Polémica col videoclip de Niki Minaj nel que bailla na ponte de Westminster

25 abril 08:11 2017 Imprimir

Les esplícites lletres y el peculiar vestuariu de Niki Minaj pasaron totalmente desapercibíos ante’l públicu nel nuevu videoclip de l’artista, algamando tol protagonismu del llanzamientu una escena na que Minaj apaecía na ponte de Westminster, escenariu del ataque terrorista que se cobró cinco vides el pasáu 22 de marzu.

El nuevu llanzamientu de la rapera nun tuvo un bon recibimientu nes redes, ónde dellos internautes sentenciaron que “ye enforma pronto” pa publicar estes imaxes. Tres l’atentáu de Londres, la productora anunció que diba esaniciar les escenes nes que Minaj baillaba na ponte. Ello ye que los responsables del proyectu aseguraron mientres una entrevista nel diariu británicu The Sun que consideraben que sería “de mal gustu” publicar eses escenes dempués del atentáu. Sicasí, el videoclip oficial llanzóse esti xueves ya inclúi les polémiques escenes.

“La ponte de Westminster nel nuevu vídeu de Niki Minaj…demasiao pronto?” y “aseguraron que se cortaríen les escenes” son dalgunos de los comentarios que recibió’l llanzamientu de ‘Non Fraud’, nel que la rapera collabora con Drake y Lil Wayne.

  Categories: