Fiestes Dixebra echa lleña a la Foguera de Xixón y Uviéu prende la so Nueche de San Xuan con Tejedor by asturnet 22 de xunu, 2005 El grupu Dixebra xunto a La Col.lá Propinde van ser los encargaos de calecer la Foguera de San Xuan na nueche d’esti xueves 23 na Playa de Poniente en Xixón. La programación de les otres folixes del San Xuan nesti añu ufierta les actuaciones de Llangres, La Tarrancha y Batulax na Foguera vera l’embalse de Tresona, en Corvera y un conciertu del grupu Tejedor na plaza la Catedral d’Uviéu. Mieres, que celebra el 24 al so patrón, apuesta polo tradicional y va festeyar la so Foguera con un conxuru a cargu de l’artista María Xesús Rodríguez y cola so Danza Prima de San Xuan. Les ufiertes pa la nueche máxica de la primer gran folixa del veranu presenten una gran variedá, asina, La Pola Sieru acueye l’actuación del conxuntu Los Berrones y Grandas de Salime una nueche de rock duru con Mala Reputación y Aprieta el Kulo. Con verbenes o conciertos, van ser sicasí, prácticamente tolos llugares del mapa d’Asturies los que prendan fogueres esa nueche y celebren d’estamiente una fiesta que tien los sos órixenes na membranza pagana del solsticiu de veranu. Los puntos calientes del mapa de les fogueres de San Xuan, van tar, ensin dulda, na Playa de Poniente de Xixón, cola presencia de los al.leranos La Col.lá Propinde y el rock combativu y enerxéticu de Dixebra, un grupu que tien en Xixón una de les places con más puxu en siguidores de los avilesinos. La clásica Nueche Celta de Corvera remanez esti añu después d’una cierta incertidume respective a la so contuinidá y failo con tres de les bandes más significatives de la escena nueva de la música asturiana: Llangres, La Tarrancha y Batulax. Uviéu, a la postre, escueye una nueche más tranquila al son de los ritmos de Tejedor, nun conciertu que va tener como invitáu d’escepción al mánayer xeneral del Desfile de San Patriciu de Nueva York, John Dunleavy, de visita oficial n’Asturies convidáu pol gobiernu del Principáu. Enantes, na Plaza la Catedral, la compañía de teatru Margen va poner n’escena la so particular contribución al cuartu centenariu del Quixote con “Vida de Don Quijote y Sancho”. 22 de xunu, 2005 0 FacebookTwitterPinterestEmail
Sociedá El director del Desfile de San Patriciu de Nueva York visita Asturies invitáu pol gobiernu del Principáu by asturnet 20 de xunu, 2005 El manaxer xeneral de la organización del Día de San Patriciu en Nueva York, John T. Dunleavy, llega güei a Uviéu invitáu pol gobiernu del Principáu a una visita na que’l director de la Gran Parada va tener ocasión de conocer diverses manifestaciones de la cultura popular asturiana. Dunleavy, correspuende asina al brinde que la delegación del gobiernu autonómicu-y fizo en Nueva York pa visitar la nuestra comunidá. El cabezaleru del Desfile de San Patriciu va aprovechar la so visita pa entrega-yos a les Bandes de Gaites de Corvera y Lluanco el premiu al meyor conxuntu estranxeru de la última Parada John T. Dunleavy va asistir na tarde d’esti martes 21 a una espicha de confraternización nun llagar de Tiñana onde va alcontrase col conseyeru de Xusticia y Esteriores Francisco José García Valledor. Mañana el mánayer del San Patriciu niuyorquín va visitar la Xunta Xeneral onde lu va recibir la presidenta del parlamentu María Jesús Fernández y pela tarde entregará’l premiu a les bandes de gaites asturianes nun actu nel Palaciu del Marqués de Camposagrado n’Avilés. El xueves, Dunleavy viaxa hasta Cuadonga y darréu visitará’l Dolmen y la capiella de Santa Cruz en Cangues d’Onís. Pela nueche tien una cena organizada nel llagar Tierra Astur de Cualloto na que van acompañalu amás del conseyeru Valledor y del director xeneral de Política Llingüística y Promoción Cultural, Carlos Madera, músicos y miembros de colectivos culturale asturianos, como la cantante Annabel Santiago, el gaiteru Bras Rodrigo, y el colectivu Belenos. A medianueche, el director del desfile de San Patriciu, va poder asistir a la Foguera de San Xuan na Plaza la Catedral, y a l’actuación de la compañía de teatru “Margen” y del grupu Tejedor. El programa de la visita de John Dunleavy a Asturies complétase el viernes 24 con una visita al Muséu de la Gaita de Xixón y al Festival Internacional de Gaita de Nava, onde actúa el músicu irlandés Michael Murphy, director de la Banda de Gaites Carrigaline Pipe Band. El sábadu Dunleavy va asistir al Festival de la Oveya Xalda d’Argüeru (Villaviciosa) y el domingu, remata la so visita a Asturies con un paséu pela catedral d’Uviéu y la Cámara Santa. 20 de xunu, 2005 0 FacebookTwitterPinterestEmail
Lorient 2003 Tejedor hizo vibrar el Cabaret como no recordaban los más veteranos by asturnet 2 d'agostu, 2003 Los hermanos Tejedor cuajaron en la noche del viernes en el Cabaret del Festival una de sus mejores actuaciones en Lorient, con una vitalidad que no se recordaba en un lugar donde la música más tranquila impera habitualmente. Jose Manuel y sus hermanos tienen un conjunto equilibrado que con las últimas incorporaciones ha ganado en estabilidad sin perder en ningún momento un ápice de su rigor musical y estilístico. El concierto de la noche del viernes vino precedido de una noche sofocante que no amilanó a los seguidores asturianos del grupo que en compañía de algunos locales dieron un ejemplo de lo que es animar un concierto cuando se cuenta con la complicidad de los artistas. Y arte precisamente fue lo que despidió Tejedor durante las casi dos horas de concierto que ofreció a la parroquia con un completo repaso a su repertorio, que incluyó, como no podía ser de otra manera, un sólo de gaita de José Manuel verdaderamente memorable. El grupo ha ido mejorando en el escenario gracias a la soltura de Eva y a su animosidad que acompañada por la marcha de Roberto cuando agarra el violín, compensa el rigor y la seriedad sonriente de los dos hermanos Tejedor. Como ha cualificado la prensa bretona, estamos sin duda ante el grupo que mejor ha sabido mezclar la tradición folk asturiana con un futuro que se prenseta, si cabe, más esperanzador que este exitoso presente. Para ver el álbum fotográfico completo de esta jornada de Asturias en Lorient, con las fotos de la actuación de Tejedor, sólo tienes que seguir este enlace: ver fotos de la actuación de Tejedor en Lorient 2003 2 d'agostu, 2003 0 FacebookTwitterPinterestEmail
ConvocatoriesMúsica Felpeyu y Fruela 757 ufren un nuevu ‘Amosando’ esti 6 de setiembre by redacción asturnews 28 d'agostu, 2020 Amosando, el ciclu de presentaciones de discos en formatu íntimu, grabaos y emitíos per Internet, va ufrir un nuevu conciertu/grabación nel que va sonar el folk de Felpeyu presentando ‘Cerquina’ y la electrónica-folk de Fruela 757 presentando ‘Llariegu’. L’eventu va ser el domingu 6 de setiembre en Toma3 (Xixón) con aforu llendáu a les persones que participen nun sortéu. Siguir lleendo 28 d'agostu, 2020 0 FacebookTwitterPinterestEmail
ConceyosFiestesMúsica La BGRibeseya organiza’l VI Festival de Bandes de Gaites Villa de Ribeseya by redacción asturnews 13 d'ochobre, 2017 Esti sábadu día 14 d’ochobre a les 18:30, entama’l VI Festival Villa de Ribeseya col desfile de los cuatro grupos del festival. Darréu, na carpa instalada na Plaza Nueva de Ribeseya, los grupos ufiertarán l’espectáculu que traen esti añu a Ribeseya. Siguir lleendo 13 d'ochobre, 2017 0 FacebookTwitterPinterestEmail
Música Toli Morilla algama’l Premiu al Meyor Cantar en Llingua Asturiana por “Azul y gris” by asturnet 22 de febreru, 2007 El cantautor Toli Morilla llevóse’l Premiu al Meyor Cantar en Llingua Asturiana por “Azul y gris”, con lletra de Marta Mori, publicáu nel so últimu discu “Entropia”. El director xeneral de Promoción Cultural y Política Llingüística Carlos Madera entregó esti primer, premiu al tiempu que se facía la convocatoria pa la siguiente edición. La Gala d’entrega del Premiu entamó con una alcordanza a Carlos Redondo y Ígor Medio, los dos componentes de Felpeyu fallecíos na nueche de San Xuan. Darréu d’esta alcordanza Naciu Varillas y Sonia Fidalgo conduxeron la presentación de los grupos finalistes que tocaron en directu cola escepción de los Hermanos Tejedor pol avanzáu estáu del embarazu d’Eva Tejedor. Darréu de la entrega del Premiu la cantautora Maria del Bonet entamó la so actuación col cantar “Adios casa de mios padres” pa siguir darréu con bien de los sos temes de la música del mediterráneu. 22 de febreru, 2007 0 FacebookTwitterPinterestEmail
ComunicaciónLorient 2023MúsicaSociedá La Delegación asturiana en Lorient protagoniza la xornada mediática nel FIL by redacción asturnews 8 d'agostu, 2023 La Delegación asturiana en Lorient protagonizaba esti martes la xornada mediática nel 52 Festival Interceltique de Lorient con un reportaxe sobre la presencia de los baillarines y músicos de les delegaciones que participen nel Festival nos albergues de la villa bretona que s’exemplificaba col casu de los asturianos, xustamente nel día qu’aportaben a la programación José Manuel Tejedor y Algaire, que van actuar a lo llargo la selmana. Siguir lleendo 8 d'agostu, 2023 0 FacebookTwitterPinterestEmail
Festival de LorientLorient 2023Música Entamó en Lorient el 52 Festival Interceltique by redacción asturnews 5 d'agostu, 2023 Esti vienres 4 d’agostu entamaba’l Festival Intercélticu de Lorient que celebra’l so 52ª edición que se va a enllargar hasta’l 13 d’agostu y que tien a Irlanda como convidada d’honor esti branu. Siguir lleendo 5 d'agostu, 2023 0 FacebookTwitterPinterestEmail
ComunicaciónEuropaFestival de LorientMúsicaPatrimoniu Hevia, Llan de Cubel y la BG El Llacín completen la programación de Lorient by redacción asturnews 9 d'abril, 2022 José Ángel Hevia, Llan de Cubel, el Grupu Folklóricu Trebeyu de Xixón y la Banda de Gaites d’El Llacín van completar la programación del Añu d’Asturies nel Festival Intercélticu de Lorient, qu’esti vienres fizo anuncia del cartelu completu del 51ª Festival intercélticu con una actuación de José Manuel Tejedor en París. Siguir lleendo 9 d'abril, 2022 0 FacebookTwitterPinterestEmail
Uncategorized El Festival de Lorient sigue enanchando’l so cartelu pal añu d’Asturies by redacción asturnews 24 de febreru, 2022 La 51ª edición del Festival Interceltique de Lorient, que va celebrase del 5 al 14 d’agostu, vieno acabante amosar agora la segunda y penúltima parte del so programa, cola incorporación de dellos artistes asturianos como Rodrigo Cuevas que refuercien la celebración del añu dedicáu a Asturies nel Festival. Siguir lleendo 24 de febreru, 2022 0 FacebookTwitterPinterestEmail