Música Verdasca actuó esti xueves en Tierra Astur by asturnet 3 d'ochobre, 2007 Esti xueves, dende les 21:30 hores y dientro del ciclu de conciertos de música folk quufierta la sidrería Tierra Astur de Cualloto pudo disfrutase de lactuación de Verdasca. Verdasca ye una formación moza qu’axunta a Marina Pangua a la voz y les panderetes, a Sara F. Alvarez coles percusiones, Andrea F. Juglar cola gaita asturiana, Rodrigo F. Juglar cola curdión diatónica y Llorián García al vigulín, toos ellos procedentes d’otres agrupaciones como la banda de gaites Xiranda o La Raitana, y con una media d’edá ente los sos componentes de 16 años. Verdasca va presentar nel Tierra Astur de Cualloto les sos composiciones propies asina como pieces del repertoriu tradicional mesmo asturianu que foriatu, tres d’algamar un honrosu segundu puestu esti agostu na final del Troféu “Cidrerie du Terroir” compitiendo con xente muncho más veterano como los escoceses de Darien Project o los ganadores, el Tríu Huiban-Miossec-Le Mentec de Bretaña. Felicitaos pol xuráu les nueves promeses del folk asturianu amosaron munchu interés na so primer visita a Lorient. siendo la sorpresa más positiva de la presencia destacada de la delegación asturiana en Lorient, donde los ésitos de públicu y participación siguen siendo enforma notables. 3 d'ochobre, 2007 0 FacebookTwitterPinterestEmail
Fiestes LAlcuentru Folclóricu Astur-Bretón llegaba esti xueves a LEntregu by asturnet 30 d'agostu, 2007 Esti xueves celebrábase en LEntregu, nel conceyu de Samartín del Rei Aurelio, un alcuentru ente formaciones de baille y música tradicional dAsturies y Bretaña. Lactuación más importante tiníaa les siete y media la tarde Parque de La Llaguna y tocaben lAgrupación dEtnografía y Folklor LEsperteyu, el Colectivu de Baille Tradicional LEnguedeyu de Lada, y la Banda de Gaites Conceyu de Llangréu xunto a la formación bretona Bagad Gwengamp. LAlcuentru taba abiertu al públicu y quería averar a la xente al folclor de tolos países del arcu atlánticu, poniendo de relieve los llazos que mos xunen colos pueblos de la oriella atlántica. Les bandes entraron en cantactu en dellos festivales intercélticos celebraos en tolos países desta fastera, ente los que destacal de Lorient, en Bretaña. 30 d'agostu, 2007 0 FacebookTwitterPinterestEmail
Música Morrison y Felpeyu animaron la Nueche Celta de Porcía by asturnet 26 d'agostu, 2007 Porcía, en conceyu d’El Franco, celebró esta fin de selmana una nueche folk que ye de les más nomaes y veteranes d’asturies y que cuntó con un perbonu programa col gaiteru escoces Fred Morrison y Felpeyu como artistes descataos. La nueche celta abriéronla dos grupos del conceyu: El Cabazo y la banda de gaites La Reina del Truébano y pela nueche actuaron los grupos Blima y Felpeyu, que presentó la so nueva formación col baxista Dubardu Puente. El gaiteru escocés Fred Morrison, que tamién tocaba la nueche enantes en Candás nos alcuentros cola cultura tradicional del grupu San Feñlix, cuayó una actuación mui amañosa, como fai davezu nes sos visites a Asturies, onde se siente como en casa. Morrison ya tuvo compartiendo colos músicos asturianos esti agostu en Lorient, dentro del Festival Intercélticu 2007 nel que particípara tamién. 26 d'agostu, 2007 0 FacebookTwitterPinterestEmail
Lorient 2007 Alberto Vázquez ufre-y una tira a Lisardo Lombardía nel so estrenu como direutor del FIL by asturnet 18 d'agostu, 2007 El debuxante asturianu Alberto Vázquez dedicá-y esta selmana la so tira de cómic n’Asturnews al direutor del Festival de Lorient, l’asturianu Lisardo Lombardía, nuna sutil crítica a los enfotos inversores del Principáu en materia cultural. Alberto Vázquez participó esti añu na delegación d’artistes plásticos asturianos en Lorient 2007, xunta a otros artistes nomaos como Fernando Alba o Anxel Nava. 18 d'agostu, 2007 0 FacebookTwitterPinterestEmail
Lorient 2007 Verdasca queden segundos na final del Troféu “Cidrerie du Terroir” by asturnet 11 d'agostu, 2007 El grupu Verdasca, formáu por mozos y moces de la Escuela Municipal de Música de Llanera, algamó un honrosu segundu puestu esti sábadu na final del Troféu “Cidrerie du Terroir” compitiendo con xente muncho más veterano como los escoceses de Darien Project o los ganadores, el Tríu Huiban-Miossec-Le Mentec de Bretaña, del que forma parte xente bien nomao de Lorient. Felicitaos pol xuráu les nueves promeses del folk asturianu tan amuesando munchu interés nesta la so primer visita a Lorient. El grupu, formáu polos hermanos Joglar, Rodrigo y Andrea, Marina Pangua, LLorián García, Sara Fernández y Andrés García, ta siendo la sorpresa más positiva de la presencia destacada de la delegación asturiana en Lorient, donde los ésitos de públicu y participación siguen siendo enforma notables. Na so participación na final del Trofeu de la marca de sidra patrocinadora del eventu amuesaron la so calidá penrriba de grupos muncho más veteranos y dafechamente profesionales nun concursu empobináu a nueves formaciones pero qu’almite a formaciones recientes de xente enforma veterano. Los mozos y les moces de Verdasca competíen nesti casu con grupos que tovieron actuando como teloneros de Capercaille o en dellos otros espectáculos del festival y con componente que tienen una llarga hestoria musical tres de sí. 11 d'agostu, 2007 0 FacebookTwitterPinterestEmail
Lorient 2007 Asturnews ufre vídeos de toles actuaciones de los gaiteros asturianos nel Mac Crimmon by asturnet 5 d'agostu, 2007 Asturnews ufre al traviés del seviciu YouTube una amuesa de les interpretaciones de tolos gaiteros asturianos participantes nel concursu Mac Crimmon en Lorient 2007: Rubén Alba fizo una actuación al altor del campeón que ye. Marco Antonio Guardado tuvo que conformase col cuartu puestu en Lorient. Pablo Carrera dexó bien altu’l pendón de Llaviana en Lorient. Hugo Noval estrenóse en Lorient cuayando una bona actuación. 5 d'agostu, 2007 0 FacebookTwitterPinterestEmail
Lorient 2007 Rubén Alba fizo una actuación al altor del campeón que ye by asturnet 5 d'agostu, 2007 El más nomáu y premiáu de los gaiteros de la delegación asturiana en Lorient cuayó una perbona interpretación de música bretona, que por ser menos tradicional que la escoyida por Edelmiro Fernández nun-y valió’l favor del xuráu bretón que prefier davezu interpretaciones menos tradicionales. el sistema de puntuación por puestos, dafechamente ilóxicu, que s’emplega nel concursu, perxudicólu nesta ocasión gravemente 5 d'agostu, 2007 0 FacebookTwitterPinterestEmail
Música La Banda de Gaites La Raitana va participar na Nueche Celta de Caussade by asturnet 7 de xunu, 2007 Redacción. Esta fin de selmana que vien, la Banda de Gaites La Raitana, formada con alumnos de les Escueles Municipales de Música de Nava y Piloña, va participar na cuarta edición del festival ‘Nuit Celte’ de la llocalidá francesa de Caussade/Monteils, asitiada a unos 80 quilómetros al norte de la ciudá de Toulouse. La formación asturiana, que va compartir escenariu con dalgunos de los más destacaos grupos folk de la escena europea, como Lunasa, va presentar el repertoriu que forma parte del so discu nuevu “Moh.ito”, publicáu apocayá pola compañía Fonoastur. La Raitana yá percorrió los festivales internacionales más afamaos d’Europa. Ente otros, los festivales franceses de Lorient, Guingamp, Chemin de crabas, el portugues de Marinha Grande y l’italianu d’Agrigento. 7 de xunu, 2007 0 FacebookTwitterPinterestEmail
Música Tejedor sal de xira esti branu col so discu nuevu Música na maleta by asturnet 14 de mayu, 2007 Redacción. El discu ‘Música na maleta’ va percorrer los escenarios de tol mundiu a lo llargo d’esti branu. El grupu folk ‘Tejedor’ va llevar la música compuesta polos hermanos Jose Manuel y Javier Tejedor a tolos requexos del mundiu. El discu ta dedicáu a la memoria d’Ígor Medio y Carlos Redondo, los miembros del grupu ‘Felpeyu’ fallecíos el branu pasáu. El primer conciertu va ser esti vienres 18 na Feria de L’Ascensión d’Uvieu, pa llegar el sábadu a ‘Tolo d’Asturies’, festival que se celebra en Llangreu. Nel mes de xunu, el día 9, van tocar na fiesta de Santa Olaya, en Morcín. El 22 van participar nel homenaxe na Playa Poniente n’alcordanza d’Ígor Medio y Carlos Redondo. Pa terminar el mes na Nueche de San Xuan, nel Antiguu Estadiu Grandiella, en Nava y el sábadu 30 na Nueche Folk de Fitoria. Los meses braniegos de xunetu, agostu y setiembre van siguir con conciertos nel Festival de Lorient en Francia, Llanes, Tapia de Casariego, Cantabria, Huesca, Madrid, Chicago y munchos otros llugares. 14 de mayu, 2007 0 FacebookTwitterPinterestEmail
Música La Raitana va presentar esta fin de selmana Moh.ito, el so discu nuevu by asturnet 3 de mayu, 2007 Redacción. La Banda de gaites La Raitana de Nava y Piloña va facer el conciertu de presentación del so nuevu discu, ‘Moh.ito’, esti sábadu que vien, mañana, día 5 de mayu, a les siete y media la tarde nel Conservatoriu E. M. Torner d’Uvieu. La entrada ye de baldre. Esti discu nuevu, que ye’l segundu qu’asoleya l’agrupación dende la so formación en 1998, sal a la venta dempues del esitu collecháu cola grabación anterior ‘De La Revuelta a La Marea’, espublizáu en 2002, que los llevó a percorrer los festivales internacionales más afamaos d’Europa. Ente más otros, los festivales franceses de Lorient, Guingamp, Chemin de crabas, el portugues de Marinha Grande y l’italianu d’Agrigento. Pa esta ocasión especial, la banda va cuntar cola presencia y collaboración de dellos de los músicos más relevantes de la escena asturiana, dirixíos como siempres pol llíder de la formación Flavio R. Benito. Páxina oficial Banda de Gaites ‘La Raitana’ 3 de mayu, 2007 0 FacebookTwitterPinterestEmail