Portada Educación Pedro Duque apuesta por un órganu esternu a la Universidá pa detectar irregularidaes

Pedro Duque apuesta por un órganu esternu a la Universidá pa detectar irregularidaes

by redacción asturnews

El ministru de Ciencia, Innovación y Universidaes, Pedro Duque, apuesta por que la futura Llei d’Universidaes que prepara’l Gobiernu incorpore un órganu esternu o «parcialmente esternu» pa “detectar cualquier tipu d’irregularidá” y evitar asina casos como los de Cristina Cifuentes, Pablo Casáu o Carmen Montón.

Pal titular del departamentu «ye bien difícil saber cómo se va a perfilar» esta futura Llei pola tresferencia de les competencies ente comunidaes autónomes en materia d’educación, pero sí aseguró que tendría de contemplar una mayor «corresponsabilidad ente universidá y sociedá».

«Ye lóxico qu’unu de los cambeos sía una mayor participación del texíu social na definición de qué ye y lo que tienen que faer les universidaes, qué estudios son necesarios y qué camín tendríamos de siguir», opina Duque, qu’apunta que’l Ministeriu «de xuru» va incluyir «dalgún tipu de mecanismu» por que la sociedá pueda apurrir idees  coles mires d’influyir nel funcionamientu positivu» del sistema.

Nun almuerzu informativu de Fórum Europa, celebráu esti xueves en Madrid, Duque volvió dicir que ye «inxustu» el tratamientu informativu que recibió’l sistema universitariu arriendes de los casos de Cifuentes, Casáu y Montón, y aportunó en qu’estos son «casos puntuales». Otra de les midíes que destacó del ámbitu universitariu guarda relación col accesu a la universidá. Asina, señaló que «pa nun perder nengún talentu, nin por procedencia nin situación económica», el so departamentu ta trabayando col Ministeriu d’Educación y Formación Profesional nuna reforma del modelu de beques.

Tamién te podria gustar