Portada Mundu Política Llingüística soleya’l llibru del Día de les Ciencies

Política Llingüística soleya’l llibru del Día de les Ciencies

by asturnet

La Dirección Xeneral de Política Llingüística entama cada añu’l Día de les Ciencies Asturianes, cola mira de fomentar dende la óptica de la llingua asturiana l’emplegu responsable de la ciencia en beneficiu de la sociedá y nesti caberu añu 2014 y col lema «El viaxe de les palabres pela rede. Los peligros del mundu dixital», les actividaes buscaben tresmitir a la xente mozo que la ciencia ye un patrimoniu común en que la so práctica y en que’l so progresu tien de participar la sociedá al completu. El llibru que recueye toles aportaciones pue descargase yá de baldre.

L’enfotu de la xornada yera tamién trabayar reconociendo y incorporando los llogros de la cultura científica y la evolución tecnolóxica y contribuyendo de manera crítica y xenerosa al so desenvolvimientu.

El llibru billingüe (asturianu y gallego-asturianu), yá disponible na sección «Descarga de publicaciones» de la web del serviciu de Política Llingüística, recueye los materiales preparaos pal V Día de les Ciencies Asturianes por miembros de los colexos oficiales d’inxenieros n’informática d’Asturies.

Tamién te podria gustar