Peslló la nueva campaña de música pa escolares nel Teatru Filarmónica

La campaña de música qu’entamó esti miércoles y finó ayeri vienres permitió que casique 2500 escolares de la ESO allegaran a les representaciones de la obra musical “La lleenda del Faunu”.

La Conceyalía d’Educación del Conceyu d’Uviéu desenvolvió esta selmana la campaña de música pa escolares, na que participaron un total de 2.481 escolinos del ciclu de la ESO provenientes de 17 colexos del conceyu.

La Orquesta Uviéu Filarmonía representar, embaxu les ordes del director Marzio Conti, La lleenda del Faunu, onde los estudiantes pudieron sentir pieces como la Obertura 1812 (Piotr Tschaikowski); Sinfonía del nuevu mundu (A.Dvorak); El Moldava (Smetana); La Notte (A.Vivaldi); segundu movimientu del conciertu pa clarinete (W.A. Mozart); obra a estrenar (A.Prittwitz); Stándar de Jazz (arr.A. Prittwitz); pieza música de cine; pequenos fragmentos d’obres de música de cámara pa introducción y presentación de distintos preseos. La obra cunta con Andreas Pritwittz como maestru de ceremonia y Susana Gómez como Directora d’escena y guión.

Les representaciones tuvieron llugar los díes 17, 18 y 19 de mayu nel Teatru Filarmónica; con una duración d’una hora, y dos representaciones al día, la primera a les 10 hores, y la segunda a les 11,30 hores.