Pintar-Pintar espubliza “Arroz, agua y maíz”, primer premiu María Josefa Canellada

La editorial Pintar-Pintar espublizó yá “Arroz, agua y maíz”, de Berta Piñán. La obra, dedicada al públicu infantil, ta ilustrada por Elena Fernández y fízose col I Premiu “María Josefa Canellada” de Lliteratura Infantil y Xuvenil, falláu l’añu pasáu. La obra ta conformada según la editorial por “Versos pa neños y neñes de toles partes del mundu”.

Berta Piñán ñació en Cañu, Cangues d’Onís, nel añu 1963 y ye llicenciada en Filoloxía Hispánica pola Universidá d’Uviéu, amás d’una de les escritores más reconocíes del Surdimientu.