Portada Sociedá Presentáu’l V Diagnósticu de la Inmigración n’Avilés

Presentáu’l V Diagnósticu de la Inmigración n’Avilés

by redacción asturnews

Ellaboráu pol Grupu Local d’Inmigración d’Avilés (GLIA). La conceyala de Promoción Social, Nuria Delmiro, participó nel actu de presentación del V Diagnósticu de la Inmigración n’Avilés, al pie de Francisco Javier Mahía, representante de Accem Asturies.

Nel marcu del conveniu suscritu ente’l Conceyu d’Avilés y l’entidá Accem realízase l’informe V Diagnósticu de la Inmigración n’Avilés (2018), dando continuidá a los Diagnósticos ellaboraos n’años anteriores (2010, 2012, 2014 y 2016), que se desenvuelven cuntando cola collaboración de les entidaes que conformen el Grupu Local d’Inmigración d’Avilés (GLIA).

El V Diagnósticu de la Inmigración n’Avilés (2018) amuesa la realidá de la población estranxera que mora n’Avilés, y n’especial la de les persones que s’atopen en situaciones de vulnerabilidá o en riesgu d’esclusión. Por esti motivu, tómase como población de referencia a les persones estranxeres que, a lo llargo del 2018, allegaron a les entidaes que formen parte del Grupu Local d’Inmigración d’Avilés (GLIA) demandando dalgún tipu d’intervención. Esti analís realizóse en base a una amuesa de 234 persones, que representa un 9% del total de les persones con nacionalidá estranxera (2.695) empadronaes nel conceyu a 1 de xineru de 2018.

Les resultancies llograes nel V Diagnósticu dexen estrayer delles conclusiones importantes que van condicionar la política del conceyu nesta tema. Más información

Tamién te podria gustar