SociedáTecnoloxía Pedro Ménendez d’Avilés estrena perfil en Instagram: @eladelantadodeaviles by redacción asturnews 4 de marzu, 2019 written by redacción asturnews 4 de marzu, 2019 157 Pedro Ménendez d’Avilés estrena güei so perfil en Instagram: @eladelantadodeaviles, como parte de la conmemoración del V centenariu de la nacencia del Adelantráu de la Florida y p’averar al públicu xeneral, y especialmente al más nuevu, la hestoria, biografía y fazañes de Pedro Menéndez. Los testos van publicase n’español y n’inglés col enfotu de internacionalizar la figura del marín. Pedro Menéndez d’Avilés va dar güei el saltu al mundu dixital al traviés de eladelantadodeaviles, un perfil de Instagram dedicáu a la so figura. Dende la conceyalía de Cultura del Conceyu d’Avilés va poner en marcha esta iniciativa que tien como oxetivu espublizar la hestoria y les fazañes del Adelantráu de la Florida ente los usuarios de la rede social. La cuenta, colos sos testos escritos en primer persona, va faer un siguimientu de les distintes actividaes que se van llevar a cabu mientres el presente añu por cuenta de la conmemoración del 500 aniversariu de la nacencia del marín y va espublizar aspeutos relevantes de la so hestoria. Pa ello, la historiadora Raquel Capo Marqués va nutrir de conteníu tanto la sección de “noticies” como la de “hestories” del perfil con una periodicidad de dos o trés publicaciones a la selmana. Tolos sábados del añu 2019 podrá esfrutase d’una actualización de conteníu histórico que va afayar aspeutos relevantes de la vida del Adelantráu. Les publicaciones van tar redactaes n’español ya inglés, cola idea de internacionalizar el V Centenariu y, especialmente, faer llegar la información a la ciudá hermana de San Agustín (Florida) na que tamién se ta conmemorando anguaño la nacencia de Pedro Menéndez. Pedro Menéndez estrenase n’Instagram con una publicación en tonu cercanu acompañada d’una fotografía de la so semeya -d’autoría desconocida- que s’atopa davezu espuestu nel Salón de Recepciones del Palaciu Consistorial. Apuerta equí al perfil de @eladelantadodeaviles 0 FacebookTwitterPinterestEmail Anterior Asturies nun rebaxa l’horariu de profesores de más de 55 años siguiente IX pide esplicaciones sobre los daños a pieces del castru del Chaosamartín Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII...