Portada Lliteratura Preséntase’l primer númberu de “Campo de los patos”

Preséntase’l primer númberu de “Campo de los patos”

by asturnet

Esti miércoles 18 de mayu, a les 19,30, na Llibrería Cervantes d’Uviéu, Antón García presenta’l primer volume, númberos 1 y 2, de la revista “campo de los patos”, dedicada a la cultura xermánica. Nel actu va participar, xunto al director de la revista, l’escritor José Luis García Martín.

La revista “Campo de los patos” quier, en pallabres d’Antón García nel so entamu, “aprovechar esti momentu espansivu (de la lliteratura asturiana) y llevantar acta de la mirada que dende Asturies, y dende l’asturianu, s’echa al conocimientu universal”.

Esti primer volume marca según el so director “la llinia a siguir”, incluyendo trabayos críticos, traducción, creatividá y reflexión. La idea de Campo de los patos ye proponer un tema d’antemano y trabayar dempués pa que la xente que puede facer dalgo sobre ello participe. Al director interésa-y muncho “l’aportación que se fai dende’l restu de les artes, los trabayos sobre música o pintura”.

Entrevista a Antón García sobre la revista

Tamién te podria gustar