Convocatories La Xunta pola Defensa de la Llingua Asturiana organiza un cursu dasturianu by asturnet 9 de payares, 2011 El cursu entamal llunes 14 de payares, nel llocal de la organización, el Llar Solidariu, na cai La Gascona 12, 3u dUviéu. Tien 60 hores de duración. Nél, los alumnos y alumnes van poder deprender el bon usu del idioma, tanto a nivel escritu como oral, de la mano d’una Llicenciada en Filoloxía y Especialista en llingua asturiana. L’horariu va ser de 19’00 a 21’00 hores, los llunes y miércoles (horariu provisional hasta concretar cola xente matriculao). El preciu de la matrícula completa ye de 30 euros. Toles persones interesaes pueden apuntase mandando un corréu a uvieu@exunta.org o llamando al 985 22 95 53 o al 679 65 09 98. 9 de payares, 2011 0 FacebookTwitterPinterestEmail
Educación La Xunta pola Defensa de la Llingua Asturiana aconceya cola Conseyera dEducación y Universidaes by asturnet 24 d'agostu, 2011 Carlos Pulgar ya Iris Díaz Trancho, miembros de la Xunta pola Defensa de la Llingua Asturiana (XDPLLA) aconeyaron estos díes con Ana Isabel Álvarez González, Conseyera d’Educación y Universidaes, que según la organización mostróse receptiva pa velar pol cumplimientu de la Llei d’Usu y a tar atenta pa que tolos centros yá sían públicos, privaos o concertaos cumplan cola ufierta xeneralizada de l’asignatura dasturianu. Otru de los compromisos dÁlvarez González yel de tener nel organigrama de la Conseyería una persona encargada de coordinar y apoyar les iniciatives referíes a la presencia del idioma dientro del sistema educativu. Los representantes tresmitiéron-y les reivindicación básiques y clásiques sobre la situación de la llingua asturiana en caún de los niveles educativos, que Pulgar esplicó la propia conseyera reconoció que lleven munchos años pendientes de solución. Amás, la Xunta pidió l’usu normalizáu del asturianu dientro de la estructura interna de la Conseyería y solicitaron que se creara un serviciu de normalización, coordinación y apoyu didácticu a l’asignatura. No que cinca al reconocimientu de la especialidá d’asturianu pa los profesores, la Conseyera tresmitió-y a la organización que cuando de la Universidá salgan los primeros titulaos de la reordenación universitaria nueva, esi va ser el momentu y la oportunidá pa reconocer a los enseñantes d’asturianu n’igualdá de condiciones que nes demás materies. 24 d'agostu, 2011 0 FacebookTwitterPinterestEmail
Política La Xunta pola Defensa de la Llingua Asturiana denuncia la falta dusu del asturianu nel Arqueolóxicu by asturnet 25 de marzu, 2011 La Xunta pola Defensa de la Llingua Asturiana afirma acabar de plasmar al comprobar lausencia del asturianu y lincumplimientu de la toponimia oficial en toles instalaciones y señalética del reinauguráu, depués de munchos años, Muséu Arqueolóxicu dAsturies. Pa la Xunta, la Conseyería de Cultura vuelve a rise de la llegalidá y del patrimoniu que tien el mandáu de protexer. Dempués de 12 años de retrasos y polémiques, y 20 millones deuros gastaos, nin siquiera ye quien a cumplir unos mínimos razonables nel respetu a la ciudadanía, afirmen. Amás, denuncien lo qualbidren silenciu cómpliz de la Dirección Xeneral de Política Llingüística, dependiente desa mesma Conseyería, que pa la Xunta dexa en papel moyao la so supuesta promoción del idioma y la toponima oficial. Y y que según recuerden dende la XPDLLA: Al otru día dinaugurase un Muséu onde nun se respeta la toponimia oficial, la Dirección Xeneral de Política Llingüística fai una rueda de prensa pa esplicar cómo promocionen la toponimia oficial. Nun pueden reclamar credibilidá cuando la humillación nel departamentu propiu ye la norma que marca la so inoperancia. ¿Cómo pue un departamentu lAlministración, la mesma quaprueba nel BOPA la toponimia oficial, incumplir sistemáticamente la llegalidá toponímica? Nun hai más que ver los paneles: “Morillón” (pol oficial Moriyón), “Gamonedo” (pol oficial Gamonéu), “Cabañaquinta” (pol oficial Cabanaquinta), etc. Ye por ello que la Xunta reclama la rectificación inmediata de tolos elementos dinformación, señalización y descripción del Muséu Arqueolóxicu dAsturies padaptalos a la llegalidá vixente en materia de toponimia. Amás esixen la presencia de la llingua asturiana nigualdá de condiciones coles demás llingües presentes nel Muséu, porque lunicu billingüismu quentienden los responsables de Cultura paez ser col inglés. 25 de marzu, 2011 0 FacebookTwitterPinterestEmail
Música La Xunta pola Defensa de la Llingua Asturiana ufre un vidiu del Conciertu pola Oficialidá by asturnet 29 d'abril, 2010 El pasáu sábadu, 24 dabril, celebrábase nel Recintu Ferial Luis Adaro de Xixón, el XXII Conciertu pola Oficialidá, cola participación de Xentiquina, La Bandina la Curuxa, Toli Morilla, DRD, Skama la Rede, Los Berrones, Dixebra y Misiva. Quien nun pudiera averase pela celebración va poder disfrutar agora de les imáxenes del mesmu, montaes pol realizador Pablo A. Quiroga Prendes. La música de fondu ye El ramu del Día de les Lletres, cantar de 2010 grabáu polos Músicos pola Oficialidá, yá incluyíu dientro del discu Asturllétric. 29 d'abril, 2010 0 FacebookTwitterPinterestEmail
Educación La Xunta pola Defensa de la Llingua sigue en Xixón coles sos Xornaes by asturnet 15 d'abril, 2010 Dende l11 de marzu, la XPDLLA de Xixón lleva celebrando dellos alderiques alredor del tema xeneral “Llingua y Normalización”. Les charres son nel local de Sestaferia, asitiáu na cai Joaquín Alonso Bonet, 3 y de magar les 20.00 hores. Exti xueves, 15 dabril, la tema central va ser la situación del asturianu dientro del sistema educativu. 15 d'abril, 2010 0 FacebookTwitterPinterestEmail
Sociedá La Xunta pola Defensa de la Llingua entama en Xixón una charra sobre la normalización nos conceyos by asturnet 18 de marzu, 2010 Lagrupación de la Xunta pola Defenda de la Llingua Asturiana en Xixón entamó la selmana pasada les les xornaes “Llingua y Normalización”. Les charres son nel llocal de Sestaferia, asitiáu na cai Joaquín Alonso Bonet, 3, y a partir de les 20.00 hores. Pa güe, xueves 18, el tema escoyíu ye’l procesu de normalización nos conceyos. 18 de marzu, 2010 0 FacebookTwitterPinterestEmail
Sociedá La Xunta pola Defensa de la Llingua reinaugura la so estaya xixonesa con una folixa nel so llar nuevu by asturnet 4 de marzu, 2010 La Xunta Pola Defensa de la Llingua Asturiana retoma lactividá reivindicativa en Xixón y pa dar el pistoletazu de salida, esti vienres 5 de marzu va facese la re-inauguración del nuevu llocal onde se van aconceyar y trabayar, conxuntamente con otres asociaciones, a partir dagora. Nel llocal va empezar a facese a los xueves un ciclu de charres sobre aspectos variaos como la normalización llingüística, la música nasturianu, etc., de la que nunos díes la Xunta va dar anuncia. Pal actu de presentación, que va empezar a les 20:00 hores, va facese una fiesta onde va haber comida de baldre y bebida a precios populares. El llocal nuevu ta situáu na cai Joaquín Alonso Bonet, 3 (Antigua Sidrería la Llosa), de Xixón. Dende la organización convoquen a tol mundu a tomar una. 4 de marzu, 2010 0 FacebookTwitterPinterestEmail
Tecnoloxía Sofastur y la Xunta pola defensa de la Llingua Asturiana organicen unes Xornaes dInstalación by asturnet 18 de payares, 2009 Softastur, col sofitu de la Xunta pola Defensa de la Llingua Asturiana, va faer unes Xornaes dinstalación de softwarellibre nasturianu, esta fin de selmana. Les Xornaes van facese dos díes, vienres y sábadu. El primer día va facese una charra pa esplicar en qué consiste Ubuntu, y tamién van solucionase toles duldes que se puedan tener sobre la instalación y lusu del sistema operativu. El segundu día va ser el taller dinstalación. Esta actividá ye de baldre y ta abierta a tol mundu. Namás hai que traer el ordenador portátil o la CPU. 18 de payares, 2009 0 FacebookTwitterPinterestEmail
Documentu Comunicáu de la Xunta pola Defensa de la Llingua Asturiana sobre la especialidá d’asturianu by asturnet 13 de xunu, 2009 La Xunta pola Defensa de la Llingua Asturiana valoró, nel momentu de la so presentación, como mui positiva la proposición non de llei presentada pol Partíu Polpular pa la creación de la especialidá de Llingua Asturiana nel sistema educativu. Por contra, güei llamentamos asistir na sesión plenaria desta mesma mañana al espectáculu bochornosu amosáu polos dos partíos mayoritarios nel debate de la proposición. Duna bandal PSOE presentó dos enmiendes dirixíes esclusívamente a dexar la proposición ensin efectu y convertila en papel moyáu. ¿Qué sentíu tien si non que se vincule la creación de la especialidá de Llingua Asturiana a la confección dun estudiu xurídicu cuando yá hai un estudiu fechu -a encargu desti mesmu gobiernu- que fai una valoración favorable a la creación de la especialidá?. ¿Qué sentíu tien si non que se supedite previamente a la decisión del Ministeriu dEducación cuando -daprobase nos términos iniciales- la propia proposición non de llei diría dirixida precisamente a pidir al ministeriu la creación de la especialidá?. Vuelve rescamplar la oposición frontal del PSOE a cualquier avance hacia la dignificación de la llingua asturiana, incluso en casos como esti nos que nun pon reparu nenfrentase a laplicación de sentencies xudiciales: Una sentencia reciente del Tribunal Supremu calificaba como illegales les plantíes funcionales de docentes y desixía la so inclusión na plantía orgánica de los centros, lo quimplica necesariamente la creación de la especialidá pal profesoráu de llingua asturiana. Dotra bandal Partíu Popular fexo un exerciciu de cinismu políticu vergonzosu y intolerable. Teniendo votos suficientes paprobar la so propia proposición decide, in extremis, dexala ensin efectu incorporando les enmiendes presentaes pol PSOE. Evidenciando de manera penosa que nunca esistió per parte del grupu popular intención de collaborar na dignificación de la llingua asturiana, nin esiste nellos molición nenguna pola situación llaboral marxinal na que tienen quexercer el profesoráu dasturianu. El PP decidió retirar la so propia proposición non de llei éntel riesgu de que fuera aprobada y pudiera valir pa meyorar la presencia de la llingua asturiana nel sistema educativu. La Xunta pola Defensa de la Llingua Asturiana condena esta instrumentalización de la llingua asturiana como elementu de confrontación política. Asinamesmo, valoramos lexemplu de xenerosidá política amosáu por Izquierda Xunida al ufrir los sos votos ensin condiciones al Partíu Popular. Sicasí, la sesión plenaria desta mañana evidenció tamién quel gobiernu asturianu nun va permitir nengún avance significativu na dignificación del idioma, por ello tenemos que volver a facer un llamáu a la reflexón nIzquierda Xunida sobre la so participación nun gobiernu quagrede sistemáticamente los derechos llingüísticos más elementales y que sigue col oxetivu claru desterminar el patrimoniu llingüísticu asturianu nel menor plazu posible. Por último, la Xunta pola Defensa de la Llingua Asturiana quier facer un llamamientu a tolos axentes y sectores sociales implicaos na resolución desti conflictu a mantener la movilización y lactividá necesaries pa tornar la situación descepcionalidá que carez la enseñanza del asturianu y llograr con ellol reconocimientu de los derechos llingüísticos, educativos y llaborales que tán en xuegu. 13 de xunu, 2009 0 FacebookTwitterPinterestEmail
Sociedá La Xunta pola Defensa de la Llingua valora mui positivamente la iniciativa del PP by asturnet 20 de mayu, 2009 La Xunta pola Defensa de la Llingua Asturiana valora mui positivamente la iniciativa del Partido Popular de presentación duna proposición non de llei pa la incorporación de la especialidá de Llingua Asturiana nel sistema educativu. Esta proposición non de llei fai rescamplar lescenariu de marxinalidá y inestabilidá na que satopa la llingua asturiana nos centros denseñanza. Una situación llamentable que ye hora de cambiar y quafecta por igual a los derechos educativos de los y les estudiantes como a los derechos llaborales de los y les trabayadores docentes. Asinamesmo, esta iniciativa evidencia que la defensa del patrimoniu llingüísticu asturianu sigue avanzando pel camín de xenerar consensos amplios y plurales y de sumar a ella a tolos sectores políticos y sociales. La Xunta pola Defensa de la Llingua Asturiana quier facer un llamáu a los partíos políticos representaos na Xunta Xeneral, a aquellos que formen parte del Gobiernu y a tolos axentes sociales representaos na Educación, a que trabayen solidariamente pa garantizar la presencia digna y non discriminatoria de la llingua asturiana nel sistema educativu. 20 de mayu, 2009 0 FacebookTwitterPinterestEmail