Paul McCartney vuelve por sorpresa a Abbey Road

Paul McCartney vuelve por sorpresa a Abbey Road
29 xunetu 09:43 2018 Imprimir

L’exintegrante de los Beatles, Paul McCartney volvió cruciar esta selmana’l célebre pasu piatonal de Abbey Road, nel noroeste de Londres, pa sorpresa de tolos que pasaben pellí.

Hai yá 49 años desque Ian McMilan fotografió unu de los momentos más trascendentes y comentaos na hestoria de la música. Esi 8 d’agostu de 1969 tomóse la que diba ser la imaxe más icónica de la popular banda de pop rock británica frente al estudiu de Abbey Road onde grabaron dalgunos de les sos temes como Yellow Submarine. Nesta ocasión, el baxista del grupu visitó de nuevu’l llugar para ufiertar un conciertu secretu nos estudios énte la mirada de decenes de fans y d’invitaos de lo más conocíos como Kylie Minogue, Orlando Bloom o Johnny Deep.

A los sos 76 años, Paul interpretó dalgunos de les temes que van formar parte del so próximu discu Egypt Station que va salir a la lluz el próximu 7 de setiembre. Pero non quixo escaecese de dalgunos de les temes más populares de los Beatles cantando Drive my car, Back in the O.S.S.R o Lady Madonna, ente otres.

El músicu británicu nun duldó en compartir al traviés de les sos redes sociales un vídeu caminando pol famosu pasu de cebra, esta vegada en solitariu, ensin cigarru na mano y con zapatos. El vídeu consiguió más d’un millón de reproducciones en menos d’un día. Paul McCartney acostuma a faer esti tipu de aparición sorpresa en llugares públicos p’allantar a los sos fans d’un conciertu en directu d’él y ye que va un mes víamos-y n’un pub de Liverpool improvisando un conciertu sorpresa.

  Categories: