PHotoESPAÑA axunta les meyores fotografíes del confinamientu en Xixón

PHotoESPAÑA axunta les meyores fotografíes del confinamientu en Xixón
01 xunetu 08:45 2020 Imprimir

Los balcones de la Plaza Mayor esiben dende esti 25 de xunu y hasta finales d’agostu les 50 fotografíes d’autores y autores de Xixón escoyíes por PHotoESPAÑA pal proyectu PHdesdemibalcón.

Énte la situación provocada pola COVID-19, PHotoESPAÑA llanzó una convocatoria a tolos  fotógrafos, profesionales y aficionaos, y públicu polo xeneral  pa recoyer la vida mientres el periodu de confinamientu y amosar  les meyores semeyes que se realizaron en redol a los nuesos balcones. Recibió 63.000  imaxes de 50 ciudaes participantes, ente les que s’atopa Xixón, representada por 395 instantánees.

Mientres la inauguración, l’alcaldesa de Xixón, Ana González Rodríguez, destacó como «un gran aciertu de PHotoESPAÑA alvertir la singularidá d’esa situación y el pervalible documentu visual» a partir de «una invitación a que los confinaos y confinaes afilaren el güeyu, enfocaren los sos cámares y dieren rienda suelta a la so creatividá pa captar les situaciones y momentos más singulares d’estos meses estraordinarios».

Pa la rexidora xixonesa, compón un retablu d’imaxes que tomen tolos xéneros, dende la semeya al paisaxe o’l bodegón, y que «componen una combinación extraordinariamente humana de semeyes, interiores, paisaxes urbanos, inclusive bodegones que nos ponen otra manera primero de too esto qu’entá tenemos tan cerca, que vivimos con tanta proximidá mutua a pesar del encierre que nos dixebraba».

Descargar PDF

  Categories: