Piloña acueye la VIII Amuesa d’Arte pola Oficialidá

10 febreru 11:02 2011 Imprimir

L

a Casa de la Cultuta de L’Infiestu (Piloña) vien acoyendo dende’l xueves día 10 y hasta’l 24 de febreru la VIII Amuesa d’Obres d’Arte pola Oficialidá.

La inauguración de la esposición tuvo llugar esti xueves día 10, a les 13 hores, na Casa Cultura de L’Infiestu y nella va contose cola presencia del alcalde del Conceyu Piloña, Camilo Montes Díaz, amás de la de dellos de los artistes participantes na Amuesa.

La VIII Amuesa d’Obres d’Arte pola Oficialidá ta formada poles creaciones artístiques donaes por autores asturianes/os pa sofitar les campañes del Conceyu Abiertu pola Oficialidá, plataforma cívica integrada por más de trescientes asociaciones culturales, vecinales, folclóriques, grupos de música, artistes de toa triba, deportistes, sindicatos, partíos políticos y persones particulares, y que tien como únicu oxetivu algamar la oficialidá de la llingua asturiana y del gallego-asturianu nel Estatutu d’Autonomía d’Asturies.

Nella puen atopase artistes de les cuatro últimes xeneraciones. Dende veteranos autores de la talla y el prestixu de Bernardo Sanjurjo o Fernando Alba a otros muncho más mozos que formen parte del arte emerxente actual.

  Categories:
Loading Facebook Comments ...