Festival de Lorient Beltaine y Lorient entamarán a collaborar esti añu by asturnet 10 d'agostu, 2009 El conceyal de Cultura del Ayuntamientu d’Avilés, Román Antonio Álvarez, y el Direutor del Festival de Lorient, Lisardo Lombardía caltuvieron el domingu en Lorient una xunta na que apautaron una llínia de collaboración que cristalizará na edición del añu entrante y qu’afitará’l trabayu en rede pol que puxen los dos proyeutos. El festival Avilesín ya dexó nidio na so primer edición esti añu que quier adientrase en estayes internacionales nidiamente y trabayar en rede con otros festivales. La collaboración afitaráse nun conveniu que tendrá de firmase más alatantre y que dirá desendolcándose pasu ente pasu. 10 d'agostu, 2009 0 FacebookTwitterPinterestEmail
Música Ambás algama’l IX Premiu Fini Suarez de Floclor by asturnet 1 d'abril, 2009 Esti llunes dábase a conocer al ganador del Premiu Fini Suárez d’investigación folclórica 2009, que nesta novena edición diba parar a Xosé Antón Fernández “Ambás”, investigador y comunicador del folclore asturianu, que nos últimos años rescampla como ún de los principales divulgadores de la tradición de nueso al traviés de la so participación nel programa de la TPA “Camín de Cantares”. El premiu, que s’entrega na Folixa na Primavera de Mieres del Camín, foi creáu na alcordanza de la fallecida folclorista mierense Fini Suárez y reconoz el trabayu de persones o entidaes a favor del caltenimientu y divulgación de la cultura asturiana. La entrega d’esti premiu, qu’algamaron ente otros el director del festival de Lorient Lisardo Lombardía, va facese’l esti mesmu vienres día 3 dientro de los actos del festival folk. 1 d'abril, 2009 0 FacebookTwitterPinterestEmail
Patrimoniu Recuperose dafechu la fiesta de “Os Reises” del Valledor by asturnet 7 de xineru, 2009 El Sábadu 3 de xineru la tradición féxose otra vuelta realidá. Nel Conceyu dAyande, nos pueblos de San Salvador, Fonteta y Villalaín desendolcóse una reisada como nun había dende hai 46 años. Dos comparses de mozos mazcaraos pidieron lagulandu pelas casas que dende primera hora de la mañana taben abiertes y los sos vecinos naguando pola llegada de los guilandeiros. Los choqueiros abrieron camín pel pueblu faciendo ruxir las chocas y los músicos tocaron pal baille y pa cantar en cada casa. Nengún vecín quedó ensin visisitar y foron espléndidos col guilandu que dieron. Dempués, na plaza del pueblu de San Sanvaldor féxose el saludu de los choqueiros blincándo coles sos piértigues y engarrándose nuna griesca ritual que nos remontó polo menos un par de miles daños na historia, cultura y tradición dAsturies. A mediu día féxose una xinta en comuña pa tolos vecinos y veceros desta tradición nes escueles de Fonteta y armóse una bona folixa tola tarde, pandereteros, gaiteros, tamboriteros y curdioneros ayudaron a quel baille aguantara hasta la nueche. Nun podemos dexar de señalar amás la presencia de los estremaos medios de comunicación y sobro manera destudiosos de la etnografía que se treslladaron nun solo dende Asturies, sinon tamién dotres provincies, fotógrafos como Carlos González Ximénez, (http://flickr.com/photos/ximenez/) con estudios de les mascaraes diviernu de tola península ye quiciaves el más nomáu, pero tamién rexistraron esta tradición etnógrafos llegaos de Portugal a la gueta de los reises hermanos de les cellebraciones propies del norte desti país, sobro manera en Tras Osmontes, rexón de la que nun podemos escaecer los llazos culturales que mos xuncen. La recuperación desta reisada foi posible pol enfotu destremada xente: los vecinos de Fonteta, Villalaín y San Salvador que acoyeron los reis y revivieron una tradición casi desaniciada, el propiu ayuntamienu dAyande que con esti apueste empobina los sos esfuerzos al resurdimientu de los sos pueblos y de les vieyes tradiciones, tamién dellos investigadores del folclor como Xosé Antón Ambás que collaboró activamente na preparación de la reisada con material etnográficu y como gulandeiro o Naciu iRiguilón tamién como guilandeiro que se xuntaron a esta recuperación de forma desinteresada lo mesmu que músicos nomaos como Diego Pangua o otres persones arreyaes a la cutura asturiano como Lisardo Lombardía. Núltimu llugar el Conceyu de Cultura tradicional Vezos Astures que foi quien a iguar dos comparses completes (24 persones) colos traxes que los vecinos más vieyos recordaben, mázcares de piel, caretes de yelsu, lluecas, basoira, rodalo, y llevalo al llugar onde la tradición tien sentíu, tantu facela como recibila, porque la cultura por definición ye la xuntura del que desendolca una actividá y del que la disfruta, la entiende y la reconoz como propia. 7 de xineru, 2009 0 FacebookTwitterPinterestEmail
Música Ciquitrinos y Gatos del Fornu fadrán una xira xuntos pa presentar los sos discos by asturnet 5 de xineru, 2009 Ciquitrinos y Gastos del Fornu van facer esti añu una xira conxunta pa presentar los sos nuevos trabayos, ‘Faciendo l’indio’ y ‘Na Cai’ respeutivamente, sigún dieron anuncia nuna rueda prensa celebrada nel salón d’actos del Real Institutu d’Estudios Asturianos (Ridea), que presentó l’actual director del Festival Intercélitu de Lorient, l’asturianu Lisardo Lombardía. Los grupos camienten entamar la xira nos caberos díes de xineru per tola xeografía asturiana, pa depués dir a tocar a Galicia, Castiella o la capital española. 5 de xineru, 2009 0 FacebookTwitterPinterestEmail
Educación Lorient acueye otra vuelta un cursu universitariu sobre la crónica musical qu’inclúi abellugu y gastos pagos by asturnet 28 de xunetu, 2008 La Universidá de Valladolid, al traviés del Centru Buendía, recueye esti añu’l testigu de la Universidá d’Uviéu al incluyir dientru la so programación de verano un cursu qu’ufierta de baldre siguir el Festival de Lorient con abellugu y gastos pagos, faciendo práctiques periodístiques nel Festival Bretón. “La crónica cultural” ye’l títulu d’un taller nel que s’inclúin les práctiques nel Festival bretón del 31 de xunetu al 10 d’agostu. Pa inscribise nel cursu, como ya asocediera l’áñu pasáu ye requerimientu tener conocimientos d’inglés o de francés, pero por 350 euros de matrícula palos alumnos dela UVA y 380 palos que nun lo seyan inclúi 10 díes en Lorient, colos gastos pagos, coincidiendo col Festival Intercélticu que dirixe l’asturianu Lisardo Lombardía, anmás del tresporte hasta la ciudá bretona. El Festival bretón ye l’abellugu de les práctiques de crónica periodística cultural del cursu nuna experiencia pionera qu’entamó l’añu pasáu’l Festival en collaboración cola Universidá d’Uviéu y qu’esti añu desendolca cola UVA. Pa inscribise nel cursu hai de plazu hasta’l martes 29 de xunetu y la inscripción tien de solicitase na direición taller@festivaldelorient.com. Los requisitos, amás d’un conocimientu oral del inglés o del francés son disponer de cámara dixital y/o ordenador portatil. 28 de xunetu, 2008 0 FacebookTwitterPinterestEmail
Patrimoniu La revista “Asturies. Memoria encesa d’un país” llega al númberu venticuatro by asturnet 4 d'abril, 2008 El Colectivu d’investigación etnográfica Fundación Belenos ta acante despublizar un númberu nuevu de la revista más importante nAsturies no que cinca a les investigaciones etnográfiques. La revista dirixida por Lisardo Lombardía, Ignaciu Llope, Gausón Fernande y Xosé Nel Riesgo, tien dellos artículos, la sección “L’estoxu”, onde se reseñen les últimes novedaes bibliodiscográfiques del país. Lartículu “Asturies y el so gloriosu Exército Defensivo Asturiana na guerra la Independencia”, a cargu del ARCHA abre la revista y siguen artículos como “Averamientu a la tradición del viguilín n’Asturies” d’Ana Lombardía González o “La panera de la casa de la Viuda, L.linares(Ayande) onde Amparo García Iglesias y Luis Rodrigo Rodríguez Simón describen “un casu únicu dientro l’Estilu Ayande”. La revista ta a la venta nes llibreríes del país y na web de la Fundación Belenos, quufre la posibilidá de soscribise. 4 d'abril, 2008 0 FacebookTwitterPinterestEmail
Música Xune Elipe pide un meyor tratamientu de la música asturiana nos medios públicos by asturnet 18 d'avientu, 2007 Xune Elipe reclamó esti martes n’Uvieu, mayor presencia y mayor incidencia de la música asturiana nos medios públicos de comunación de la comunidá. “Los medios públicos tan cenciellamente pa eso, p’apoyar a la xente que ta faciendo coses equi n’Asturies”, declaró’l director de producciones musicales d’Ámbitu/L’Aguañaz, refiriendose sobre manera al tratu de la televisión pública del Principáu hacia la música fecha na rexón. El miembru de Dixebra fizo estes declaraciones nel trescursu de la presentación del Anuariu de la Música Asturiana, na se que tien la SGAE na capital asturiana. Según Elipe nun sirve de nada que la música asturiana ocupe un tantu por cientu determináu del porcentaxe de pantalla si a esta nun se-y un tratamientu correutu. Amás tamien señaló que lo que se busca cola publicación del Anuariu y de otres iniciatives ye que que la música asturiana y n’asturianu garre “normalidá”. “Dende los locales d’ensayu onde tan los grupos hasta’l púublicu hai un momentu nel que esa cadena frande ya impsibilita que los productos de música asturiana tengan incidencia nel mercáu”. Elipe repasó los conteníos del Anuariu y quiso señalar el cambiu na cabecera ya’l pasu del blancu y negru al color. En cuanto a conteníos l’anuariu trae artículos de Xose Miguel Suárez Fernández, Adolfo Camilo Díaz, Flavio Rodríguez Benito, Xandru Martino Ruz o Ramón Lluis Bande. Tamien apaecerán entrevistes a Xose A. Fernández “Ambás”, Hevia, Lisardo Lombardía o Dulcamara; reportaxes sobre’l Premiu al Meyor Cantar en Llingua Asturiana 2006 y del conciertu N’Alcordanza, amás d’un repasu fondu a toles novedaes rellacionaes cola música asturiana (discos, llibros y audiovisuales) d’esti añu. El discu que acompaña al anuariu inclúi una esbilla de catorce pieces del sellu Ámbitu/L’Aguañaz y va distribuise de baldre xunto col volumen, del que se van editar 4000 copies, xunto col semanariu “Les Nocicies” del vienres 21 d’avientu en tola rexón.. 18 d'avientu, 2007 0 FacebookTwitterPinterestEmail
ConvocatoriesFiestes La Universidá organiza un cursu qu’ufierta de baldre dir al Festival de Lorient con abellugu y gastos pagos by asturnet 27 de mayu, 2007 La Universidá d’Uviéu organiza, dientru la so programación de verano, un cursu qu’ufierta de baldre siguir el Festival de Lorient con abellugu y gastos pagos, faciendo práctiques periodístiques nel Festival Bretón y nel Festival d’Avilés. “Periodismo cultural e información local: La crónica cultural” ye’l títulu d’una experiencia na que s’inclúin les práctiques nel Festival bretón n’agostu depués de desendolcase n’Avilés del 23 al 28 de xunetu. Pa inscribise nel cursu ye requerimientu tener conocimientos d’inglés o de francés, pero por 317 euros de matrícula inclúi una selmana de cursu n’Avilés, coincidiendo col Festival Intercélticu avilesín, y 10 díes en Lorient, colos gastos pagos, coincidiendo col Festival Intercélticu que dirixe l’asturianu Lisardo Lombardía, anñas del tresporte hasta la ciudá bretona. Los dos Festivales son l’abellugu de les práctiques de crónica periodística cultural del cursu nuna experiencia pionera na Universidá d’Uviéu ya inclusu n’España de cursu de calter internacional. El cursu amás ye homologable por 4,5 créditos de llibre configuración nos expedientes d’enseñances reglaes y por 3 créditos de Formación Permanente al Profesoráu Non Universitariu del Principáu d’Asturies n’activo. Información del cursu na web d’Uniovi 27 de mayu, 2007 0 FacebookTwitterPinterestEmail
Música El Festival de Lorient recibe’l premiu de la Fundación de la Sidra by asturnet 5 de marzu, 2007 El presidente del Festival Intercélticu de Lorient, Jacques Charles Morice; l’ex-Director y fundador del festival, Jean Pierre Richard; y el nuevu director del Intercélticu, Lisardo Lombardía recibieron, el xueves 2 de marzu, el Premiu añal de la Fundación de la Sidra pol so papel como promocionadores de la sidra nel Arcu Atlánticu. El premiu ta dotáu con 6.000 euros y una escultura de Pablo Maojo. 5 de marzu, 2007 0 FacebookTwitterPinterestEmail
Sociedá La Fundación de la Sidra d’Asturies concede’l so VI Premiu al Festival de Lorient by asturnet 17 de xineru, 2007 Los miembros del Xuráu del Premiu de la Fundación de la Sidra concedieron la VI edición del mesmu al Festival Intercélticu de Lorient. La candidatura presentóla Lisardo Lombardía, presidente de la Fundación Belenos, actualmente director del Festival Intercélticu de Lorient. El Xuráu na so resolución esplica la concesión d’esti premiu a Lorient pol so llabor na difusión de les diferentes castres de sidras del Arcu Atlánticu européu. El premiu, dotáu con 6.000 y una estatuina de Pablo Maojo, tien por aciu reconocer el llabor desenvueltu na promoción y difusión de la sidra. Ente los premios figuren dende carpinteríes pola recuperación los toneles de castañal, Carpintería Terán, o llagareros del restu del Arcu Atlánticu. La Fundación de la Sidra d’Asturies ta compuesta poles Conseyeríes de Cultura y Mediu Rural, los conceyos de la Comarca de la Sidra, l’Asociación de la Sidra y l’Asociación Empresarial del Principáu d’Asturies, asina como Uviéu y Xixón. 17 de xineru, 2007 0 FacebookTwitterPinterestEmail