Portada Música “Perversiones”, el discu de versiones de Dixebra va tar na cai el prósimu mes

“Perversiones”, el discu de versiones de Dixebra va tar na cai el prósimu mes

by asturnet

Xune Elipe anunció esti martes n’Uvieu, que’l discu de versiones de Dixebra que se va asoleyar el prósimu mes con motivu de los 20 años de vida de la banda, ya ta fechu. El discu va llamase “Perversiones”, va tar na cai en payares y tien 20 versiones que van dende’l hip-hop o el punk a la música lletrónica ya’l reggae. El músicu dixo que tanto el como la banda quedaren mui contentos col resultáu ya que nótase que los participantes nun ficieron les versiones por compromisu.

Elipe, que fizo estes declaraciones durante la presentación del anuariu de la música asturiana de 2007, dixo que’l fechu de que Dixebra cumplan 20 años de vida nun se suel dar na música asturiana. Namás Llan de Cubel, Ilegales, Nuberu o Stukas alagamen tantu tiempu enriba los escenarios.

Tamién te podria gustar