Galerías 2008/2014 Miles de persones piden la oficialidá nes cais dUviéu by asturnet 5 de mayu, 2007 Redacción. A les siete la tarde del vienres entamó la manifestación pola oficialidá de la llingua asturiana na Estación del Norte d’Uvieu. La marcha terminó a les puertes del Teatru Campoamor, onde l’Academia celebró la Xunta Estraordinaria, onde se nomó academica a la doctora Marta Mori d’Arriba. En terminando la marcha, Nacho González, miembru de la XPDLA, echó un discursu nel que reclamó la oficialidá y denunció “les constantes aiciones represives pa colos falantes d’asturianu per parte del gobiernu asturianu”. Dientro del Campoamor, celebróse una Xunta Estraordinaria de l’Academia de la Llingua Asturiana. L’actu tuvo presentáu por Sonia Avellaneda y el periodista Próspero Morán, direutor d’ASTURNEWS.COM y presentador de ‘Nós’ na TPA. El discursu d’Ana Cano recordó que “ye verdá que pue haber xente que camiente daveres qu’ensin oficialidá la llingua pue caltenese y normalizase, pero ello llamentablemente nun ye posible como vimos y pervimos a lo llargo d’estos años”. Ver semeyes de la manifestación y la Xunta Estraordinaria 5 de mayu, 2007 0 FacebookTwitterPinterestEmail
Lliteratura La revista lliteraria Formientu va presentar güei un númberu especial de narrativa by asturnet 1 de mayu, 2007 Redacción. Güei miercoles a les 13:00 hores nel Salón d’actos de la Biblioteca del Campus del Milán (Uvieu), l’asociación H.a Xareos, editora de la revista de lliteratura moza Formientu va presentar el segundu numberu de la revista, un especial de narrativa “colo meyor que dan de si les lletres más moces”. La revista va presentase dientro de los actos oficiales de la XXVIII Selmana de les Lletres Asturianes, dedicada esti añu a la narrativa y va cuntar cola presencia de Ramón d’Andres (Xefe de Política Llingüística del Principáu d’Asturies), Xulio Viejo (Profesor titular de la Universidá d’Uvieu) y el direutor de la publicación, Inaciu Galán y González, escritor y presentador del espaciu ‘Xente de casa’ na TPA. La revista ñació l’añu pasáu “cola idea d’espublizar a los autores más mozos que taba dando de sí la lliteratura asturiana” y esti segundu númberu faise coincidiendo cola Selmana de les Lletres con un formatu especial. Cuasi 150 páxines onde apaecen cerca d’una ventena d’autores. La revista tien un prólogu institucional de Ramón d’Andres, otru del so direutor, Inaciu Galán y completase colos cuentos y biografíes de los autores y un álbum de fotos de presentaciones anteriores. Los autores qu’apaecen son: Ricardo Candás, Pablo Texón, Jose Ángel, Pablo Rodríguez Medina, Jorge Fernández García, Hector Perez Iglesias, Xabel Llano, Pablo Rodríguez Alonso, Elizabeth Felgueroso, Pablo X. Suárez, Iris Díaz, Diego Aldebarán, Xabel de Cea Gutierrez, Xaime Menendiz Llope, Sergio Gutierrez Camblor, Benxa Perez, Inaciu Galán y González, Nicolás V. Bardio y Mino Álvarez. Próximes presentaciones de Formientu: MIÉRCOLES 2 DE MAYU ● 13:00 hores │ Salón d’actos de la Biblioteca del Campus del Milán (Uvieu) XUEVES 3 DE MAYU ● 13:00 hores │ Carpa de Les Meanes (Aviles) MARTES 8 DE MAYU ● 20:00 hores │ Salón d’actos de La Pola Siero MIÉRCOLES 9 DE MAYU ● 18:30 hores │ Casa de la Xuventú de Sotrondio (Samartín del Rei Aurelio) VIENRES 18 DE MAYU ● 19:00 hores │ Salón d’actos de la Casa la Cultura “Teodoro Cuesta” (Mieres) 1 de mayu, 2007 0 FacebookTwitterPinterestEmail
Lliteratura Sal a la cai un númberu nuevu del fancín cultural El Espinete by asturnet 22 d'abril, 2007 Redacción. El fancín cultural ‘El Espinete’ llega al so númberu catorce dempues de cumplir cinco años espublizándose nel mes de marzu d’esti añu. Los exemplares puen recoyese de baldre nes biblioteques d’Ortigueira y Navia, amás d’en dalgunos otros llugares del occidente y del centru d’Asturies. Esti númberu nuevu ye’l de más páxines hasta’l momentu y nel collaboren dalgunos autores habituales de la revista como María Perez, Pedro Gilthoniel, Qino y Moises Cima, asina como dos nuevos autores que se sumen a les propuestes lliteraries d’El Espinete. Ye’l casu d’Erik de Cruz, músicu, cantante y escritor especializáu nel xeneru fantásticu ya Inaciu Galán, escritor, direutor de la revista lliteraria Formientu y anguaño presentador del espaciu ‘Xente de casa’ na TPA. ‘El Espinete’ edítase n’edición billingüe pa les partes comunes, mientres que los testos y obres presentaos respeten la llingua de los autores, fala, asturianu o castellán. El diseñu ye’l clásicu de los fancines y nel mesmu tienen collaborao escritores y artistes d’orixe mui estremáu. Páxina dEl Espinete 22 d'abril, 2007 0 FacebookTwitterPinterestEmail
Sociedá Finó’l caberu de los cursos pa periodistes de la Oficina de Política Llinguística by asturnet 1 d'abril, 2007 El pasáu sábadu 24 de marzu pesllóse’l Cursu Básicu d’Asturiano Faláu pa Profesionales de la RTPA, que se venía faciendo dende’l 2 de febreru nes dependencies del ente públicu de comunicación. Esti yera’l caberu de los cursos pa periodistes que venía desendolcando la OPL. Sigún s`asoleya na páxina web de la Oficina de Pólítica Llinguística, nesti cursu, de 40 hores, matriculáronse 37 periodistes y trabayadores de la comunicación, y impartiéronlu los filólogos Fernando Álvarez-Balbuena, Llinu Álvarez Santidrián, Pablo Texón Castañón y Xosé Nel Comba Paz. Ye’l primer cursu d’estes característiques qu’organiza n’andecha la RTPA y la Oficina de Política Llingüística. 1 d'abril, 2007 0 FacebookTwitterPinterestEmail
Música Cultura va entregar esti miércoles el Premiu al Meyor Cantar en Llingua Asturiana by asturnet 21 de febreru, 2007 Esti miércoles, día 21 de Febreru, la Conseyería de Cultura va celebrar una gala musical na que va entregase’l Premiu al Meyor Cantar en Llingua Asturiana, pol que compiten cinco cancios preseleccionaos d’ente tolos que se editaren y comercializaren en 2006. El premiu conoceráse nesta gala, que tresmitirá la TPA y cuntará cola actuación d’un grupu o artista invitáu y de los cinco candidatos: Tejedor, Carlos Rubiera, La Tarrancha, Toli Morilla y Asgaya. La Conseyería de Cultura preseleccionó cinco cantares que van optar al Primer Premiu al Meyor Cantar en Llingua Asturiana d’ente tolos editaos y comercializaos en 2006 que cumplíen les bases de la convocatoria qu’afiten que’l cantar premiáu tien de ser “obra musical de creación orixinal de cualesquier xéneru, descartándose les pieces tradicionales yá esistentes y les versiones o adaptaciones d’obres de creación publicaes de mano n’otrra llingua”. Les obres y el xuráu Les obres preseleccionaes pela Conseyería de Cultura son “La Maleta al agua”, de Tedejor, con lletra de Ruma Barbero; “Yá nun van a La Camocha”, de Carlos Rubiera, con lletra del cantautor; “Exit-encia” de La Tarrancha, “Azul y Gris” de Toli Morilla, con letra de Marta ori y el propiu Toli Morilla; y “Asgaya”, con lletra de Sergio Álvarez. Los encargaos d’escoyer ente estes cinco composiciones a la ganadora del Premiu al Meyor Cantar en Llingua Asturiana 2006 van ser el Direutor Xeneral de Cultura, Carlos Madera, el Xefe de la Oficina de Política Llingüística, Ramón d’Andrés, el executivu de la TPA, Javier Asenjo, el filólogu Fernando A. Balbuena, el escritor Dolfo Camilo Díaz, el críticu Manolo Abad y Sergio Rodríguez. El xuráu escoyerá’l cantar ganador na mesma nueche de la gala esti día 21 de Febreru y nun lu asoleyará hasta’l final de la gala. El galardón consiste nuna escultura o figura orixinal y esclusiva d’un artista plásticu asturianu de reconocíu prestixu y el Gobiernu del Principáu mirará pola promoción y difusión del cantar nos medios de comunicación y nos eventos entamaos o promovíos pol propiu Gobiernu, editándose amás nun soporte esclusivu. 21 de febreru, 2007 0 FacebookTwitterPinterestEmail
Música Cultura va entregar el 21 de Febreru’l Premiu al Meyor Cantar en Llingua Asturiana by asturnet 31 de xineru, 2007 El próximu día 21 de Febreru, la Conseyería de Cultura va celebrar una gala musical na que va entregase’l Premiu al Meyor Cantar en Llingua Asturiana, pol que compiten cinco cancios preseleccionaos d’ente tolos que se editaren y comercializaren en 2006. El premiu conoceráse nesa gala, que tresmitirá la TPA y cunbtará cola actuación d’un grupu o artista invitáu y de los cinco candidatos: Tejedor, Carlos Rubiera, La Tarrancha, Toli Morilla y Asgaya. La Conseyería de Cultura preseleccionó cinco cantares que van optar al Primer Premiu al Meyor Cantar en Llingua Asturiana d’ente tolos editaos y comercializaos en 2006 que cumplíen les bases de la convocatoria qu’afiten que’l cantar premiáu tien de ser “obra musical de creación orixinal de cualesquier xéneru, descartándose les pieces tradicionales yá esistentes y les versiones o adaptaciones d’obres de creación publicaes de mano n’otrra llingua”. Les obres y el xuráu Les obres preseleccionaes pela Conseyería de Cultura son “La Maleta al agua”, de Tedejor, con lletra de Ruma Barbero; “Yá nun van a La Camocha”, de Carlos Rubiera, con lletra del cantautor; “Exit-encia” de La Tarrancha, “Azul y Gris” de Toli Morilla, con letra de Marta ori y el propiu Toli Morilla; y “Asgaya”, con lletra de Sergio Álvarez. Los encargaos d’escoyer ente estes cinco composiciones a la ganadora del Premiu al Meyor Cantar en Llingua Asturiana 2006 van ser el Direutor Xeneral de Cultura, Carlos Madera, el Xefe de la Oficina de Política Llingüística, Ramón d’Andrés, el executivu de la TPA, Javier Asenjo, el filólogu Fernando A. Balbuena, el escritor Dolfo Camilo Díaz, el críticu Manolo Abad y Sergio Rodríguez. El xuráu escoyerá’l cantar ganador na mesma nueche de la gala’l próximu día 21 de Febreru y nun lu asoleyará hasta’l final d’esa gala. El galardón consiste nuna escultura o figura orixinal y esclusiva d’un artista plásticu asturianu de reconocíu prestixu y el Gobiernu del Principáu mirará pola promoción y difusión del cantar nos medios de comunicación y nos eventos entamaos o promovíos pol propiu Gobiernu, editándose amás nun soporte esclusivu. 31 de xineru, 2007 0 FacebookTwitterPinterestEmail
Música La Fundación de Música Moderna cellebra’l so X Aniversariu n’Avilés by asturnet 20 d'avientu, 2006 Juan José Fernandez Fernández, conceyal de Cultura d’Avilés, presentó’l programa d’actos previstu por mor del X aniversariu de la Fundación de Música Moderna que se va facer el 22 d’avientu dende les 18,00 nel Palaciu de Valdecarzana. Nel actu participó’l presidente de la Fundación Gonzalo Casielles Juan José Fernandez Fernández, conceyal de Cultura d’Avilés, presentó’l programa d’actos previstu por mor del X aniversariu de la Fundación de Música Moderna que se va facer el 22 d’avientu dende les 18,00 nel Palaciu de Valdecarzana. Nel actu participó’l presidente de la Fundación Gonzalo Casielles La Fundación de Música Moderna surde hai 10 años col obxetivu de crear una infrastuctura independiente pal desedolcu de la música moderna que permitiere formar, asesorar, editar y promocionar a los grupos de jazz, folk, pop y rock, asina como crear puestos de trabayu en condiciones dignes pa los artistes asturianos. La Fundación fizo programes de música na cai con una ventena de Conceyos asturianos y dellos cursos de formación en producción y xestión cultural empobionaos a desempleaos. La Fundación de Música Moderna entama más de 150 conciertos añales y cuenta con casi 300 alumnos na so escuela d’Avilés Programa d’actos (Palaciu de Valdecarzana) 18.30 hores: Mesa redonda: Asturies suena bien. Coordina: Aique Rodríguez, periodista radiofónico. Participen David Serna (RNE), Alberto Toyos (SER), Sonia Fidalgo (RTPA), Sonia Avellaneda (Radio Vetusta) y Gonzalo Casielles (Fundación de Música Moderna). 19. 30 hores: Presentación del DVD Cola música pa esta parte. 20.00 hores: Jam session 21.00 hores: Vino asturiano 23.00 hores: Conciertu de música de los 60 con diversas formaciones de la FMM na Plaza Maspalomas. 20 d'avientu, 2006 0 FacebookTwitterPinterestEmail
Comunicación L’ente públicu de comunicación asoleya’l so diariu electrónicu by asturnet 7 d'avientu, 2006 La Radiotelevisión del Principáu ta acabante asoleyar la versión en pruebes del so diariu dixital. El nuevu mediu de comunicación nun utiliza la llingua asturiana en nengún de los sos apartaos. Con esti mediu dixital la RTPA concluye la so implantación nos tres medios principales de difusión de la información y conteníos. El diariu dixital de la RTPA compónse d’una portada au se situen les noticies principales, cola posibilidá de reproducir audiovisualemnte la información, y dellos espacios sobre noticies, deportes, televisión, radio y servicios. Nel apartáu de deportes sorprende la inesistencia de referencies a los deportes tradicionales asturianos, centrándose nel fútbol, hockey, balonmano y baloncesto. Radiotelevisión del Principado de Asturias 7 d'avientu, 2006 0 FacebookTwitterPinterestEmail
Sociedá Un centimu y mediu de cada euro de la Conseyería de Cultura destinaráse al plan de normalización del asturianu by asturnet 8 de payares, 2006 El presupuestu de la Conseyería de Cultura, Comunicación Social y Turismu pal añu 2007 sedrá de 164.387.036 euros, esto ye una xuba del 2.5% respectu al añu 2006. L’Axencia de Comunicación, na que s’inxerta l’ente públicu, recibirá 57.255.956 euros. La RTPA, Radio Televisión Principado de Asturias, inxerta na Axencia de Comunicación, tendrá 18.353.645 anque’l so presupuestu final tará en 23.029.503, esta cifra algamaráse, en pallabres de la responsable de la Conseyería, “mediante la publicidá y l’usu mercantil del ente de comunicación”. La partida empobinada a la promoción y difusión del asturianu medra un 20%, respectu a 2006, llegando a 2.474.416 euros, l’un con cinco por cientu del presupuestu total de la Conseyería. Ana Rosa Migoya, Conseyera de Cultura Comunicación Social y Turismu, afirmó que “da cobertura abondo pal cumplimientu de la última añalidá del plan de normalización social del asturianu y del gallego-asturianu”. El presupuestu de la promoción al asturianu inxértase na Dirección Xeneral de Cultura que tien una xuba del 27%, respectu a 2006, hasta llegar a los 49,206,721 euros. Ente les partíes empobinaes a la construcción y remodelación d’infrastuctures culturales, la Universidá Llaboral de Xixón recibirá una partida de 28.692.000 destinada a la finalización de les obres del edificiu de Cabueñes. El Centru Cultual “Niemeyer” d’Avilés tendrá una partida de 3.178.220 euros y l’ampliación del Muséu de Belles Artes 5.699.846. La construcción de la “Ciudá del Motor”, en Tinéu, y el Circuitu automovilísticu “Fernando Alonso” recibirán cauna un millón d’euros. De la Conseyería de Cultura dependen otros entes de derechu públicu como’l RIDEA, que recibirá 318.725 euros; el Conseyu de la Mocedá d’Asturies, 541.436; el Muséu de Belles artes, 3.033.570 euros. 8 de payares, 2006 0 FacebookTwitterPinterestEmail
Sociedá IX y PSOE alcuerden nuna propuesta de resolución l’impulsu del Plan de Normalización by asturnet 26 de setiembre, 2006 Tres de la segunda xornada del Debate d’Orientación Política, los grupos parlamentarios de PSOE ya Izquierda Xunida rexistraron ayeri de manera conxunta na Cámara de la Xunta Xeneral una propuesta de resolución qu’habrá de ser votada na sesión de güei cola que se solicitaba un nuevu impulsu al Plan de Normalización Social del Asturianu, faciendo especial mención al so usu nel ente públicu de conumicación (RTPA). Socialistes ya Izquierda Xunida propunxeron una serie d’iniciatives conxuntes centraes na revisión de la xestión de los espacios naturales, la ordenación del área central asturiana o l’agricultura ecolóxico, ente otres. Na segunda xornada del Debate del Estáu de la Rexón, los temes que más foron reprochaos al gobiernu tuvieron que ver con tolo tocante a la polemica del pasáu fin de selmana na acampada ecoloxista de Caliao, prohibida pola Conseyería de Mediu Ambiente y defendida públicamente per parte d’Izquierda Xunida, asina como’l desempleu y la emigración moza. El presidente del PP, Ovidio Sánchez, intervino na sala falando de ‘dos llexislatures perdíes’, faciendo repasu pela riestra de demandes sociales pendientes de resolver pol gobiernu nos últimos años. Precisamente’l PP presentó un total de 97 propuestes de resolución ente les que se pide, ente otres midides, que se quite l’impuestu d’hidrocarburos, una baxada del IRPF y el trespasu de les competencies que queden del Estatutu. Cola votación d’estes propuestes, el Parlamentu asturianu va poder fin a tres díes de revisión política na que l’actitú del Presdiente, Vicente Alvarez Areces, foi de siguío criticada por ‘trunfalista’ ya ‘idílica’. 26 de setiembre, 2006 0 FacebookTwitterPinterestEmail