Portada Música Paul McCartney anuncia conciertu en Barcelona pa 2020

Paul McCartney anuncia conciertu en Barcelona pa 2020

by redacción asturnews
Foto: drinks machine (https://www.flickr.com/photos/drinksmachine/)

Paul McCartney anunció esti xueves pasáu un conciertu nel Estadi Olímpic Lluís Companys de Barcelona’l próximu 17 de xunu, dientro de la so xira Freshen Up.

Na so páxina web, l’ex Beatle esplica que ta entamando “una gran celebración cuando volvamos a Barcelona’l próximu añu”, y añede qu’él y la so banda esperen atopase con tolos sos fans y celebralo con rock y “fiesta”.

Esta va ser la so primer actuación n’España dende 2016, cuando axuntó a más de 40.000 persones nel estadiu Vicente Calderón, ente que pasaríen casi 30 años desque Paul McCartney ufiertó’l so primer show en Barcelona.

El Freshen Up Tour ye la xira que McCartney, de 77 años, entamó en sofitu del so decimoséptimu álbum d’estudiu Egypt Station. La xira empezó’l 17 de setiembre de 2018 con un conciertu en Quebec (Canadá).

Les entraes van salir a la vienta xeneral el miércoles 4 d’avientu a les 10 hores, y va haber preventas a partir del 2 d’avientu para miembros rexistraos en livenation.es y otra para fans.

El públicu va poder esfrutar de casi trés hores con grandes ésitos de McCartney de los postreros 50 años, con cantares de la so carrera en solitariu, de la so etapa cola banda Wings y tamién del repertoriu de los Beatles. Mientres los postreros 15 años la so banda tuvo formada por Paul “Wix” Wickens (teclaos), Brian Ray (so/guitarra), Rusty Anderson (guitarra) y Abe Laboriel Jr (batería).

Tamién te podria gustar