Paquita Suárez Coalla gana’l Premiu “María Josefa Canellada” de lliteratura infantil y xuvenil

El vienres pasáu axuntóse’l xuráu del Premiu María Josefa Canellada de lliteratura infantil y xuvenil, convocáu pol Gobiernu d’Asturies. La Casa Cultura de Santolaya, en Cabranes, dedicada a la mesma figura que’l concursu, acoyó’l conceyu del xuráu, que decidió da-y el premiu a “Camín de lletres: d’Asturies a Nueva York”, obra presentada col alcuñu “La Xaranzana” y que resultó ser de Paquita Suárez Coalla, escritora n’asturianu que reside nos Estaos Xuníos.

El premiu ta dotáu con 7.000 euros y tuvo nesta ocasión un record de participación, con diez obres.