Piloña recibe les Xornaes de Lliteratura Infantil y Xuvenil en Llingua Asturiana

Güei entamen n’Infiestu, nel conceyu de Piloña les actividaes de les Xornaes de Lliteratura Infantil cola presentación del llibru ‘Pepu’l Pastor’ de Miguel Rojo. Les actividaes van siguir mañana miércoles cola presentación d’otru llibru ‘Pol, un perru real”’ d’Enrique Carballeira. El miércoles va celebrase tamién l’actividá del ‘cuentaxuegos’, un taller de creación lliteraria pa neños.

El xueves 18, a partir de les cinco y media de la tarde, va facese’l cuentacuentos audiovisual “Cuentos de la Curuxa”, faciéndose’l vienres 19 un taller de personaxes nel que los neños van poder crear ellos mesmos a los protagonistes de les hestories. Per otru llau, sigue abiertu’l plazu pa unviar cuentos al concursu pa escolinos de primaria convocáu pol Ayuntamientu dientro de les xornaes, premios que van entregase’l día 9 de payares, nel actu de pieslle de les Xornaes de Lliteratura Infantil. L’añu pasáu presentáronse más de 150 trabayos.