Portada Música Pau Donés despídese de la música

Pau Donés despídese de la música

by redacción asturnews
Pau Donés - Foto VOCES (https://www.flickr.com/photos/voces/)

Jarabe de Palu da un pasu a un llau temporalmente, porque Pau Donés anunció esti martes so retirada tantu de los escenarios como de composición a partir del próximu 1 de xineru de 2019. El músicu asegura qu’esti nun ye un parón “pol cáncer”, sinón pa “parar de la música y retomar un estilu de vida más normal”, pudiendo asina esfrutar de la so fía.

El catalán anunció que tien el plan de dira vivir fora d’España, abondo llueñe como por que nun-y tente la idea d’allegar a un festival si lu llamen. Sicasí, aportuna en que se trata d’un “hasta depués”. Y quier despidise per tolo alto de los sos siguidores con un nuevu discu orquestal y un llibru con lletres de los sos cantares.

Magar que el cantante enfrentase a un cáncer dende va un tiempu, siempres amosó’l so positivismu al traviés de les redes. “Llámame Joan, del hospi, y dizme que la quimio yá ta apunto. Pos del mar directu a la sala de onco…¡Qué pasa! Na isla les coses van asina”, dicía’l cantante n’una de les sos imaxes más virales.

En 2015 foi operáu de cáncer de colon, pero l’añu pasáu volvió sufrir una recaída. Paralizó temporalmente los sos proyectos pero nun tardó en recuperalos, siempres con una sorrisa.

Tamién te podria gustar