Penélope Cruz, Rubén Blades y Pepe Habichuela, Medayes d’Oru de les Belles Artes 2018

El Gobiernu español vieno acabante conceder la Medaya d’Oru al Méritu nes Belles Artes correspondiente al añu 2018 a 21 personalidaes y entidaes del mundu de la Cultura, ente les que destaca Penélope Cruz, Rubén Blades o Pepe Habichuela, según informó’l Ministeriu de Cultura y Deporte.

Esta distinción foi aprobada nel Conseyu de Ministros d’esti vienres 28 d’avientu a propuesta del ministru de Cultura y Deporte, José Guirao y con esti galardón estremase a quien destacaron nel campu de la creación artístico y cultural o hayan emprestáu vultables servicios nel fomentu, desenvolvimientu o espardimientu del arte y la cultura o nel caltenimientu del patrimoniu artísticu.

En concretu, les personalidaes del mundu de la cultura galardonaes fueron l’actriz Penélope Cruz; el cantante Rubén Blades; el director de teatru Lluís Pascual; el cantante Gilberto Gil; el fotógrafu Carlos Pérez Siquier; el cocineru Ángel Llión; el director y actor Gerardo Vera; la cantante Fátima Miranda; el guitarrista flamencu Pepe Habichuela; la presidenta de Hispania Nostra Araceli Pereda; la coreógrafa, directora y baillarina Rosángeles Valls; la bailladora Manuela Carrasco; la pintora y grabadora Roser Bru; l’actriz Margarita Lozano; l’escenógrafu Ezio Frigerio y la figurinista Franca Squarciapino (ex aequo); el compositor Féliz Ibarrondo; el director de La Mar de Música Paco Martín (a títulu póstumu); y l’artista de circu Tortell Poltrona.

Amás, el Gobiernu concedió la Medaya d’Oru al Méritu nes Belles Artes 2018 a trés instituciones: l’Agrupación de Peñes del Antroxu de Cádiz, el Muséu Vostell de Malpartida (Cáceres) y la Norman Foster Foundation.

Nel próximu mes de xineru van apurrir en Córdoba les Medayes d’Oru al Méritu nes Belles Artes correspondiente a 2017.