Presentase en Llugones un llibru sobre’l sector militar Cualloto-Llugones na Guerra Civil

Presentase en Llugones un llibru sobre’l sector militar Cualloto-Llugones na Guerra Civil
20 xineru 08:57 2017 Imprimir

Esti vienres 20 de xineru, a les 19.30 hores, na Casa de Cultura de Llugones va presentase’l llibru publicáu pola Asociación pa la Recuperación de l’Arquitectura Militar Asturiana 36/37, que lleva por títulu “Estudio hestóricu del sector militar Cualloto-Llugones nel frente d’Uviéu mientres la Guerra Civil”. 

L’Asociación pa la Recuperación de l’Arquitectura Militar Asturiana 36/37 publicó,  por cuenta del so décimu aniversariu, un detalláu y amenu llibru sobre’l sector militar Cualloto-Llugones mientres la Guerra Civil Española. Un trabayu d’investigación lleváu a cabu por A. Mortera, Y. Menéndez, R. Duarte y L.G. Martínez.

Nesi sector sobrevivieron el mayor númberu de fortificaciones que se construyeron mientres el cercu d’Uviéu. Ente elles destaquen les allugaes n’El Cuetu (Llugones), apocayá incluyíes nel Inventariu de Patrimoniu Cultural d’Asturies (IPCA), el segundu nivel de protección patrimonial.

  Categories: