero Morán, y el secretariu del Xuráu qu’otorgó’l premiu, Inaciu Galán.

Los autores:

-Abel Martínez González (Uviéu, 1976) Collaborador habitual de revistes como Lletres Asturianes, algamó gallardones tan importantes como’l Premiu Uviéu de narrativa nel añu 2007, l’Art Nalón de cuentos curtios y na so primer edición, el Premiu Asturnews de Lliteratura Infantil y Xuvenil, ex aequo con Nicolás V. Bardio.

-Xurde Fernández (Candás, Carreño, 1975) Xurde Fernández. Nació en Candás (Carreño) en 1975. Profesor de llingua asturiana n’enseñanza secundaria y collaborador de l’Academia de la Llingua Asturiana y del diariu El Comercio, vio publicada en 2007 la so primer colección de cuentos curtios, titulada Volver.

-Marián García (Xixón, 1975) Filóloga y Esperta en Llingua Asturiana pola Universidá d’Uviéu. Anguaño ye profesora de Llingua Asturiana en Candás. Espublizó a comuña con Xurde Fernández la novela «El color del escaezu», espublizada por Trabe en 2008.

  Categories:
Loading Facebook Comments ...