Podemos presenta una PNL pa reformar l’Estatutu y algamar la oficialidá

Podemos presenta una PNL pa reformar l’Estatutu y algamar la oficialidá
25 marzu 13:27 2022 Imprimir

El grupu parlamentariu de Podemos Asturies vieno acabante rexistrar esta selmana una Proposición Non de Llei (PNL) pola que la Xunta Xeneral tendría d’encamientar al Conseyu de Gobiernu a rexistrar una propuesta de reforma del Estatutu d’Autonomía que recueya la oficialidá del asturianu y del gallego-asturianu.

La PNL, rexistrada esti miércoles y que se votaría nel próximu plenu, pretende que sía l’Executivu’l que tome la iniciativa sobro la reforma y, ente otres cuestiones, dexe aumentar l’autogobiernu de la comunidá autónoma. Podemos quier aumentar la capacidá alministrativo y lexislativo de la Xunta Xeneral y del mesmu Gobiernu pa implementar iniciatives que dexen xuna rápida respuesta a cuestiones como la situación actual xenerada pola guerra n’Ucrania.

La PNL de la que se fizo anuncia esti miércoles n’Uviéu pola secretaria xeneral de Podemos Asturies, Sofía Castañón, y el voceru parlamentariu, Rafael Palacios, asoléyase nesti contestu d’incertidume xeneráu pola crisis enerxética que ye’l momentu pal partíu d’aumentar “la nuesa soberanía” como “la meyor respuesta que podemos dar a los asturianos”.

Palacios recordó qu’este mesmu miércoles el presidente Adrián Barbón enfeó a quien nun quixeron aprobar la reforma del Estatutu, porque esto dexaría sacar midíes al traviés d’un decreto-llei pa desaniciar los efectos de la crisis provocada pola guerra n’Ucrania, daqué que nun ta contempláu nel Estatutu vixente.

Podemos tamién quier, amás d’algamar la oficialidá, qu’Asturies tenga la capacidá de convocar elecciones, recuéyanse les señes d’identidá de l’autonomía, actualizar llei electoral o esaniciar los aforamientos, amás de “blindar” derechos sociales yá reconocíos n’otros Estatutos.

Loading Facebook Comments ...