Portada Lliteratura Planeta homenaxea a Lara nel so cabudañu editorial

Planeta homenaxea a Lara nel so cabudañu editorial

by redacción asturnews

Yera la primer convocatoria del premio Planeta trés la muerte’l pasáu 31 de xineru de José Manuel Lara Bosch y yera previsible que se convirtiera nun actu d’homenaxe a la figura del editor pero tamién foi a la so filosofía empresarial y política.

Demientres la presentación de la 64ª edición del galardón que se falla mañana, el so fíu José Manuel Lara García, conseyeru delegáu del grupu, dexó cayer esta tarde ente mediu d’una alcordanza al so proxenitor: “Munchos vendríen equí pensando na frase que dixo’l mio padre en 2012 de que si Cataluña fuera independiente’l grupu Planeta tendría que dise a Madrid, Zaragoza o Cuenca”. Depués, a entrugues de los periodistes, foi bien esplícitu: “El significáu de la frase del mio padre ye bien claro y nun soi quien pa rectifica-y; pensamos absolutamente lo mesmo qu’entós”, ratificóse, serenu. Darréu, l’otru gran debutante, José Creuheras, presidente del grupu, secundolu diciendo que “la posición empresarial ye inequívoca al respective”.

Foi la culminación d’un actu nel que naide quixo dexar d’apurrir la so alcordanza o la so vivencia col editor. Y tamién salió a colación una de les grandes obsesiones de José Manuel Lara Bosch, la piratería dixital: “Produciéronse n’España 335 millones de descargues illegales que portaríen 900 millones d’euros de facturación”, sollertó quien encamentó tamién al Gobiernu a ellaborar una llei que protexa a les llibreríes, como en Francia, de la mesma manera que pidió una lexislación que potenciara la llectura nun país onde “una de cada trés persones almite que nun lleó nunca un llibru”. Tamién rompió una llanza pol llibru en formatu tradicional: “Nueve de cada 10 persones prefieren el papel al soporte dixital, que tuvo una crecedera d’apenes un 5%”.

La cifra de 486 orixinales presentaos anguaño al galardón, dotáu con 601.00 euros pal ganador y 150.250 euros pal finalista, dexó a Creuheras presumir de que al históricu premiu presentáronse yá hasta la fecha 21.000 orixinales  y de que se vendieren 41 millones d’exemplares, lo que significa, dixo, “qu’hai de media dos premios Planeta en cada llar español”.

 

Tamién te podria gustar