Portada Educación Participantes en ’50y+’ y escolares empecipien el programa ‘Intercambiu de saberes’

Participantes en ’50y+’ y escolares empecipien el programa ‘Intercambiu de saberes’

by redacción asturnews

El Conceyu de Llanera punxo en marcha esti mes una nueva edición del programa ‘Intercambiu de saberes’, una iniciativa municipal col oxetivu de que les muyeres que participen nel programa ’50y+’ y los neños de los distintos centros escolares del conceyu compartan les sos esperiencies y conocencies en diversos aspeutos del día ente día.

Con esti programa quier algamase non solo participar nel procesu educativu de los menores, sinón tamién qu’ellos mesmos enseñen a les muyeres participantes a conocer aspeutos, por casu, relativos a les nueves tecnoloxíes.

Dende agora hasta que remate’l cursu nel mes de xunu, alumnos de sestu de los colexos públicos de Llanera y de cuartu de la ESO del IES, van celebrar dellos alcuentros d’esti tipu. El primeru tuvo llugar nel colexu de Posada, onde cinco mujer, Duli, Loli, Oliva, Tere y Mercés, integrantes de ’50y+’, cuntaron al alumnáu de sestu cómo vivíen les vacaciones na so dómina ente que les neñes y neñes, pela so parte, enseñáron-yos a ella distintes formes d’atopar billetes d’autobús, tren, avión… al traviés d’Internet, según una serie de ‘conseyos’ a tener en cuenta a la de preparar la maleta.

Tamién te podria gustar