“Pelegrinos: un Camín interior” espón otra semeya de los caminantes a Santiago

“Pelegrinos: un Camín interior” espón otra semeya de los caminantes a Santiago
22 10:29 2021 Imprimir

Una selección de 20 fotografíes tomaes pol fotógrafu José Mata a lo llargo de dellos años nos distintos caminos xacobeos, qu’inclúi les esperiencies de los protagonistes ye la tema de  Pelegrinos: un Camín interior una esposición que foi inaugurada esta selmana pasada por Yolanda Alonso, conceyala de Cultura d’Avilés, y Raquel Ruiz, conceyala de Turismu.

La tradición xacobea d’Avilés atopa una nueva forma d’espresión, na esposición Pelegrinos: un Camín interior, conformada poles semeyes que’l fotógrafu José Mata realizó a caminantes escontra Santiago. Inaugurada na mañana del miércoles 17 de payares, na Antigua Pescadería, podrá visitase hasta’l 9 de xineru de 2022. Nel actu d’inauguración participaron Yolanda Alonso, concejala de Cultura d’Avilés, y Raquel Ruiz, concejala de Turismu, amás del autor de les fotografíes, José Mata.

L’amuesa ufierta al espectador participar de les vivencies y motivaciones de cientos de pelegrinos que s’enfusen en dos caminos: el relixosu, per un sitiu, y el personal qu’escurre dientro de cada persona que s’empecipia nel so percorríu, quiciabes col enfotu de que confluyan n’unu que los lleve a un destín de conocencia personal más fondu.

Pelegrinos: un Camín interior  consta d’una selección de 20 fotografíes d’ente les más de 1.200 tomaes por Mata nel mesmu Camín mientres dellos años. A él treslladó’l so estudiu, y dende él encetó a los pelegrinos y pelegrines de too el mundu que lu percuerren con infinidá de motivaciones, inmortalizando el so pasu y les sos vivencies personales.

Amás, la hestoria d’Avilés, parte indisoluble del Camín, nun podía caltenese al marxe del proyectu, como asina quedó reflexao en delles fotografíes de pelegrinos, tanto nel albergue de Pedro Solís, como nel so pasu poles cais de la ciudá.

Al pie de la imaxe, Mata suxure a cada caminante que verbalice la so esperiencia, grabando estes llocuciones, les cuálos formen parte de la esposición fotográfica. Asina, l’espectador va poder escuchar hestories emotives contaes en primer persona per caúnu de los y les protagonistes, nel so idioma orixinal, mientres el tiempu de permanencia de la esposición na Antigua Pescadería, a manera de banda sonora de relatos.

Coles mesmes, un códigu QR va convidar al espectador a caminar al pie de otres persones que van cuntándo-yos tantos porqués como caminantes hai, pudiendo sentise d’esta miente parte de l’aventura.

  Categories: