Emigración La postergada sé del Principáu en Bruseles alquilará dependencies a otres comunidaes europees by asturnet 16 de xunu, 2004 La representación permanente d’Asturies en Bruseles, epicentru de l’actividá del Parlamentu européu, sufragaráse en parte colos alquileres pagaos por otres comunidaes autónomes del continente. L’edificiu que’l Principáu inagurará a finales del prósimu setiembre pa defender ‘in situ’ los intereses asturianos alquilará dependencies a Cantabria, la rexón polaca de Silesia y la Rede Europea Transnacional pa la inclusión social (Retis). Asina lo anunció güei na capital belga el presidente asturianu, Vicente Álvarez Areces, qu’amosó el so enfotu de que la oficina’l Principáu en Bruseles, n’obres dende hai dos años, abrirá a la fin les sos puertes el prósimu 24 de setiembre. Darréu se produza esa apertura, Asturies contará con una delegación física permanente nel remocicáu edificiu del diariu ‘Le Peuple’, que’l Principáu mercó por poco más d’un millón d’euros y cuyes obres d’adecuación costaron otros 3,3 millones. Nesi inmueble, qu’ayudarán a amortizar les comunidaes que van a alquilar dependencies nél pa contar con una sé propia en Bruseles, centralizaránse les funciones de representación de los intereses d’Asturies énte la Unión Europea, pero la previsión del Principáu ye que l’edificiu de ‘Le Peuple’ ayude a empresarios asturianos a captar inversiones y acueya actividaes culturales que promocionen la imaxe d’Asturies. Allugáu nel centru urbanu de la capital de Bélxica, l’inmueble que’l Principáu inagurará na seronda tien una superficie útil de 2.800 metros cuadraos y, amás del emblemáticu periódicu ‘Le Peuple’, acoyó la sé de la Cooperativa de la Prensa Socialista belga. 16 de xunu, 2004 0 FacebookTwitterPinterestEmail
Mundu Angela Vallina pide un nuevu modelu de BCE by asturnet 30 de payares, 1999 Angela Vallina pedía esti día en Benavente, dientro de los actos de precamapaña europea, un nuevu modelu de BCE, controláu pol Parlamentu Européu y una auditoría de la delda y la condonación de la ilexítima, según un plan industrial xenerador d’emplegu. La candidata d’IX Asturies al Parlamentu Européu, Ángela Vallina, reclamó güei en Benevante un cambéu radical nel funcionamientu del Bancu Central Européu (BCE), dientro d’un programa de democratización real de les instituciones que rixen na Unión. Vallina criticó que la institución monetaria europea tenga prohibida, por llei, el financiamientu de los Estaos, a pesar de que son éstos los qu’aproven a esta institución de los sos fondos. Precisamente esti cambéu va ser unu de los oxetivos del Grupu de la Esquierda Europea, un nuevu modelu operativu pa que’l BCE sía, realmente, un bancu central. “Tenemos qu’empezar per democratizar eses instituciones -en relación a el treme européu de poder- y faceles tresparentes. Tenemos qu’empezar porque haya un BCE que nun sía la estafa del sieglu, como ye agora: ye un bancu que se nutre de fondos públicos de los Estaos, sicasí nun puede emprestar dineru a los Estaos. Tener prohibíu por llei, solo puede emprestar dineru a la banca privada y a los grandes grupos. Curiosamente, emprestar a un interés del 1%. Esos mesmos bancos emprestar dempués a los Estaos pa mercar delda al 6%”. Vallina reclamó que sía’l Parlamentu quien controle l’actividá del BCE, según el nomamientu del so presidente. “Con eso, avanzamos enforma”. Y esta sería’l primeru de los cambeos nel modelu financieru européu. Asina, pidió una auditoría de la delda qu’anguaño imputa como pública, de forma que pueda refugase’l pagu de la que s’asumió y que respuende a delda privada. Angela Vallina participaba esta tarde nun actu públicu na casa de Cultura de Benavente, al pie de los coordinadores de la formación na localidá, Manuel Burón y el de Burgos,Pedro María de Palacios, nel qu’esplicaron la propuesta europea d’Izquierda Xunida. La candidata asturiana afitó la necesidá de poner en marcha polítiques industriales y de reactivación económica que pongan frenu al cayente de texíu nacional, supeditáu, dixo, a los intereses d’Alemaña. 30 de payares, 1999 0 FacebookTwitterPinterestEmail
Mundu Francia amenorga l’IVA la prensa dixital by asturnet 18 de febreru, 2014 El Gobiernu francés aprobó nel Parlamentu esti día la propuesta d’aplicar el mesmu IVA (2,1%) a les ediciones de diarios, indistintamente de que sían en papel o dixitales, lo que ya s’adelantare en xineru y que supón una revolución nel mapa de la comunicación européu. Hasta agora, al igual qu’asocede n’España, los editores pagaben más IVA poles sos ediciones dixitales. En concretu, los medios online galos abonaben un 20% en conceutu de IVA frente al 2,1% de los diarios impresos. Nel casu español, les ediciones en papel se gravan con un IVA súper amenorgáu del 4%, frente al tipu del 21% vixente pa los medios dixitales. En faciéndose pública esta decisión hai un mes, l’Asociación Europea d’Editores de Diarios (ENPA, poles sos sigles n’inglés) y l’Asociación Europea de Revistes (EMMA) ya aplaudieren la midida. Les 33 asociaciones que formen parte de ENMA y ENPA, incluyíos el editores españoles, sofitaron la iniciativa nun comunicáu conxuntu y fixeron un llamamientu a los sos propios gobiernos por qu’avancen “ensin demoranza” na mesma llínea. 18 de febreru, 2014 0 FacebookTwitterPinterestEmail
Sociedá La llexislación española ye la que más discrimina les llingües minoritaries de tola Unión Europea by asturnet 17 de febreru, 2010 Tres informes de la Plataforma per la Llengua, que comparen diferentes países plurilingües pa valorar la presencia de les distintes llingües falaes cola situación del catalán, finen cola conclusión de que “el catalán ye la llingua más desprotexida de la Unión Europea en rellación al númberu de falantes”. L’estudiu fai un analís de Suiza, Finlandia, Bélxica, Canadá y España, comparando la reconocencia llegal que tien el catalán nel Estáu español cola situación qu’esperimenten otres llingües con característiques semeyantes nel contestu européu, pero escaez La conclusión ye que’l d’España ye un “casu esaxeráu y estravagante”, siendo l’únicu en tola Unión Europea que “nun reconoz ante esta instancia una llingua que ye falada por más del 10% de la población nin pretende pidir la oficialidá, pese a tener oportunidaes”, según la Plataforma per la Llengua. Los informes planteguen que se fai un “tratu discriminatoriu” contra’l catalán y lléndase’l so usu, con polo menos 500 lleis qu’imponen el castellán nel territoriu; señala tamién la non reconocencia como llingua oficial, pese a que la falen más de nueve millones d’habitantes, y la imposibilidá del usu del catalán en webs oficiales como la Casa Real o l’Exércitu”. “Según la Plataforma, el catalán sería la 14ª llingua dientro de la Unión Europea, con un 17% de población que lo fala, pero tovía asina nun ye oficial dientro del España nin de la Unión Europea y namás se reconoz en dellos territorios de dominiu llingüísticu”, añadió. Los trés estudios plantegen el casu esceicional d’España dientro de trés aspectos, que son la presencia de les llingües propies en webs oficiales, el tratu reconocíu que reciben dientro de la Unión Europea y del Espaciu Schengen, y les disposiciones llegales qu’imponen el castellán primero que’l catalán. Los informes aseguren que’l catalán ye dafechu inoráu en webs institucionales del Estáu, el Gobiernu, el Parlamentu, l’Exércitu y el Tribunal Constitucional, según el tresporte públicu o l’axenda oficial. “Ye la única llingua non reconocida, pese a tener tantos falantes, y cuenta con más de 500 disposiciones, normatives y reglamentos que l’anulen frente al castellán, como Etiquetar tou tipu de productos en castellán, según aeropuertos, carreteres, industries, tresportes, avisos al consumidor, documentos d’Alministración, denominaciones d’orixe, ente otros”, añaden.Web de la Plataforma per la Llengua qu’ufre los informes 17 de febreru, 2010 0 FacebookTwitterPinterestEmail
Educación Vicente Gotor atéchase na “non oficialidá” pa nun pronunciase nel claustru sobre’l “maior” pa Filoloxía by asturnet 11 de payares, 2008 Vicente Gotor atechóse esti llunes na “non oficialidá” pa nun pronunciase sobre’l “maior” pa Filoloxía na xunta del claustru universitariu cellebráu esti llunes cuando un miembru de la organización Fai!, presente nesti órganu académicu, instó al Rector de la Universidá d’Uviéu a “cumplir la so pallabra, no que cinca a la defensa de la filoloxía asturiana, y sofitar un marcu dignu y non discriminatoriu pa los estudios del idioma d’Asturies na universidá asturiana, asina como a entamar otres midíes que faigan posible la visibilización esterna del idioma na imaxe corporativa y l’usu alministrativu y científicu del asturianu ensin torga nenguna”. La rempuesta de Vicente Gotor centróse na defensa de la propuesta del decanu de transición de Filoloxía, que defiende un tratu d’escepción y claramente discriminatoriu frente al restu de los estudios impartíos na facultá, proponiendo un MINOR que yá foi calificáu por Fai! nel informe “Filoloxía Asturiana y Espaciu Européu d’Educación Superior” como “vergonzante, triste ya indignante, al condenar a la llingua asturiana a una carga de 48 crÉItos ECTS como máximo, carga a toes lluces insuficiente pa formar profesionales mínimamente competentes nel estudiu del idioma, y que ye incluso inferior a la carga llectiva actual col títulu d’especialista”. Amás, sorpresivamente pal coleutivu estudiantil, el Rector aludió a la “non oficialidá” de la llingua asturiana “pa negar el so apoyu a un rangu superior pa los estudios de filoloxía que’l del MINOR, porque seguramente nun sedríen aceptaos en Madrid pola ANECA, responsable de les nueves titulaciones al ser esta una llingua non oficial”. Según Fai!, Vicente Gotor “paez escaecer que dende hai bien d’años tanto la propia Universidá d’Uviéu como’l parlamentu asturianu aprobaron nel añu 1996 por unanimidá la creación d’esta titulación, con una demanda social importantísima ya innegable regulada na Llei d’Usu, a la que-y hai que dar unes soluciones afechisques”. Esta aparente falta d’interés “contrasta coles sos declaraciones, tres de la crisis xenerada na facultá de filoloxía, col vetu y espulsión de los estudios de llingua asturiana, onde aseguró acertada y públicamente que defendería un marcu dignu y non discriminatoriu coles demás llingües impartíes na universidá asturiana”. Per último, nun comunicáu asoleyáu tres del claustru, dende Fai! vuelvese “a instar al Rector a que s’involucre y cumpla los sos compromisos pre y post-electorales y acabe d’una vegada por toes cola situación d’indefensión y arrequexu na que s’encuentra l’idioma d’Asturies na nuestra universidá, buscando una solución que concilie, ensin reserves nin pasos atrás, les necesidaes d’una formación apropiada nesti campu que demanden les propies lleis asturianes, asina como la non discriminación frente al restu de llingües, poniendo a la llingua asturiana al mesmu nivel que cualquier otru estudiu de filoloxía n’Asturies”. Informe “FiloloxÃa Asturiana y Espaciu Européu d’Educación Superior” 11 de payares, 2008 0 FacebookTwitterPinterestEmail
Educación La Xunta pola considera irrenunciable un títulu de grau en Filoloxía Asturiana by asturnet 22 d'ochobre, 2008 La Xunta pola Defensa de la Llingua considera irrenunciable un “maior” en Filoloxía Asturiana y camienta convocar nueves movilizaciones tres una entrevista col Decanu de Filoloxía que va celebrar el próximu xueves 23 d’ochobre. Dende la Xunta pola Defensa de la Llingua Asturiana entiéndese que correspuende al nuevu rector, Vicente Gotor, y al nuevu decanu de Filoloxía, José Antonio Martínez, la busca duna solución satisfactoria a esta llamentable situación – acordies coles necesidaes y demandes de la sociedá asturiana y les sos instituciones- que tien que pasar pela incorporación de la llingua asturiana nos planes destudiu nes mesmes condiciones quel restu llingües, daqué que pue facese facese tomando una decisión dende les más altes instancies de la universidá y reconstruyendo con procuru la mayoría que siempre existió a favor de la llingua asturiana na Xunta de Facultá de Filoloxía pasegurar una votación que vuelva da-y al asturianu al rangu que merez. La Xunta alvierte que nun va aceptar soluciones parciales que sigan discriminando la nuesa llingua y a aquellos que voluntariamente quieran conocela y estudiala y quier anunciar la so entrevistal xueves 23 col nuevu decanu de Filoloxía na que la organización va tresmiti-y que nun va aceptar soluciones parciales que sigan discriminando arbitrariamente la nuesa llingua y va anuncia-y que nos próximos díes va retomar les movilizaciones pa informar a la comunidá universitaria de la situación y esixir que la llingua asturiana nun quede reducida a un Minor, como propón el decanu, porque supondría un retrocesu inalmisible 12 años depués de que la institución aprobare la creación duna llicenciatura y nun supón el necesariu esfuerciu pa reasitiar la llingua nel espaciu académicu que-y correspuende. Una llarga hestoria Nel añu 1996 la Facultá de Filoloxía aprobó la creación duna titulación de Llicenciatura en Filoloxía Asturiana. Dende entós hasta agora, esta decisión nunca pudo ser puesta en marcha pol bloquéu políticu del Conseyu dUniversidaes en Madrid, nun momentu nel que les titulaciones dependíen del pasu per esta institución estatal. La Llicenciatura en Filoloxía Asturiana foi apoyada tanto pola Universidá dUviéu al traviés de los sos órganos de gobiernu y del rector, como pol propiu Parlamentu Asturianu que en 2001 votó a favor de la mesma por unanimidá. Agora, énte la entrada en vigor del nuevu marcu européu pa los estudios de Filoloxía, abríase la posibilidá de situar a la llingua asturiana al mesmu nivel quotres llingües modernes nuna titulación de grau equivalente a les antigües llicenciatures. Sicasí, una enmienda de corte claramente políticu, que basabal so argumentariu en que la presencia del asturianu na universidá podría ser entendida como un pasu alantre hacia la oficialidá, salió respaldada por escasísimu marxe de votos nuna Xunta de Facultá na que quedaba menos de la metá de lasistencia inicial. 22 d'ochobre, 2008 0 FacebookTwitterPinterestEmail
Política Andecha Astur celebral ñacimientu de la República Democrática de Kósovu by asturnet 20 de febreru, 2008 Nun comunicáu, la organización política Andecha Astur quixo espresar ayeri públicamente el so preste pol ñacimientu, el pasáu domingu 17 de febreru, de la República Democrática de Kósovu, tres proclamar la so independencial Parllamentu del país balcánicu exerciendo con ello el drechu dautodetermín qua tou pueblu-y asiste, reconocíu internacionalmente. La organización súmase asina a los apoyos daos por otros partíos nacionalistes del estáu, como ERC, CiU ol PNV. Andecha Astur, siguel comunicáu, ve nel ñacimientu desti nuevu estáu la confirmación dun procesu imparable dientro del continente européu, un procesu quentamó pa la organización na década de los noventa del pasáu sieglu, tres la desintegración de la XURSS, y que ta marcando una dómina na que les naciones ensin estáu reclamen y algamen la so soberanía ensin suponer dengún tipu de problema pa la estabilidá internacional. La organización Andecha Astur anunció nel comunicáu que va unviar un comunicáu de felicitación y sofitu al Parlamentu kosovar y xulgó ridícula la situación que se vive nel Estáu español, que, por ciertu, nun reconociól nuevu estatus llegal de Kosovo, y lactitú de los sos dirixentes, que siguen empeñaos en ñegar el mesmu drechu, el dautodetermín, a les naciones quobligadamente lu formen. 20 de febreru, 2008 0 FacebookTwitterPinterestEmail
Sociedá El CAO va denunciar el martes énte la UE la situación del asturianu by asturnet 30 de payares, 2007 El Conceyu Abiertu pola Oficialidá, CAO, va denunciar énte la Unión Europa l’actual situación de “discriminación” de la llingua asturiana por mediu de dos representantes d’esta agrupación, Fernando Ornosoa y Xulio Casado, que van treslladase a Bruseles esti mates pa entrevistase col comisariu européu de Multillingüismu, Leonard Orban, pa entrega-y un informe críticu col contestu actual de “falta de reconocencia de la llingua”. En Bruseles van sentase con cuatro miembros del gabinete d’Orban, Patricia Bigñot, Johan Haggman, Eva Valle y Ann Vanwinsberghe, a los que van entregar un dossier “de denuncia de la situación llingüística que sufre Asturies”. Los representantes del CAO tamién quieren convidar a Leonard Orban a “venir a Asturies pa que conoza a toles partes implicaes nel procesu de la llucha pla oficialidá”, en referencia a les organizaciones integrantes del CAO, la Xunta pola Defensa de la Llingua, y a los partíos políticos representaos nel Parlamentu Asturianu, ente otros colectivos: “Queremos que n’Europa s’enteren de que lo que ye un derechu civil, los mesmos partíos que lu apoyen n’otres comunidaes equí se nieguen a reconocelu”. 30 de payares, 2007 0 FacebookTwitterPinterestEmail
Sociedá El PSOE defenderá nel debate autonómicu que los asturianos “somos distintos, nunca más importantes” by asturnet 6 de setiembre, 2004 “Nun van ser les denominaciones de ‘hestóriques’ les que provoquen esmolición ente nosotros; nun pensamos qu’haiga comunidá ensin hestoria, en tou casu con otra hestoria”. Con esa frase resumió esta tarde’l voceru parlamentariu’l PSOE, Fernando Lastra, nel Plenu institucional del 8 de Setiembre, la opinión de los socialistes sobro’l nuevu debate al rodiu l’Estáu de les Autonomíes, nel que’l PSOE defenderá que los asturianos “somos distintos, nunca meyores o más importantes”. Na sesión estraordinaria cola que los tres grupos políticos con representación na Xunta Xeneral del Principáu abrieron güei les cellebraciones del Día d’Asturies, Lastra empezó citando al escritor Xuan Bello -que citaba a so vez a José Ortega y Gasset pa dicir que los primero que se ve d’Asturies al entrar per Payares “ye que nun se ve”-, acabó llamando a “olvidanos de los nuesos problemes por unes hores y cellebrar la romería”, y afitó l’alcuerdu y el consensu como los dos pegollos nos que, na so opinión tien que s’apoyar la inminente redistribución del poder efectivu de les comunidaes autónomes. Pa ello, entiende’l voceru socialista acordies colo asoleyao en díes pasaos por otros cabezaleros del PSOE asturianu, la llende de les reclamaciones autonomistes ta en que “nenguna singularidá o particular característica hestórica o cultural suponga privilexos o discriminaciones” ente los ciudadanos del Estáu español. Poro, les cuestiones identitaries nun paecen tar na axenda inmediata de los socialistes asturianos: “Falamos más de la patria que de les coses que nos faen tar a gustu nella”, sentenció Lastra, n’alusión a servicios como l’emplegu, la educación y la sanidá. El PP opina lo mesmo, yá que casi en términos esactos pronuncióse’l voceru’l Partíu Popular na Xunta Xeneral, Juan Morales, pa quien lo fundamental nun ta en facer del Principáu “una nacionalidá hestórica, que ya lo ye, sinón una Asturies de primer nivel de riqueza, emplegu y perspectives de futuru, más allá de debates terminolóxicos. La oficialidá como obligación Nesi escenariu de declaración d’intenciones énte’l prósimu discutiniu del nuevu modelu autonómicu, el tercer partíu en representación nel Parlamentu asturianu pero sociu de Gobiernu de los socialistes, Izquierda Xunida-Bloque por Asturies, foi l’únicu en destacar “la obligación irretrucable del reconocimientu de la oficialidá de la llingua asturiana, non sólo como garantía de drechos básicos sinón amás, y ensin complexos, como una de les nuestres aportaciones más singulares al patrimoniu cultural español y européu. La vocera de la coalición, Noemí Martín, que lleó’l so discursu institucional dafechu n’asturianu, reivindicó asinamesmo “la bayura cultural como daqué arriquecedor y positivo, daqué a afitar y compartir”. Pol so llau, la presidenta de la Xunta Xeneral, María Jesús Álvarez, que peslló’l Plenu institucional, defendió’l calter “precursor” d’Asturies na reivindicación de la so autonomía y evocó el “exemplar rexonalismu asturianu” definíu tamién por Ortega y Gasset nun mitin cellebráu en 1932 nel Teatru Campoamor d’Uviéu. 6 de setiembre, 2004 0 FacebookTwitterPinterestEmail