Comunicación El programa de Xune Elipe na RPA estrena collaboradores y renueval formatu by asturnet 8 d'agostu, 2008 El programa “Rockmería”, que dirixe y presenta Xune Elipe na radio pública dAsturies, RPA, cambia de formatu y estrena collaboraciones mensuales, con Miguel Fernandi, Vito Álvarez, Henrique G. Facuriella y Xandru Fernández. El programa emítese tolos miércoles a les once y media la nueche y en redifusión los sábados. 8 d'agostu, 2008 0 FacebookTwitterPinterestEmail
Música Algamar axunta a Anabel Santiago, Xune Elipe, Nacho Fonseca y Chus Pedro pa falar sobre la música fecho n’Asturies by asturnet 19 de febreru, 2008 El grupu d’opinión Algamar va cellebrar una charra sobre la realidá de la música que se ta faciendo anguaño n’Asturies con cuatro artistes d’estilos estremaos, la cantante de tonada Anabel Santiago; Chus Pedro de Nuberu; el mayestru y fundador de “Xentiquina”, Nacho Fonseca ya’l cantante de Dixebra Xune Elipe. L’eventu va tener llugar esti martes 19 de febreru na Casa la Cultura de La Pola (Siero) de magar les 19:30 hores. 19 de febreru, 2008 0 FacebookTwitterPinterestEmail
Música Xune Elipe destacó la bona salú de la música asturiana na presentación de “Salú ya Dixebra” by asturnet 8 de febreru, 2008 Xune Elipe, como director del sellu L’Aguañaz, presentó esti vienres 8 de febreru, “Salú ta Dixebra. Perversiones”, el discu nel que 21 bandes asturianes versioneen el repertoriu de la so banda coincidiendo colos 21 años de vida de Dixebra na escena musical asturiana. Nel actu, que se cellebró nos locales que la SGAE tien n’Uvieu, tamien tuvieron presentes dellos de los músicos que participaron nestio trabayu como Maxi de Fe de Ratas, Pablo Viña y Míguel Fernandi, cantante de Skama la Rede. El cantante de Dixebra y responsable d L’Aguañaz quiso destacar el fechu de grupos que normalmente nun canten n’asturianu lo faigan nesti discu. “La llingua asturiana te convirtiendose nun elementu perfectamente válidu pa facer cualquier tipu de música. Xune Elipe quiso destacar tamien el nivel de calidá que hai nesti momentu na escena musical asturiana. “Creo que hai unes bandes mui buenes nesti momentu en tolos estilos y creo que too ello rescample nel discu, queda bien a les clares”. Asimesmo’l vocalista de Dixebra destacó la so propia satisfacción y la del restu de la banda col resultáu de les versiones. Nel discu rescampla una gran variedá d’estilos y, como señaló’l propiu Elipe, la bona salú musical d’Asturies. Prueba d’ello son les versiones de bandes rock como Fe de Ratas, Desakato, Pablo Viá, Mala Reputación, Desorden; punk como Skontra, Aprieta’l kulo o Sambre; ska (Skama la Rede); harcore (Escuela de Odio); reggae, como La Tarrancha y Chalaneru Sound System; hip-hop, cola presencia d’Arma X, Dark La eMe y K-Nalón; ellectrónica (Dani Stylo), o folk (La Bandina, Los Chiquitrinos, Dulcamara, Skanday La col.lá Propinde). 8 de febreru, 2008 0 FacebookTwitterPinterestEmail
Música Xune Elipe pide un meyor tratamientu de la música asturiana nos medios públicos by asturnet 18 d'avientu, 2007 Xune Elipe reclamó esti martes n’Uvieu, mayor presencia y mayor incidencia de la música asturiana nos medios públicos de comunación de la comunidá. “Los medios públicos tan cenciellamente pa eso, p’apoyar a la xente que ta faciendo coses equi n’Asturies”, declaró’l director de producciones musicales d’Ámbitu/L’Aguañaz, refiriendose sobre manera al tratu de la televisión pública del Principáu hacia la música fecha na rexón. El miembru de Dixebra fizo estes declaraciones nel trescursu de la presentación del Anuariu de la Música Asturiana, na se que tien la SGAE na capital asturiana. Según Elipe nun sirve de nada que la música asturiana ocupe un tantu por cientu determináu del porcentaxe de pantalla si a esta nun se-y un tratamientu correutu. Amás tamien señaló que lo que se busca cola publicación del Anuariu y de otres iniciatives ye que que la música asturiana y n’asturianu garre “normalidá”. “Dende los locales d’ensayu onde tan los grupos hasta’l púublicu hai un momentu nel que esa cadena frande ya impsibilita que los productos de música asturiana tengan incidencia nel mercáu”. Elipe repasó los conteníos del Anuariu y quiso señalar el cambiu na cabecera ya’l pasu del blancu y negru al color. En cuanto a conteníos l’anuariu trae artículos de Xose Miguel Suárez Fernández, Adolfo Camilo Díaz, Flavio Rodríguez Benito, Xandru Martino Ruz o Ramón Lluis Bande. Tamien apaecerán entrevistes a Xose A. Fernández “Ambás”, Hevia, Lisardo Lombardía o Dulcamara; reportaxes sobre’l Premiu al Meyor Cantar en Llingua Asturiana 2006 y del conciertu N’Alcordanza, amás d’un repasu fondu a toles novedaes rellacionaes cola música asturiana (discos, llibros y audiovisuales) d’esti añu. El discu que acompaña al anuariu inclúi una esbilla de catorce pieces del sellu Ámbitu/L’Aguañaz y va distribuise de baldre xunto col volumen, del que se van editar 4000 copies, xunto col semanariu “Les Nocicies” del vienres 21 d’avientu en tola rexón.. 18 d'avientu, 2007 0 FacebookTwitterPinterestEmail
Música Soncai System, el nuevu grupu de Xune Elipe, yá tien discu nel mercáu by asturnet 26 d'agostu, 2007 Apocayá estrenaren la descarga dun cantar de baldre del so nuevu discu y agora yá ye posible mercar el discu enteru nes tiendes del país. Tamos falando del primer discu del nuevu grupu de Xune Elipe y el productor Sergio Rodríguez, Clashturies. Nel discu apaecen artistes especializaos nestilos que van dende’l reggae al hip hop, pasando pel folk y la lletrónica. Xente como Delfo Valdés y Vito Álvarez de La Tarrancha, Mario Fueyo Dark la eMe, Aique de Chalaneru Sound System, Javier Tejedor, Rubén Bada de DRD, Eladio Díaz y Jorge Cambareli tamién de Dixebra, amás de los disc jokeys Dani Stylo y Dj pimp. Cola llingua asturiana como idioma principar del discu, colo que los miembros del grupu quieren amosar a les clares les sos posibilidaes espresives del asturianu y el so apueste dusalu como vehículu de comunicación modernu y amañosu pa la mocedá urbano. Descarga’l cantar de baldre 26 d'agostu, 2007 0 FacebookTwitterPinterestEmail
Sociedá Déxanos l’artesanu y poeta Felipe Prieto by asturnet 29 de xunetu, 2014 Ún de los más populares escritores y artesanos de la transición n’Asturies, Felipe Prieto, que tenía una pernomada tienda d’artesanía nel centru d’Uviéu, fallecía esti martes 29 de xunu. La so obra de referencia ye “Esbilla”, espublizada en 1980, recoyendo la so granible producción poética de los años 1968, 1976 y 1979. Prieto yera amás miembru correspondiente de l’Academia de la Llingua Asturiana dende los sos entamos, pero non el so fundador como espardieron esti martes pela mañana dellos medios de comunicación. Ente otres asociaciones, Iniciativa pol Asturianu lamentaba esta tarde, “no más fonderu la noticia sobre la muerte de Felipe Prieto (Zamora, 1941-Uviéu, 2014), escritor n’asturianu con una obra curtia asoleyada pero d’abonda calidá”. N’Iniciativa pol Asturianu queríen “da-y el nuesu pésame a la so familia y aprovechar pa reconocer la importancia de la obra pa la modernización de la lliteratura na nuesa llingua, como parte del movimientu del Surdimientu, yá que yá nos años sesenta escribió les sos primeres obres, onde afondaba en temes non trataos hasta’l momentu na poesía asturiana”. Enfotu al qu’esti mediu digital tamién se xune. El Mundu Poéticu de Felipe Prieto en “Lletres Asturianes” 29 de xunetu, 2014 0 FacebookTwitterPinterestEmail
Sociedá La Llibrería Bertrand alderica sobre Lasturianu que vien con DAndrés, Conde y Elipe by asturnet 4 de mayu, 2009 La Llibrería Bertrand dUviéu, asitiada nel centru comercial Espaciu Buenavista, va acoyer güei, a partir de les ocho la tarde, una mesa redonda que va sirvir pa la presentación del llibru «Lasturianu que vien» y pal alderique sobrel tema de la publicación, asoleyada apocayá por Ámbitu. Na mesa del actu van tar Francisco Javier Fernández Conde, Ramón dAndrés, autor del llibru y Xune Elipe, cola moderación de Henrique G. Facuriella. 4 de mayu, 2009 0 FacebookTwitterPinterestEmail
Política Los asturianistes de Podemos trazen la llínia roxa by asturnet 6 d'abril, 2015 Como ya venía sintíendose dende hai selmanes, los representantes del movimientu asturianista llingüísticu integraos nel proyectu de Podemos Asturies tuvieron de dar estes vacaciones de Selmana Santa un pasu alantre y dexar bien afitao que nun van permitir un programa electoral nel que nun te la OFICIALIDÁ con toles lletres y ensin lletra pequeña. Xune Elipe ya dexara nidia la so posición hai tiempu d’abandonar la formación llegáu’l casu y vieno acabante de afitalo otra vuelta. Nuna información asoleyada esta selmana vacacional l’Axencia Europa Press falaba na so web de “distintes postures ante la reivindicación histórica de la declaración d’oficialidá de la llingua asturiana”, principalmente estremaes “ente los que prefieren someter esti puntu a votación ciudadana, como’l restu del so programa electoral, o bien los que consideren que se debe asumir como un derechu básicu”. Y recoyía declaraciones de dalgunos de los más nomaos militantes de podemos que son asturianistes nomaos y reconocíos ensin dubies al respective de la oficialidá como Xune Elipe, cantante de Dixebra, y Pablo Antón Marín Estrada, ún de los meyores escritores de nueso y candidatu nel conceyu Xixón. Xune Elipe ya deciera formar parte del equipu de Somos Asturies y de la llista electoral de Podemos Avilés coles condiciones de que Podemos Asturies nun fuera una delegación madrilana y que nun se discutiera la reconocencia oficial de la llingua asturiana ensin ambigüedaes de dengún tipu nel programa electoral. Xustamente lo qu’agora dalgunos candidatos de Podemos tan entamando a plantegar cola fin d’apartar la oficialidá del programa o dexalo arrequexao como una propuesta a debatir. Queda perpocu tiempu pa pesllar el programa y la non inclusión de la oficialidá podría pasar muncha factura a Podemos Asturies, que tien nel asturianismu una bona parte de la escasa cadarma organizativa cola que cunta. 6 d'abril, 2015 0 FacebookTwitterPinterestEmail
ConceyosMúsica Llaboral Ciudá de la Cultura acueye la Gala del XIV Premiu Camaretá al Meyor Cantar n’asturianu by redacción asturnews 16 d'ochobre, 2022 Llaboral Ciudá de la Cultura acueye, esti sábadu 22 d’ochobre a les 22 hores, la Gala final del XIV Premiu Camaretá al Meyor Cantar n’asturianu que convoca la Conseyería de Cultura, Política Llingüística y Turismu. Siguir lleendo 16 d'ochobre, 2022 0 FacebookTwitterPinterestEmail
Lliteratura Gonzalo González Barreñada ufre un Alcuentru poéticu nel Palaciu de Valdecarzana by asturnet 20 d'avientu, 2021 El circuitu lliterariu ‘Autores nel camín’, pol que puxa la Conseyería de Cultura, Política Llingüística y Turismu, al traviés de la direición Xeneral de Política Llingüística, y que lu protagonicen escritores ganadores de los premios en llingua asturiana, llega otra vegada más a Avilés. Siguir lleendo 20 d'avientu, 2021 0 FacebookTwitterPinterestEmail