Portada Conceyos Participación Ciudadana d’Avilés entama’l cursu “Construyamos el to voluntariáu”

Participación Ciudadana d’Avilés entama’l cursu “Construyamos el to voluntariáu”

by redacción asturnews

La conceyalía de Participación Ciudadana d’Avilés, al traviés de la Oficina Municipal del Voluntariáu, entama la segunda edición del cursu de iniciación al voluntariáu, sol títulu de “Construyamos el to voluntariáu”, del 27 d’ochobre al 15 de payares.

Empobináu a persones interesaes en llevar a cabu remanes de voluntariáu o que yá tean participando nes mesmes, esti cursu d’aniciación al voluntariáu ponse en marcha tres la bona acoyida de la primer edición, realizada en payares del pasáu añu.

Enmarcáu dientro del Plan Estratéxicu del Voluntariáu d’Avilés, la inscripción pal cursu, gratuita, yá s’atopa abierta, y puede realizase hasta’l 25 d’ochobre al traviés d’un enllaz na web https://avilesvoluntariado.org.

Les clases van desenvolver de forma telemática, al traviés del sistema Moodle de la Plataforma del Voluntariáu d’Asturies, encargada d’impartir los conteníos. Primeramente, les persones inscrites van recibir les instrucciones para’l so manexu.

Van Ser un total de 20 hores lectives, y los conteníos que se van impartir, respondiendo a la necesidá de conocencies para empecipiar una actividá de voluntariáu, son los siguientes:

1. La participación
2. La participación y el voluntariáu
3. Conceutu de voluntariáu
4. El procesu para exercer voluntariáu
5. Ámbitos de l’acción voluntaria
6. El desenvolvimientu de l’acción voluntaria
7. Les relaciones del voluntariáu con otros axentes
8. La realidá del voluntariáu

Al rematar el cursu, y superada la evaluación, va apurrise un certificáu.

Pa resolver cualquier dulda nel cursu pueden dirixise a la Oficina del Voluntariáu del Serviciu de Participación Ciudadana del Conceyu d’Avilés, nel teléfonu 985 129 098.

Tamién te podria gustar