Pedro Sánchez aboga por caltener un ministeriu dedicáu namái a Cultura

El presidente del Gobiernu, Pedro Sánchez, abogó esti día por un pactu d’Estáu” pola cultura, y por caltener un ministeriu propiu para l’área cultural, tal que señaló mientres l’actu ‘Cultura y Axenda 2030’, celebráu esti xueves 14 de marzu nel Palaciu de la Moncloa, y al qu’asistió alredor de mediu centenar de personalidaes de los distintos sectores del mundu de la cultura.

“Lo que tenemos que faer ye recuperar el ministeriu de cultura. Oxalá dientro d’esi pactu d’Estáu, al que yo tamién m’apunto, tenga como unu de los sos principales valores y ferramientes que nunca suma’l Ministeriu de Cultura, con independencia de que gobierne un partíu o otru”, destacó Sánchez mientres el so discursu y en respuesta al pidimientu de dalgunos de los representantes culturales qu’intervinieron nesti actu.

Sánchez destacó la importancia de l’Axenda 2030, que definió como “una fueya de ruta que tresllada munchos valores”, ente los que citó, “la solidaridá intergeneracional”, nuna selmana “tan importante nel 15M” y colos vienres pol futuru de chavales nuevos” que se manifiesten “por un planeta sostenible”.

“La cultura nun puede ser el pariente probe de les crisis económiques”, dixoSánchez, de la que destacó que la cultura dexa “entender al otru” ensin dexar de ser unu mesmu, nun momentu nel qu’aprucen movimientos “reaccionarios” que traten de “uniformizar” a la sociedá y que conciben “la diversidá como daqué problemáticu”.