Paz Andrés va ser la nueva Defensora Universitaria

La catedrática de Derechu Internacional Públicu, Paz Andrés, va ser la nueva Defensora Universitaria en retirándose del procesu’l so rival, Ramón Durán, que quedo a 41 votos de distancia na primer votación.

El claustru de la Universidá d’Uviéu axuntárase esta mañana pa escoyer esa figura, pero nengunu de los candidatos llograra’l respaldu de la mayoría, magar que Paz andres anduviera cerca al llograr 120 de los 137 votos necesarios. Al alcuentru asistieron 179 miembros, el 64,62 per cientu del total. Ramón Durán consiguió 78 respaldos y Paz Andrés, 120. Por ello, afitárase una segunda vuelta pal 1 de marzu, que yá nun va ser necesaria. Al rematar el claustru, el rector hai lleíu un escritu unviáu por el mesmu Durán nel qu’anunciaba la so retirada.

L’alcuentru empezó puntual, cola intervención  del director de la Escuela de Mines d’Uviéu, Francisco Blanco, que defendió la candidatura del hasta agora Defensor Universitariu, el catedráticu de Derechu Civil, ente que’l profesor de Bioloxía, José Ramón Rico, fixo lo propio a la d’esponer les razones de por qué debía ser la nueva Defensora la catedrática de Derechu Internacional Públicu.

Paz Andrés foi candidata per dos vegaes al Rectoráu de la Universidá d’Uviéu y amosó siempres el so interés en que l’asturianu se normalizare nes relaciones internes y esternes de la institución académica.