Política IX cierra un alcuerdu pa la investidura de Javier Fernández by redacción asturnews 15 de xunetu, 2015 IX facía anuncia esti martes 14 de xunetu d’algamar un principiu d’alcuerdu cola FSA-PSOE pa la investidura de Javier Fernández y ente les midíes de la fueya de ruta, abierta a otros partíos, mnun s’alcontraba nin la oficialidá de la llingua asturiana nin la reforma del Estatutu, necesaria pa cualaquier pasu nesti sen, sigún reconocía’l propiu Gaspar Llamazares. La oficialidá presentárase na camapañ como una prioridá, pero la delegación d’IX reconoció que nun fueron a convencer al PSOE de la importancia de la mesma. Ente los acluéntros si que atopamos otres prioridaes d’IX como un plan de rescate social, la reforma electoral y otres lleis de rexeneración, tresparencia y participación social, midíes de reactivación económica, refuerzu de los servicios públicos y el compromisu de busca d’alternatives a la incineración. IX d’Asturies vieno acabante ayeri de cerrar un principiu d’alcuerdu pa la investidura de Javier Fernández, que va consultase a los órganos de dirección y a la militancia d’IX, nuna consulta que se va celebrar la fin de selmana. Trátase, en palabres del Coordinador d’IX, Manuel González Orviz y del voceru parlamentariu, Gaspar Llamazares, “de sentar les bases pa un programa de cambéu, qu’inclúi elementos que pueden compartir otres fuerces polítiques. L’alcuerdu sofitar en cuatro eje principales: el rescate ciudadanu y l’afitamientu de los servicios públicos, la rexeneración democrática y la llucha contra la corrupción, la reactivación económica y otros aspeutos amestaos al mediu ambiente o de defensa d’Asturies frente a otres instituciones”. Los dirixentes d’IX reconocieron como puntos de desalcuerdu cimeru cola FSA-PSOE la reforma del Estatutu y la oficialidá de la llingua asturiana, anque “hai coses que pueden ameyorar la situación de la llingua”, ya que por aciu d’una comisión na FSA-PSOE abren alternatives a l’actual protección y quieren plantegar midíes de respaldu y refuerzu a la protección y promoción del asturianu. 15 de xunetu, 2015 0 FacebookTwitterPinterestEmail
Política IX apuesta p’Asturies por un modelu de gobiernu asemeyáu al del conceyu d’Uviéu by asturnet 24 de xunu, 2015 Izquierda Xunida d’Asturies sigue apostando por un gobiernu fuerte con una base programática sólida de mínimos, “por un modelu d’entendimientu similar al d’Uviéu, tresversal y de cambéu d’izquierdes, de protección a les persones, como reflexa la propuesta de rescate ciudadanu que presentaron na mesma rueda de prensa”. Asina lo amosaron esti martes tantu’l coordinador d’IX d’Asturies, Manuel González Orviz, como’l voceru na Xunta Xeneral, Gaspar Llamazares. Orviz refugó un gobiernu que siga’l modelu Xixón, un gobiernu débil, ensin alcuerdos qu’acabe poniendo en bandexa un executivu de la derecha. Al so xuiciu PSOE y Podemos tienen qu’escoyer p’Asturies el modelu d’Uviéu o’l modelu de Xixón.El coordinador d’IX alvirtió qu’IX nun va reforzar estes táctiques qu’al so xuiciu miren más a les xenerales. Tampoco tienen de cuntar con IX pa xuegos de tronos nin pa cambeos seles, porque Asturies precisa de forma urxente un gobiernu con amplia mayoría parlamentaria. Gaspar Llamazares, pela so parte, reconoció que tantu en contactos públicos como privaos detecta la resignación del PSOE y “la esclusión en Podemos, qu’apuesta por una investidura testimonial y conflictiva. Ente dambos, nin siquier vieno produciéndose un aproximamientu, dixo’l voceru d’IX, qu’especificó que’l PSOE quier un gobiernu en minoría y Podemos considera un problema al PSOE. Orviz tamién remembró que va ser la militancia d’IX la qu’escueya ente trés opciones: l’astención, el votu a otru candidatu, o la presentación de la candidatura del propiu Gaspar Llamazares a la presidencia, nuna entruga abierta a la militancia que va votar ente 24 y 48 hores antes de la fecha de investidura na Xunta, que podría ser el martes día 30. 24 de xunu, 2015 0 FacebookTwitterPinterestEmail
PolíticaVidios Si yo viviera n’Asturies… by asturnet 19 de mayu, 2015 IX vieno acabante de llanzar una campaña de sofitu a so candidatu nes redes sociales con xente pernomao sofitando a Llamazares como Mendicutti, Barden, Martínez, Margallo, Aranguren, Ana, Gorriz y Miguel Ríos. Si yo viviera n’Asturies votaría a Llamazares ye’l títulu d’un pequenu video nel que piden el votu pal candidatu d’IX a la presidencia d’Asturies escritores, actores, múiscos y cantantes. Si yo viviera n’Asturies votaría a Llamazares ye’l nuevu vídeu qu’IX Asturies acaba de colgar na so web, facebook y twiter. L’escritor Eduardo Mendicutti, el director de teatru Juan Margallo, les actrices Petra Martinez y Pilar Barden; la periodista Teresa Aranguren, el poeta Marcos Ana, el sindicalista Ramón Gorriz y el músicu Miguel Ríos grabaron un pequenu spot pa esplicar el so sofitu a Gaspar Llamazares y pidir el votu a los asturianos pal candidatu d’IX a la presidencia d’Asturies. Toos estos actores, escritores y músicos residentes fora d’Asturies, protagonicen esti video electoral en que destaquen los valores del candidatu. El músicu Miguel Ríos fala de la suerte de los asturianos por tener un candidatu como Gaspar Llamazares. Ente tolos políticos de la última década, asegura’l músicu, yes unu de los políticos que caltuvo’l pabellón de la dignidá, la decencia, la política y l’honestidá. Ríos remata la so intervención deseyando que los asturianos, tierra onde trabayó en numberoses ocasiones, aprecien el talentu del candidatu d’IX. 19 de mayu, 2015 0 FacebookTwitterPinterestEmail
Política IX peslló en Mieres la ellaboración del so programa electoral basáu en democracia, desenvolvimientu y bienestar by asturnet 13 d'abril, 2015 Izquierda Xunida d’Asturies concluyía esta fin de selmana, cola celebración de la so conferencia programática en Miere,s el procesu participativu d’ellaboración del programa electoral, empecipiáu dempués de la elección de los sos candidatos nun procesu d’elecciones primaries. El mesmu ta basáu en trés escurres principales, democracia, desenvolvimientu y bienestar, trés oxetivos p’ameyorar les condiciones de vida de los asturianos, tal como esplicó esta mañana’l coordinador xeneral d’IX d’Asturies, Manuel González Orviz. Gaspar Llamazares, candidatu d’IX a la presidencia d’Asturies, destacó la importancia de la participación tantu na candidatura como nel programa. A xuiciu del candidatu d’IX esti programa ye un programa de Gobiernu frente al clientelismo y el fatalismo qu’hai presido Asturies nos últimos años. Llmazares presentó a IX al mandu de la esperanza y el cambéu políticu, non del recambiu de les persones, sinón del cambéu de les polítiques. Lo fundamental para IX, esplicó, ye rescatar a la xente, frente a la probeza y la desigualdá, reindustrializar Asturies en situación de cayente dende va décades y refaer la democracia. Estos oxetivos del programa de gobiernu que van ser desenvueltos. Llamazares aprovechó la cita de Mieres pa denunciar el señuelu electoral que al so xuiciu constitúi l’anunciu del estudiu informativu dau aconocer pol PP de la denominada Y ferroviaria, ente Uviéu, Avilés y Xixón. El candidatu d’IX demandó menos señuelos electorales, cuando’l PP ta desintegrando l’antigua FEVE en cuenta de integrala, la Variante nun acaba d’una vegada y tán desmantelando la minería. Menos propaganda y más compromisos con Asturies, dixo’l candidatu al empar que certificó’l compromisu d’IX con Asturies. 13 d'abril, 2015 0 FacebookTwitterPinterestEmail
Política IX peslló en Mieres la ellaboración del so programa electoral basáu en democracia, desenvolvimientu y bienestar by asturnet 13 d'abril, 2015 Izquierda Xunida d’Asturies concluyía esta fin de selmana, cola celebración de la so conferencia programática en Miere,s el procesu participativu d’ellaboración del programa electoral, empecipiáu dempués de la elección de los sos candidatos nun procesu d’elecciones primaries. El mesmu ta basáu en trés escurres principales, democracia, desenvolvimientu y bienestar, trés oxetivos p’ameyorar les condiciones de vida de los asturianos, tal como esplicó esta mañana’l coordinador xeneral d’IX d’Asturies, Manuel González Orviz. Gaspar Llamazares, candidatu d’IX a la presidencia d’Asturies, destacó la importancia de la participación tantu na candidatura como nel programa. A xuiciu del candidatu d’IX esti programa ye un programa de Gobiernu frente al clientelismo y el fatalismo qu’hai presido Asturies nos últimos años. Llmazares presentó a IX al mandu de la esperanza y el cambéu políticu, non del recambiu de les persones, sinón del cambéu de les polítiques. Lo fundamental para IX, esplicó, ye rescatar a la xente, frente a la probeza y la desigualdá, reindustrializar Asturies en situación de cayente dende va décades y refaer la democracia. Estos oxetivos del programa de gobiernu que van ser desenvueltos. Llamazares aprovechó la cita de Mieres pa denunciar el señuelu electoral que al so xuiciu constitúi l’anunciu del estudiu informativu dau aconocer pol PP de la denominada Y ferroviaria, ente Uviéu, Avilés y Xixón. El candidatu d’IX demandó menos señuelos electorales, cuando’l PP ta desintegrando l’antigua FEVE en cuenta de integrala, la Variante nun acaba d’una vegada y tán desmantelando la minería. Menos propaganda y más compromisos con Asturies, dixo’l candidatu al empar que certificó’l compromisu d’IX con Asturies. 13 d'abril, 2015 0 FacebookTwitterPinterestEmail
Comunicación Los internautes voten la emisión de la serie infantil Los Bolechas como Meyor noticia del añu pal asturianu by asturnet 13 de xineru, 2015 La emisión de la serie infantil Los Bolechas doblada al asturianu foi considerada polos internautes que siguen la propuesta que fi cada añu’l periodista y escritor Inaciu Galán como la Meyor noticia del añu pal asturianu. En segundu llugar empataron lésitu de les esperiencies de doblaxe de películes al asturianu en TPA y el votu favoratible de la Xunta Xeneral y el Conseyu Escolar del Estáu pa quel profesoráu dasturianu vea reconocida la so especialidá pol Ministeriu dEducación. El periodista y presidente d’Iniciativa pol Asturianu, Inaciu Galán, ponía en marcha a entamos dañu una votación popular al traviés dinternet col oxetivu de conocer les meyores noticies pa la llingua asturiana del añu 2014. Una votación quorganiza per segundu añu consecutivu. Esti añu la encuesta recibió más de 300 respuestes de ciudadanos que quixeron contestala y escoyer ente les 23 noticies que propunxo Inaciu Galán. Los resultaos diéronse a conocer güei martes nel programa La radio es mía, presentáu por Pachi Poncela y Sonia Avellaneda na RPA, onde Galán tien una sección selmanal los martes a les 9:20 de la mañana. Dempués de dos selmanes de votaciones, y con un 27% de los votos, los internautes escoyeron como meyor noticia pal asturianu de 2014 la emisión de la serie Los Bolechas doblada al asturianu, una de les primeres esperiencies nesti ámbitu na TPA. La reivindicación per parte de la sociedá civil, el sector educativu y munches families de cuntar con programes nasturianu pa los neños na canal pública asturiana entama a vese cumplida anque con una duración bien curtia, de namás unos 10 minutos a la selmana. En segundu llugar, col votu dun 23,8% de los participantes, empataron dos noticies. L’ésitu de les primeres esperiencies de doblaxe de películes al asturianu en TPA, que cuntaron con bona aceptación popular y audencia, y les votaciones de la Xunta Xeneral y el Conseyu Escolar del Estáu que tuvieron por resultáu la posición a favor del reconocimientu de la especialidá d’asturianu pal profesoráu, nel casu del parllamentu asturianu, col votu de tolos grupos políticos de la cámara, menos el PP, que chocantemente llevaba esta promesa nel so programa electoral de 2012. Los comentarios de los votantes per internet coincidieron na necesidá de que la emisión de películes doblaes y la programación infantil tenga continuidá, y que seya normal ver na televisión pública asturiana, películes y programes infantiles, ente otros conteníos, na nuesa llingua. En tercer llugar, col 20,6% de los votos, tuvo la noticia xenerada pola apaición del primer sistema operativu que permite tener un móvil dafechu nasturianu. Un proyectu de Softastur que se presentó esti añu y que dio accesu a la llingua asturiana, gracies al software llibre, a un espaciu hasta agora torgáu. La cuarta noticia escoyida, col 17,5% de los votos, foi la puesta en marcha d’un informativu diariu na radio autonómica (RPA), que se fai cada día a les 13 hores baxo la direición de Naciu Varillas. La quinta noticia, col 16,7% de sofitos, ye la noticia que xeneró la cadena de distirbución vasca Eroski, usando l’asturianu na rotulación del so centru en Mieres y nes redes sociales, onde contesta nasturianu a les persones que-yos escriben nesta llingua. En sestu llugar los internautes escoyeron, col 15,1% los votantes decidieron que la votación en contra de la Xunta Xeneral pa refugar lintentu del PP de facer competir al asturianu con otres llingües en primaria, amás de con Cultura Asturiana. Otres votaciones, nes que se consiguieron unos importantes consensos, siempres ensin el PP, que cola so mayoría absoluta bloqueó laprobación, foi la votación llevada alantre nel Congresu los Diputaos pa dotar a lAcademia de la Llingua Asturiana duna partida nos Presupuestos Xenerales del Estáu, como tienen toles academies de llingües del Estáu español, asina como la solicitú presentada por Llamazares pa quel Gobiernu solicitare a la RAEl cambéu de denomación del asturianu nel so diccionariu. Estes midíes fueron propuestes por Iniciativa pol Asturianu. La noticia quedó en séptimu llugar col 11,9% de los votos. Con unos porcentaxes cercanos tuvieron la publicación del llibru El Hobbit nasturianu, la puesta en marcha de la tv dixital nasturianu Alderiques dAsturies, quel RIDEA usara lasturianu como llingua vehicular dun congresu, la continuidá de la colección dAsterix nasturianu (la salida del primer exemplar yera pa los internautes la meyor noticia del añu en 2013), la salida de Telegram nasturianu o la llegada al Altu Comisionáu de Drechos Humanos de les Naciones Xuníes de la situación del asturianu, ente otres. 13 de xineru, 2015 0 FacebookTwitterPinterestEmail
Sociedá Iniciativa pol Asturianu recuerda que la RAE recibe una partida del presupuestu autonómicu mientres marxina a la llingua by asturnet 19 d'avientu, 2014 Iniciativa pol Asturianu asoleyaba esti vienres una nota de prensa na que recuerda que la RAE recibe una partida del presupuestu autonómicu mientres marxina a la llingua asturiana nel so diccionariu. La organización pidiere yá en 2012, con un informe avaláu por profesores de diez universidaes del mundu enteru, que la RAE camudara la definición del asturianu na nueva edición. Dende Iniciativa pol Asturianu siguen con interés la propuesta presentada nel Congresu los Diputaos por Gaspar Llamazares pa solicitar a la Real Academia Española’l cambiu na definición de los términos “asturiano”, “bable”, “asturleonés” y “leonés” nel so Diccionario, que ta acabante estrenar edición. La entidá presentó yá en 2012 un informe que foi entregáu en mano nel llar de la institución en Madrid. L’informe, nel que se daben razones esclusivamente ciéntifiques, taba avaláu por un llistáu de prestixosos filólogos de diez universidaes alredor del mundu enteru, y recibió como respuesta de la RAE’l compromisu de tenelu en cuenta a la hora de realizar esta nueva edición qu’entós taba en preparación”. La intención d’Iniciativa “foi entós tratar el tema como una cuestión ciéntifica y dientro del campu del rigor filolóxicu, pero dicen na nota de prensa que vieron “como la RAE nun taba dispuesta a reconocer al asturianu como la llingua que ye nel so diccionariu y namás llevó alantre tímides reformes nes entraes del so diccionariu, que nun iguaron la situación”. Na asociación. feliciten al diputáu por Asturies, Gaspar Llamazares pola so propuesta nel parllamentu español, asina como a les fuercies polítiques que votaron a favor, llamentando fondamente que’l Partíu Popular volviera a torgar l’aprobación d’una propuesta positiva pal asturianu nel Congresu, como yá fizo dos años siguíos cola nuesa propuesta pa dotar a l’Academia de la Llingua Asturiana de presupuestu estatal. Na nota asoleyada esti día despliuqen tamién delles otres cuestiones alrodiu de la propuesta que recoyemos darréu. ¿Cómo quedaron les coses nel Diccionario de la RAE? Asina “bable” pasó de definise como “Dialecto de los asturianos” a “Perteneciente o relativo al asturiano o a los bables” y como “Variedad actual del asturleonés”, ensin dexar nidia la so categoría de llingua. Na entrada “asturiano” qu’enantes nun tenía nenguna aceición dedicada a la cuestión llingüística, agora la cuarta recueye “Variedad actual del asturleonés que se habla en Asturias”. El casu más grave dase na definición del términu “asturleonés” que da por muerta a la llingua, al definila como “Dialecto romance que se hablaba en Asturias y en el antiguo reino de León”, casu asemeyáu al de la definición de “leonés” “¿Qué pidimos agora?” Agotada la vía filóloxica, la nuesa solicitú pasa agora por pidir al parllamentu asturianu que tome midíes contra esti agraviu provocáu pola Real Academia Española. Pa ello, solicitamos a los partíos presentes na Xunta Xeneral que retiren de los presupuestos autonómicos la partida dirixida a la Fundación Pro Real Academia Española, que la nuesa comunidá vien pagando dende va años, en solitariu, xunto a Murcia y Cantabria, mientres l’Academia de la Llingua Asturiana nun recibe nin un euru de los Presupuestos Xenerales del Estáu, como sí reciben les academies española, gallega, vasca y catalana. Somos la única comunidá con academia que nun recibe perres y la única de toes elles que dedica parte del so presupuestu a financiar a la RAE. A la vista de la falta de respetu y reconocencia de la RAE pa col asturianu, paezmos que ye’l momentu de retirar esta partida en favor de la infrafinanciada Academia de la Llingua Asturiana. 19 d'avientu, 2014 0 FacebookTwitterPinterestEmail
Política IX reclama meyores culturales p’Asturies nos Prespuestos Xenerales del Estáu by asturnet 24 d'ochobre, 2014 IX pide 340 millones d’euros adicionales p’Asturies nos Prespuestos Xenerales del Estáu, al traviés del so diputáu nacional Gaspar Llamazares, que defende enmiendes pa terminar la Variante de Payares, les conexones a los puertos de Xixón y Avilés o 213 millones de Fondos Mineros, amás de partíes pala protección del prerrománicu asturianu y el sofitu a l’Academia de la Llingua. Izquierda Xunida propón ampliar les inversiones de los Presupuestos Xenerales del Estáu en 340 millones d’euros pa dar respuesta a les necesidaes más urxentes d’Asturies. El diputáu nacional d’IX per Asturies, Gaspar Llamazares, aseguró que l’oxetivu d’esta inversión adicional dexaría concluyir, d’una vegada, proyectos como’l de la Variante Ferroviaria de Payares, el cumplimientu de la sentencia xudicial pal desbloquéu de los Fondos Mineros que’l Gobiernu del PP intenta refugar o partíes pa Xixón Al Norte, Variante d’Avilés o’l caltenimientu del prerrománicu asturianu. Les cuentes presentaes pol PP suponen, afirmó’l congresista, la reconocencia de los incumplimientos del Gobiernu de Mariano Rajoy con Asturies. El volume global de les enmiendes presentaes por IX pa Asturies, xube a 340 millones d’euros, de los que 43 adicionales destínense a la Variante de Payares y 213 millones a les cantidaes debíes de fondos mineros Amás, inclúyense partíes na propuesta d’IX pala protección del prerrománicu asturianu, el sofitu a l’Academia de la Llingua y otra pa garantizar el futuru de Trubia y la reincorporación de los trabayadores despidíos, nesti casu venceyándolo al nuevu contratu col Gobiernu británicu. 24 d'ochobre, 2014 0 FacebookTwitterPinterestEmail
Mundu IX va esixir información sobre l’alcuerdu transatláticu de comerciu y denuncia la opacidá de la negociación by asturnet 3 de xineru, 2014 Izquierda Xunida va esixir información sobre l’Alcuerdu Trasatlánticu sobre comerciu ya inversión ente Europa y EE UU, que se ta realizando con total opacidá, según denunció esta mañana n’Uviéu’l diputáu nacional d’IX, Gaspar Llamazares. Trátase, dixo, d’un alcuerdu que se convirtió nel paradigma de la falta de tresparencia. Esti alcuerdu, qu’empezó a mediaos de 2013 y que se da un plazu de 2 años, foi declaráu per dambes partes secretu; esto ye, les negociaciones que tuvieron yá dos rondes, qu’afecten a temes tan importantes n’Asturies como l’agricultura, la industria o los servicios públicos, pos fueron dos rondes ensin nengún tipu d’información. Coles mires d’esclariar qué y quien tán axustando, Izquierda Xunida empezó a trabayar pa pidir los informes previos a la Unión Europea. Queremos saber los lobbys que tán representaos nestes delegaciones y los alcuerdos y desalcuerdos que se tán produciendo. L’alcuerdu de llibre comerciu inclúi muncho más que la llibertá aduanera que va ser, a xuiciu de Llamazares prácticamente total, sinón d’otres regulaciones que pueden suponer la puntilla definitiva pa polítiques, servicios y derechos consolidaos n’España y l’Unión Europea. En concencia nun tán falando namá de llibertá aduanera. Tán falando d’acabar con regulaciones estatales. El parllamentariu diz albidrar que nesi alcuerdu los ciudadanos tamos nel camarote de tercera y de xuru vamos tener bastantes sorpreses y bien desagradables. Pueden faer papel moyáu de Política Agraria común, de la política industrial o de los servicios públicos, que n’el nuesu país tán debilitaos pero qu’esisten. 3 de xineru, 2014 0 FacebookTwitterPinterestEmail
Política N’Ast critica la perda 145.000 al nun ser lasturianu llingua oficial by asturnet 22 de payares, 2013 Nun comunicáu fechu públicu esti día, l’asociación NAST llamenta “la ocasión perdía de consiguir financiamientu estatal pa lAcademia de la Llingua Asturiana (ALLA)”. Nos caberos díes el Congresu los Diputaos acoyó la votación de delles enmiendes presentaes polos estremaos grupos parllamentarios a los Presupuestos Xenerales del Estáu pal añu 2014 y una delles, presentada por Enrique Álvarez Sostres, diputáu de Foro Asturias, pidía apurrir 145.000 a la institución asturiana, que nun tien fondos públicos estatales al nun ser lasturianu llingua oficial. La enmienda foi refugada colos votos de PP, UPyD y ERC, polo que lALLA va siguir ensin recibir nin un céntimu dun presupuestu al que contribuyimos tolos asturianos. En NAST llama-yos especialmente latención “el votu a la escontra dEsquerra Republicana de Catalunya, formación que supuestamente ye sensible al fechu diferencial asturianu (nel pasáu incluso foi socia de la organización política Andecha Astur na coalición Europa de los Pueblos), pero ye bona preba de que, a la hora la verdá, ca ún mira namás que polo suyo”. Yá nun-yos sorpriende tanto la postura de los diputaos asturianos, “especialmente de Gaspar Llamazares, que sabstuvo na votación, ello ye, nun votó a favor de la midida. Izquierda Xunida, igual que pasare apocayá col casu de les multes de Mieres, tornó a quitar la mázcara cola que santroxa de defensora de la llingua asturiana pa dexar bien nidio quuna cosa ye lo que dicen defeder y otra lo que realmente defenden”. En resume, pa NAST nun sólo lALLA vieno acabante de perder 145.000 , “ye Asturies la que los pierde, y esti fechu vuelve a poner bien a les clares la situación danormalidá democrática que tamos viviendo nAsturies, derivada de la falta doficialidá de la llingua asturiana, y la necesidá de la mesma la oficialidá quampare los drechos llingüísticos del pueblu asturianu y que, en casos como esti, favorezca la llegada de perres de los Prespuestos Xenerales del Estáu a Asturies, que nunca nun tan de más”. 22 de payares, 2013 0 FacebookTwitterPinterestEmail