Pepa Flores, la gran Marisol, va recibir el Goya d’Honor

Pepa Flores, la gran Marisol, va recibir el Goya d’Honor
26 ochobre 11:08 2019 Imprimir

Pepa Flores va recibir el Goya d’Honor 2020. Asina lo decidió y fixo públicu esti miércoles la Xunta Directiva de l’Academia de Cine, que quixo reconocer a l’actriz poles sos inolvidables interpretaciones y por ser una de les actrices más queríes y recordaes pol gran públicu”.

En conociendo la noticia, la que foi la neña maravía más idolatrada d’España reconoció sentise sosprendida, anque “bien honrada y estimosa por esta reconocencia, y pollo quiero da-y les gracies a l’Academia y deseya-y muncha salú al nuesu cine”.

Más conocida como Marisol, la intérprete foi tou un fenómenu de mases mientres los años 60 y 70, dómina na que fixo cantar, baillar y sonrir al gran públicu coles comedies musicales que protagonizó. Años más tarde, demostraría la so capacidá como actriz dramática en producciones empobinaes por Juan Antonio Bardem, Carlos Saura y Mario Camus, a que les sos ordes rodó Los díes del pasáu, trabayu que-y valió’l premiu a la meyor interpretación femenina nel Festival de Karlovy Vary.

Pero’l so debú nel cine foi con Un rayu de lluz, película cola que conquistó’l premiu a la meyor actriz infantil na Mostra de Venecia. Ende empezó un percorríu nel que nun tardó en convertise en toa una figura icónica del cine español, marcando asina a delles xeneraciones.

  Categories: