Pelayo “El Barquilleru” protagoniza’l nuevu cartelu del XVII Avilés Acción Film Festival

Pelayo “El Barquilleru” protagoniza’l nuevu cartelu del XVII Avilés Acción Film Festival
30 abril 15:56 2018 Imprimir

Pelayo “El Barquilleru” protagoniza’l nuevu cartelu del XVII Avilés Acción Film Festival, sigún se diera a conocer la selmana pasada al traviés de les Redes Sociales.

La XVII edición del Avilés Acción Film Festival yá tien a les sos 12 finalistes en Sección Nacional y Sección Asturies. la mocedá intersada en participar na Sección Aules tienen abiertu’l plazu d’inscripción hasta mañana día 1 de mayu, al traviés de la web del festival.

El 17 d’abril les redes sociales del Avilés Acción Film Festival amburaron tres la publicación del nuevu cartelu d’esta XVII edición. Pelayo, el barquilleru más famosu de la ciudá, protagoniza la nueva imaxe del festival siguiendo la llínea de la estética d’un cartelu cinematográficu que bien pudiera anunciar l’estrenu d’una próxima taquillada.

Una vegada l’equipu del festival tuvo clara la idea que quería afigurar na so nueva imaxe, contactó cola fotógrafa Aida Folgosu (Díes de Vinu y Roses). ”Cuando me contactó Javier Mediavilla –director del festival- yá había un parámetru totalmente claru y yera que’l protagonista del cartelu sería Guillermo Manuel Pelayo Barquín. Les referencies que Mediavilla tenía na cabeza yeren toos estilu gánster basándose en películes como El Padrín y Vivir de Nueche, por tanto, taba clara la estética final”, comenta Aida.

Tres la primera toma de contactu púnxose manes a la obra, “realicé un    moodboard  en     el que desenvolví un      pocu      más la idea inicial  con  delles propuestes d’estilu, acting, tipu de llume, atrezo… Refugamos  y escoyimos  xuntu con    Mark –director de Producción del Festival- les  más  allegaes  al estilu buscáu, onde s’eponderara siempres      la figura de Pelayo      yá que    diba ser l’indiscutible     protagonista del  cartelu”.

Pela so parte, la Sección Aules Móvil yá tien abiertu la so canal, al que s’apuerta en siguiendo les instrucciones marcaes na web  www.avilesaccion.com , pa xubir los trabayos de los y les moces participantes, que pueden presentar los sos curtiumetraxes hasta’l 1 de mayu.

Asina mesmu, mientres la selmana grande del certame, a les distintes actividaes y exhibiciones de los curtiumetraxes de toles secciones, van sumase amueses de llargumetraxes nacionales, internacionales y llatinoamericanos. La see principal va ser la Casa de la Cultura, anque tamién va haber actividaes programaes en Factoría Cultural y Teatru Palaciu Valdés, ente otros espacios.

  Categories: