Portada Lliteratura Presentación de “Cuentos con nenos”, la última obra de Xulio Arbesú

Presentación de “Cuentos con nenos”, la última obra de Xulio Arbesú

by asturnet

Depues de ganar el premiu Xosefa Xovellanos de Novela con “Potestas”, la magna novela histórica que narra les andances del noble asturianu Gonzalo Pelaiz, y de consolidar la so valía como escritor n’obres tan estremaes como la xuvenil “Misión Pelayo” o con “Un raposu en Tresmonte”, l’escritor entreguín Xulio Arbesú saca agora a la cai un volume de cuentos “con” pero non “pa” nenos. Espublizáu pola Editorial Trabe, “Cuentos con nenos” va presentase esti vienres día 21a les siete la tarde na Casa Cultura de L’Entregu de la mano del tamien escritor Chechu García.

Xulio Arbesú (L’Entregu, 1957) ye miembru de la Tertulia Reciella Malory qu’edita la revista lliteraria del mesmu nome, asina como de los colectivos culturales Foru pola poesía y Cauce Nalón. Escritor costante, tien algamao dos premios de narraciones de l’Academia de la Llingua Asturiana coles obres “Misión Pelayo” y “Un raposu en Tresmonte”, asina como’l XXIII Premiu de Novela Xosefa Xovellanos, convocáu pola Conseyería de Cultura del Principáu d’Asturies, cola novela histórica “Potestas”.

“Corresponsal en Bagdag” y “Viaxe a Genova” foron los dos últimos relatos espublizaos por esti autor, collaborador habitual de tou tipu de revistes lliteraries

Tamién te podria gustar