Cine PlayPresta presenta’l Proyectu Webserie nes sos canales de Facebook y Youtube by redacción asturnews 1 d'abril, 2019 written by redacción asturnews 1 d'abril, 2019 87 PlayPresta estrenó’l Proyectu Webserie esti domingu a les 21,30 hores na so páxina web www.playpresta.com y nes sos canales de Facebook y Youtube. Esti martes 2 a les 19:30 hores na Vieya Escuela Comerciu de Xixón va presentase la serie, dempués del so preestrenu en Villaviciosa y Bimenes, cola participación de los actores y el director La canal de conteníos audiovisuales n’asturianu PlayPresta, que ta a piques de sumar más d’un millón de visites a los sos videos, estrenó esti domingu a les 21:30 la so primer webserie de ficción, “Proyectu webserie”, con una primer temporada de capítulos, que van tar disponibles cada domingu dende les 21:30 hores nes sos canales de Facebook y Youtube, asina como na so páxina web www.playpresta.com El Proyectu de webserie ta centrada precisamente en cuntar la hestoria de Xurde y Adriana, dos rapazos que s’embarquen nun proyectu web d’entretenimientu xunto a Oliver, un actor mozu y youtuber un pocoñín curtiu d’entendederes. El problema ye que nun tienen nenguna idea que-yos convenza. Too cambia cuando, de casualidá, Xurde s’atopa con Ayalga, una camarera aspirante a actriz de la que lleva namoráu dende cuantayá. Xurde úfre-y participar nuna webserie, ensin tener nada planeao entá, asina qu’agora embárquense toos xuntos nuna webserie na que naide tien claro’l so argumentu, rol, cómo son los personaxes, nin cuánto va durar la serie… La serie ta producida por Cuatro Gotes Producciones con guión y dirección del mozu realizador Marcos S.L. y ye una apueste por da-y conteníos n’asturianu de ficción a la mocedá nestos tiempos nos que’l consumu televisivu faise cada vegada más al traviés de plataformes de conteníos colgaos na rede. Ocho capítulos d’unos cinco minutos que tienen a actores y actrices como Bea Canteli, Olaya Pena, Pablo Mare, Sergio Ordoñez y tamién dellos cameos. El proyectu d’esta web serie ye de CuatroGotes Producciones, S.L. y cunta col sofitu de la Oficina de Normalización Llingüística de Xixón. Esti martes 2 a les 19:30 hores na Vieya Escuela Comerciu de Xixón va presentase la serie, dempués del so preestrenu en Villaviciosa y Bimenes, cola participación de los actores y el director de la mesma, asina como con una proyección de los primeros capítulos. 0 FacebookTwitterPinterestEmail Anterior La 40 Selmana de les Lletres va dedicase a la música asturiana siguiente El CILE de Córdoba cierra col llinguaxe inclusivu como tema autoinvitáu Tamién te podria gustar La gala de los Goya va celebrase en... Avilés proyecta “Patriarcáu, l’organismu nocivu”, un documental contra... La última Palma d’Oru en Cannes brilla nel... Empiecen les proyecciones pa escolares de la Selmana... La Pola acueye la proyección de “Ente les... El Festival SACU va acoyer l’estrenu del cine-conciertu... La Factoría Cultural proyecta “La Mina en Llapaes” Güei proyéctase en La Pola “You resemble me” Servicios Sociales de Xixón presenta’l documental ‘Guapes Hestories... La BICC proyecta’l documental “Varsavsky – El científicu...