Pomarina ye escoyida otra vuelta ‘meyor sidra del añu’

Pomarina ye escoyida otra vuelta ‘meyor sidra del añu’
20 xunu 12:53 2018 Imprimir

La sidra Pomarina alzóse con dos diplomes, unu pa la so versión NATURAL PENERADA y otru pa la NATURAL ESPLUMOSA ente les MEYORES SIDRES DE LA SO CATEGORÍA y polo tanto en SIDRES INTITUCIONALES de la DOP Sidra d’Asturies.

Esti martes pela mañana tuvo llugar la celebración añal del Salón de la Sidra DOP d’Asturies. Mientres la cita –que cuntó con una alta participación del sector- desvelóse unu de los secretos meyor guardaos: cuálos son les sidres que van poder llucir arguyoses anguaño’l títulu de SIDRA INSTITUCIONAL. Estes, como en cada edición, son escoyíes por un comité d’espertos al traviés d’una cata a palpu.

Asina, POMARINA alzóse con dos diplomes, unu para la so versión NATURAL PENERADA y otru para la NATURAL ESPLUMOSA (que repite per segundu añu consecutivu), convirtiéndose asina nes MEYORES SIDRES DE LA SO CATEGORÍA y polo tanto en SIDRES INTITUCIONALES de la DOP Sidra d’Asturies.

En concencia, el Grupu El Gaiteru (a quien pertenez Pomarina) ta viviendo un añu gloriosu una y bones les sos sidres nun paren de recibir premios en distintes partes del mundu (los postreros, como vos cuntamos nos dos pasaes selmanes, n’EEXX ya Inglaterra).

Esta mañana la reconocencia foi más emotiva si quepe, yá que-y llegó na so tierra, esa qu’hai yá 128 años vio nacer a esta empresa familiar que siempres supo combinar a la perfección tradición y modernidá. Gracies a ello, a les sos sidres más conocíes fuéronse sumando, adulces, otres innovadores y realmente sorprendentes, como ye’l casu de Pomarina.

 

  Categories:
Loading Facebook Comments ...