Opinión La Xunta pola Defensa de la Llingua Asturiana recuerdal compromisu de Nené Losada Rico by asturnet 21 d'abril, 2009 Nené, dende quel Padre Galo, outru ilustre autor del nuesu idioma, lanimóu a escribir na l.lingual país, mantuvo una fidelidá que la l.levóu a usar lAsturianu en casi tola súa obra. Poucu a poucu foi convirtiendose nun referente de la l.literatura asturiana a pesar describir nesta l.lingua nun momentu nel quescribir ya falar nAsturianu nun taba bien miráu chegando incluso a nun dexa-y recitar nAsturianu en dalgunos eventos l.literarios como-y pasóu nel casino de L.luarca ya nun recital dUviéu. Por tou esto la trayectoria de Nené pa cola L.lingua Asturiana foi comparada cola de Rosalía de Castro pa cola Gal.lega. La sua l.luita ya valor pa cola L.lingua Asturiana l.levóula a colaborar cola Xunta pola Defensa de la L.lingua Asturiana dendel momentu que se establecióu en Valdés, ya nós, nun vamos a esqueicer la súa entrega pa col idioma ya la cultura asturiana yal sou apoyu incondicional pa cola nuesa organización. El meyor homenaxe que-y podemos facer yía siguir trabayando pola dignificación de la L.lingua Asturiana a la que el.la tanto-y diou. 21 d'abril, 2009 0 FacebookTwitterPinterestEmail
Documentu La Xunta pola Defensa de la Llingua pronunciase sobre l’enseñu del asturianu by asturnet 6 de marzu, 2009 MANIFESTACIÓN. En Maxisteriu y nel Sistema Educativu La Llingua Asturiana ¡Como les Demás! La Xunta pola Defensa de la Llingua Asturiana convoca una movilización p’aparar los intentos d’eliminación de la llingua asturiana nel sistema educativu. Tenemos que volver movilizanos pa desixir al gobiernu asturianu que cumpla la llexislación vixente que regula la presencia del idioma nel sistema educativu, una llexislación que yá de mano ye curtia y probe pero qu’amás tán enfotaos n’achaplar. Hai actualmente dos problemátiques concretes qu’amenazen seriamente’l derechu al estudiu de la llingua asturiana: 1. La propuesta de la dirección de la Escuela de Maxisteriu d’escluir a la llingua asturiana de los nuevos planes d’estudiu qu’han aprobase nel procesu d’adaptación al nuevu marcu europeu de Bolonia. Una de les consecuencies de l’adaptación al marcu europeu ye la desapaición de los títulos propios de la Universidá d’Uvieu, ente ellos el cursu de postgráu d’Espertu en Llingua Asturiana que yera’l qu’hasta agora capacitaba a los mayestros y mayestres de llingua asturiana. Polo tanto, estos estudios tendrán agora que tar necesariamente dientro de les enseñances reglaes impartíes por esta escuela. Nos nuevos planes d’estudiu va haber solo dos especialidaes: Educación Infantil y Educación Primaria, que van ser acompañaes de Menciones sobre materies como l’Ingles o la Educación Física. Por too ello, la formación de los futuros profesionales de la enseñanza esixe: La creación d’una Mención de Llingua Asturiana. Que permita la formación de los futuros mayestros y mayestres de Llingua Asturiana. La presencia d’asignatures de Llingua Asturiana nos estudios comunes d’Educación Infantil y Primaria. Que permita la formación mínima necesaria pa que cuanquier futuru mayestru o mayestra pueda desarrollar la so actividá docente na realidá sociollingüística d’Asturies, garantizando la igualdá de derechos llingüísticos y educativos de los neños y neñes falantes d’asturianu. La dirección de la Escuela de Maxisteriu yá fizo’l primer intentu d’eliminación del asturianu na primer propuesta de planes d’estudiu que llevó a votación el pasáu 29 de febreru y que foi refugada por una mayoría de 48 contra 23. Esa propuesta escluía cualquier posibilidá de formación pa los docentes d’asturianu, lo que supón un desacatu a lo contenío na llei 1/98 d’Usu y Promoción de la Llingua Asturiana: “la Universidá d’Uvieu tien de garantizar la capacitación del profesoráu pal enseñu del asturianu y el gallego-asturianu na enseñanza reglada.”. Hasta’l momentu nun hai nenguna otra propuesta alternativa y nun tenemos nengún datu que nos faga sospechar que la dirección va modificar el so plantegamientu inicial d’esclusión. Por ello, pidimos nuevamente la dimisión inmediata de la directora Gloria Tellez. 2. La situación irregular y illegal, según sentencia del Tribunal Supremu, na que s’encuentren les plantíes de docentes d’asturianu na educación primaria, secundaria y bachilleratu. La Llei 1/98 d’Usu y Promoción del Asturianu afita Artículu 10. “Nel exerciciu de les sos competencies, el Principáu d’Asturies va garantizar la enseñanza del asturianu en tolos niveles y graos, respetando non obstante, la voluntariedá del so deprendizaxe. En tou casu, el bable/asturiano va tener que ser impartío dientro del horario escolar y va ser consideráo como materia integrante del currículu.” Por ello, el Currículum pa la Educación Primaria n’Asturies recueye la presencia y conteníos de l’asignatura de Llingua Asturiana. Anguañu, alredor de 20.000 escolinos y escolines piden y se matriculen voluntariamente de l’asignatura. Agora, esta sentencia del Tribunal Supremu que califica d’illegales a les plantiyes funcionales de docentes, dexa nel limbu llegal a los mayestros y mayestres de llingua asturiana qu’hasta agora exercíen dientro d’esi formatu. Ye necesario que se dignifique y normalice la situación llaboral irregular de los mayestros d’asturianu y que se-yos reconozan los mesmos derechos y deberes qu’al restu docentes. L’asignatura de llingua asturiana forma parte del currículo y polo tanto debe tener la so propia especialidá, igual que’l restu materies que s’imparten n’escueles y institutos. Agora que resclampló la situación d’illegalidá y marxinalidá na que s’obligaba a exercer a los docentes d’asturianu nun caben más escuses nin dilaciones. La non creación d’esta especialidá solo podría significar una cosa, la intención de les alministraciones de mantener a l’asignatura nuna posición marxinal y inestable que permita la so eliminación nun futuru prósimu. Por too ello, ente la gravedá d’esta situación y la posibilidá real d’eliminación de la llingua asturiana del sistema educativu, la Xunta pola Defensa de la Llingua Asturiana llama a tola sociedá asturiana a la movilización este sábadu 7 de marzu a les 17:00 na Estación del Norte d’Uvieu. Pola defensa d’unes conquistes que nun pueden tener marcha atrás. Estudiar asturianu ye un derechu al que nun podemos denunciar. 6 de marzu, 2009 0 FacebookTwitterPinterestEmail
Política La Xunta pola Defensa de la Llingua Asturiana pide la dimisión de Consuelo Vega by asturnet 16 de febreru, 2009 La Xunta pola Defensa de la Llingua Asturiana pidió estos díes la dimisión de la Directora Xeneral de Política Llingüística, Consuelo Vega, por, según la organización, “mentir y ocultar información” al Conseyu dEuropa. La polémica entamó va delles selmanes al sabese que Vega nun contestó a la petición dinformación sobre la situación del asturianu pal Informe de siguimientu de la Carta Europea de Llingües Rexonales y Minoritaries. Otres organizaciones yá amosaron el so descontentu por esta actuación, yel casu de Xuristes pol Asturianu, que destapó la polémica. 16 de febreru, 2009 0 FacebookTwitterPinterestEmail
Educación La Xunta pola Defensa de la Llingua solicita una reunión col Conseyeru d’Educación by asturnet 3 de febreru, 2009 El motivu fundamental pol que se solicita la reunión ye’l de recibir información de manes del conseyeru sobre les iniciatives que piensa adoptar pa garantizar la formación de los futuros mayestros de Llingua Asturiana, y pa reconducir la situación xenerada énte la intención espresa de la dirección actual de la Escuela de Maxisteriu d’escluyir los estudios d’asturianu del nuevu proyectu de planes d’estudiu, qu’han aprobase pa la so adaptación al marcu européu de Bolonia. 3 de febreru, 2009 0 FacebookTwitterPinterestEmail
Educación La Xunta pola Defensa de la Llingua pon clas d’asturianu by asturnet 16 de xineru, 2009 Como ye vezu, la Xunta pola Defensa de la Llingua Asturiana pon clase d’asturianu un añu más. El cursu entama’l llunes 2 de febreru, nel local uvieín de la organización, el Llar Solidariu, na cai La Gascona 12, 3u. El cursu tien 60 hores de duración ónde los y les alumnos y alumnes van poder deprender el bon usu del idioma tanto a nivel escritu como oral. L’horariu va ser de 18’00 a 19’30 hores, los llunes y vienres (horariu provisional hasta concretar cola xente matriculao). El preciu de la matrícula completa ye de 30 . Toles persones interesaes pueden apuntase llamando al 985 229 553 o pasando pel local (a partir de les 15’30, hasta les 20’00). 16 de xineru, 2009 0 FacebookTwitterPinterestEmail
Política Fernando Lastra anecia con facer por recibir más antipremios nuna carta remitida a la Xunta Pola Defensa de la Llingua by asturnet 16 d'avientu, 2008 El portavoz de la FSA, Fernando Lastra, ganador del “Madreñazu”, l’antipremiu de la Xunta Pola Defensa de la Llingua, fizo promesa por carta de siguir nel so llabor d’enemigu declaráu de la normalización de la llingua asturiana, asegurando que la so intención ye la de ser merecedor del antipremiu con más gana nel futuru. Hai que facer rescamplar que la so contestación coincide nel tiempu col asoleyamientu del informe sobre les llingues minorizaes del Conseyu d’Europa, onde se critica espresamente a l’alministración asturiana y a la del Estáu por nun tomar midíes urxentes y firmes de compromisu col idioma propiu d’Asturies, y onde se demanda la oficialidá como una de les bases fundamentales p’asegurar la sobrevivencia d’esta llingua milenaria. Fernando Lastra, portavoz de la FSA y premiáu col “Madreñazu”, contestó que diba facer por merecer el premiu con más gana, coincidiendo col tirón d’oreyes que’l Conseyu d’Europa-y da a l’alministración asturiana. El conteníu lliteral de la carta unviada por Fernando Lastra ye’l que vien darréu: Estimados amigos: Muy considerados por la atención; siento no poder hacer acto de presencia para recoger el antipremio concedido. Lo recibo, no lo duden, con toda deportividad. Espero no pecar de falsa modestia al considerar que puede que no haya hecho méritos suficientes para merecer su amable reconocimiento; me aplicaré, en el futuro, con el mejor espíritu de superación. Atentamente. Fernando Lastra Valdés El sábadu 20 d’avientu, a les 19:30 hores, nel Salón d’Actos del Antiguu Institutu de Xixón, la Xunta pola Defensa de la Llingua Asturiana va entregar los sos Premios Andrés Solar. 16 d'avientu, 2008 0 FacebookTwitterPinterestEmail
Educación La Xunta pola Defensa de la Llingua Asturiana ve nel minor un estatus marxinal by asturnet 21 de payares, 2008 Dempués de l’aprobación de la propuesta de Minor d’asturianu na Xunta de la Facultá de Filoloxía, la Xunta pola Defensa de la Llingua Asturiana caltién la crítica a la solución adoptada, que ye pa la organización “claramente insuficiente, porque caltién a la llingua asturiana nun estatus marxinal, en comparanza col rangu qu’ocupen el restu llingües con estudios reglaos de filoloxía”. La organización afirmó que “nun existen razones técniques que lleven a esta solución de compromisu”. “Nel ámbitu universitariu nun esiste alderique sobre la esistencia como tal de la llingua asturiana, esiste cuerpu de profesores abondo pa entamar una titulación propia de grau y esiste demanda d’estudiantes, mui superior a la que tienen la mayoría de los títulos de grau esistentes nesti momentu na Facultá de Filoloxía”. 21 de payares, 2008 0 FacebookTwitterPinterestEmail
Comunicación La Xunta pola Defensa de la Llingua Asturiana denuncia lincumplimientu de la RTPA de los decretos de toponimia oficial by asturnet 17 d'ochobre, 2008 La Xunta pola Defensa de la Llingua Asturiana denunciaba esti vienres públicamente lincumplimientu sistemáticu que la Radiotelevisión del Principáu dAsturies (RTPA) “fai de los decretos de toponimia oficial cuando, como ente públicu que ye, tenía que ser un mediu fundamental pa llevar a la práctica tolos alcuerdos y normatives aprobaes pol Gobiernu asturianu”. Sigún la Xunta “ye vergonzoso ver cómo, depués de que 32 conceyos tengan la so toponimia oficializada y publicada nel BOPA, lente públicu de comunicación nun faiga casu dello y siga usando topónimos que yá nun tienen validez llegal”. La xunta fai alcordanza de que los decretos de toponimia son bien claros: «el so usu ye dobligáu cumplimientu por parte de lalministración pública». Y darréu d’esto camienta que “nun hai más vueltes que-y dar. Tanto la RTPA comol Gobiernu asturianu tán actuando illegalmente no tocante a la toponimia oficializada. Asturies ye la única comunidá con llingua propia onde los medios de comunicación públicos nun emiten nel so idioma, con tolo quello podía valir pa normalizar una llingua que ta a puntu de desapaecer si nun se tomen midíes urxentes y bien planificaes”. Pala Xunta “ta claro que los intereses del Gobiernu asturianu van per otru llau: el de marxinar la llingua asturiana. Bon exemplu tenémoslu cola toponimia: apruébense los decretos pa depués nun los cumplir. La radio y la televisión que paguen tolos asturianos y asturianes tien que respetar la llei y usar les formes toponímiques que son oficiales en tola so programación, tanto nel so usu oral como escritu. Nun lo facer, amás dincurrir na illegalidá, demuestra una irresponsabilidá bien grave que nun lleva más quempeorar, conscientemente, la situación que vive la llingua asturiana”. Darréu de tolo mentao, la Xunta pola Defensa de la Llingua Asturiana “esíxe-y al Gobiernu asturianu que cumpla la llei y que faiga cumplir los decretos de toponimia tanto na RTPA como en tola alministración del Principáu dAsturies”. 17 d'ochobre, 2008 0 FacebookTwitterPinterestEmail
Sociedá La Xunta pola Defensa de la Llingua y los llagareros d’Asturies entamen otra campaña de normalización by asturnet 27 de marzu, 2008 “La sidra como tien que ser”. Esti ye l’eslogán col que la Xunta pola Defensa de la Llingua y los llagareros d’Asturies van promover l’usu de l’asturianu nes sidreríes y restoranes de la rexón, no que ye una nueva inciativa cola normalización de la llingua asturiana como oxetivu caberu. El cartelu de la campaña va presentase esti vienres 28 de marzu nel Hotel Villa de Gijón (C/ San Juan de Valles, nº 3. Xixón) nun actu que va entamar a les seis la tarde. Na presentación de la campaña van tar presentes el presidente de l’Asociación de Llagareros d’Asturies, Jose María Osoro; el representante de l’Asociación del Barriu de la Sidra, Jose Luis Acosta y el voceru de la Xunta pola Defensa de la Llingua Asturiana, Xuan Gonzalo. Esta campaña, qu’axunta sidra y cultura como ye tradicional na rexón, vien a amestase a les munches que vien desendolcando la Xunta, en favor del usu del asturianu. 27 de marzu, 2008 0 FacebookTwitterPinterestEmail
Sociedá La Xunta pola Defensa de la Llingua denuncia’l mal funcionamientu de los servicios de normalización by asturnet 31 de xineru, 2008 La Xunta pola Defensa de la Llingua responsabilizó al Principáu del pieslle de les oficines de normalización de Mieres y Samartín del Rei Aurelio y de la mala situación del restu de servicios que funcionen na comunidá. Según informa la Xunta nun comunicáu, la Conseyería de Cultura ta incumpliendo tolos alcuerdos algamaos n’ochobre colos trabayadores d’estos servicios. “Los Servicios de Normalización formen parte de la propaganda institucional a la hora de vender la so confianza pola normalización del asturianu, pero la Conseyería de Cultura nun va más allá nel so apoyu”. La Xunta denuncia esta situación precisamente cuando haz poco que la Conseyería anunció l’apertura de más servicios de normalización na zona del Navia-Eo y en Llaviana. Segun denuncia’l colectivu nel comunicáu esta situación ta derivada de la falta d’un conveniu seriu pa los trabayadores d’estos centros. “A estes altures desconozse siquiera con que presupuestu se cuenta pa da-yos continuidá a los Servicios qu’entá siguen funcionando”. Asimesmo, dende la XPDL pídese l’reapertura de les oficines ya’l cumplimientu efectivu de lo que prometió la Conseyería de Cultura. 31 de xineru, 2008 0 FacebookTwitterPinterestEmail