¿Por qué Apple yá nun va dicir cuántos iPhone viende?

¿Por qué Apple yá nun va dicir cuántos iPhone viende?
09 08:55 2018 Imprimir

A partir de 2016 el númberu de smartphones qu’Apple consiguía vender en tol mundu empezó a menguar. La empresa atopase nesti momentu con un mercáu de telefonía móvil enchíu con cada vez más fabricantes que yeren capaces d’ufiertar dispositivos con tecnoloxía avanzada a precios competitivos.

Apple entamó d’aquella a camentar qué facer pa siguir calteniendo los sos xorrecientes ingresos. ¿La so respuesta énte esta coxuntura? Crear un productu d’inda mayor luxu (col correspondiente preciu).

La selmana pasada, cuando la empresa publicó les sos resultancies trimestrales, comunicó que dexaría d’informar sobro’l númberu de iPhones vendíos cada trimestre. Esta decisión puede entendese meyor si, tal que se ve nesti gráficu de Statista, 2018 trai consigo como novedá pa la compañía los ingresos yá nun son proporcionales al númberu de iPhones comercializaos. Asina, nel pasáu exerciciu fiscal mientres el númberu de dispositivos caltúvose prácticamente constante, la so facturación aumentó ensin fuelgu hasta algamar una crecedera d’un 29% nel últimu trimestre.

Fuente: statista.com

  Categories: