Portada Lliteratura Pedro Gonzalez Moreno gana’l Premiu de Novela Café Xixón

Pedro Gonzalez Moreno gana’l Premiu de Novela Café Xixón

by redacción asturnews
Foto: M a n u e l (https://www.flickr.com/photos/martius/)

Esti xueves 14 de setiembre fallose’l Premiu de Novela Café Xixón 2017, que foi a parar a Pedro González Moreno pola so obra “La mujer de la escalera”.

Un xuráu compuestu por Doña. Rosa Regás, Doña. Mercés Monmany, D. Marcos Giralt, D. Antonio Llombes, presidíu por José María Guelbenzu y actuando como secretaria, Doña Ana Patricia Menéndez Benavente, anunció’l nome del ganador nun actu que se celebró nel centenariu café del Paséu de Recoletos nº 21 (Madrid) a les 12:30 hores.

Al actu asistieron Doña Ana Montserrat López Moru, conceyala de Cultura, Educación y Cooperación del Conceyu de Xixón/Xixón, entidá organizadora d’esti premiu dende l’añu 1989. Y tamién s’allegó Doña Ofelia Grande, directora de la prestixosa editorial que se va encargar un añu más de publicar la novela galardonada.

A la convocatoria del Premiu de Novela Café Xixón 2017 presentáronse un total de 941 noveles. El Premiu de Novela Café Xixón ye un premiu que se propón fomentar la creación lliteraria, con independencia absoluta d’intereses comerciales, independencia garantizada por un xuráu de prestixoses personalidaes lliteraries, ensin llimitación territorial y centrada namá nel valor artísticu de les obres presentaes a concursu. Esti premiu ta dotáu con 20.000 €, apurríos pol Conceyu de Xixón y la publicación de la novela per parte de la Editorial Siruela.

El Conceyu de Xixón vien apostando dende 1989 por un premiu que venceya’l nome de la nuesa ciudá a una iniciativa artística del máximu prestíu, con una llarga hestoria cultural a los sos llombos. El Premiu Café Xixón pa noveles curties foi creáu en 1949 pol actor Fernando Fernán-Gómez y dellos amigos colos que compartía conxusta nel célebre café del Paséu de Recoletos (Camilo José Cela, José García Nieto, Manuel Aleixandre, Eduardo Haro Tecglen, Regino Sáinz de la Maza, Manuel Pilastres…)

Tamién te podria gustar