Cine Presentáu nel Cine Felgueroso de Sama’l documental Xuacu Amieva, onde l`agua ñaz by asturnet 12 d'abril, 2011 Esti llunes 11 dabril, a les 11,30 hores, el Cine Felgueroso de Sama acoyó la presentación oficial del documental Xuacu Amieva, onde l`agua ñaz. Nelli faise un percorríu pela trayectoria musical y vital desti gran gaiteru y multiinstrumentista, referente de la música asturiana dende los años 80 El documental, nel que collabora lAyuntamientu de Llangréu, descúbrenos canciones y paisaxes al traviés de personaxes como Carlos Núñez, José Manuel Tejedor, Fred Morrison, Ll.umerinos de Ll.umés, Alberto Fdez Velasco o Lisardo Lombardía. Esti trabayu grabóse nos conceyos de Casu, Cabrales, Llanes, Xixón y Llangréu y desenvolvieron la so realización Tumismocine y alumnos y alumnes del CISLAN. 12 d'abril, 2011 0 FacebookTwitterPinterestEmail
Música La Nueche Folk de Soto Rei trai a Doolin y los Tejedor by asturnet 26 de mayu, 2009 Esti prósimu sábadu 29 de mayu, a partir de les 23 hores, va celebrase una nueva edición de la Nueche Folk de Soto Rei, con un cartelu que tien a Tejedor y a los franceses Doolin como llamáu d’un festexu nel que la organización pon chigre y carpa pa garantizar el conciertu nel casu que lloviere. El grupu bretón Doolin actúa per primera vegada n’Asturies, ufriendo esa música irlandesa con aire bretón que lleven asoleyando dende 2005 n’actuaciones como la que davezu pudo vese l’añu pasáu en dellos pubs de Lorient a lo llargu del festival. 26 de mayu, 2009 0 FacebookTwitterPinterestEmail
Música El Teatru Filarmónica acueye la entrega d’una nueva edición de los premios AMAS by asturnet 29 de febreru, 2008 El Teatru Filarmónica d’Uvieu va acoyer esti vienres 29 de febreru la entrega de los premios “AMAS 2008” a los meyores artistes del panorama musical asturianu. La gala va entamar de magar les 21:00 hores y na mesma van participar les bandes Alto Volto y Tejedor pa pone-y l’acompañamientu musical con dos actuaciones en directu. Al actu van asistir, amás de representantes de la escena musica y cultural asturiana; Jose Suárez Arias-Cachero, Conceyal Delegáu de Cultura y presidente de la Sociedá Ovetense de Festeyos; Consuelo Vega, de la Conseyería de Cultura y Turismu y Javier Vidal de la SGAE. 29 de febreru, 2008 0 FacebookTwitterPinterestEmail
Escéniques La Tejedora de Sueños ufren tres sesiones de títeres n’Uviéu, Xixón y Mieres by asturnet 1 de febreru, 2008 Dientro de la variada programación teatral que Cajastur ufierta n’Asturies durante tol añu tamien hai sitiu pa poner n’escena propuestes dedicaes a los más pequeños. Buena prueba d’ello ye’l plan pa esti fin de selmana nos centros culturales d’Uvieu, Xixón y Mieres con una nueva representación de la esitosa obra de títeres “Despierta, costurerita” de Mayra Fernández al cargu de la compañía La Tejedora de Sueños. Los pases entamen el vienres 1 a les 19:00 nel Centru Cultural Cajastur d’Uvieu (San Francisco, 4), van siguir el sábadu 2 en Xixón, na Colexata de San Xuan Bautista a les 17:00 y a les 19:00 y finen el domingu en Mieres (Jerónimo Ibrán) a les 18:00. 1 de febreru, 2008 0 FacebookTwitterPinterestEmail
Lorient 2007 Tejedor triunfa en Lorient con un espectáculu sinceru y efectivu by asturnet 7 d'agostu, 2007 El Palacio de Congresos de Lorient enllenose a reventar pa aplaudir a Tejedor na que yera la so segunda actuación en Lorient 2007 depués de sorprender al públicu qu’acudió al conciertu de Sinead O’Connor el vienres, onde actuaron de teloneros. Tejedor algamó un espectáculu cenciellu pero efectivu que cuntó cola collaboración del grupu de pandereteres Dulcamara. Eva, Javi y Jose Manuel tienen d’ufrir nesta nueche del martes el so caberu conciertu nel Festival de Lorient. El dominugu, xunta Sinead O’Connor, Tejedor ya amuesó’l bon momentu creativu ya interpretativu que viven los tres hermanos d’Avilés y dexó bien nidio que s’alcuentra afayáu tanto con públicos modernos como más tradicionales. Pero esta nueche del llunes afitó’l por qué les coses-y van tan bien al grupu: execuciones escelentes, un repertoriu tan equilibráu como afayadizu, una bona puesta na escena y amás una interpretación honrada y modesta. Con Eva marcando la llínia de la perfeición cola so voz y l’aliendu más simpáticu, Javi y tejedor amuesaron un virtuosismu propiu del maxisteriu qu’a la gaita tien el mayor de los hermanos y que en Lorient rubricó con un floreáu que llevantó al públicu de los asientos. El espectáuculu tuvo un añadíu qu’ameyoró abondo la interpretación de dellos temes col grupu de pandereteres Dulcamara, que-y fizo los coros a Eva Tejedor en dellos cancios. 7 d'agostu, 2007 0 FacebookTwitterPinterestEmail
Música Tejedor sal de xira esti branu col so discu nuevu Música na maleta by asturnet 14 de mayu, 2007 Redacción. El discu ‘Música na maleta’ va percorrer los escenarios de tol mundiu a lo llargo d’esti branu. El grupu folk ‘Tejedor’ va llevar la música compuesta polos hermanos Jose Manuel y Javier Tejedor a tolos requexos del mundiu. El discu ta dedicáu a la memoria d’Ígor Medio y Carlos Redondo, los miembros del grupu ‘Felpeyu’ fallecíos el branu pasáu. El primer conciertu va ser esti vienres 18 na Feria de L’Ascensión d’Uvieu, pa llegar el sábadu a ‘Tolo d’Asturies’, festival que se celebra en Llangreu. Nel mes de xunu, el día 9, van tocar na fiesta de Santa Olaya, en Morcín. El 22 van participar nel homenaxe na Playa Poniente n’alcordanza d’Ígor Medio y Carlos Redondo. Pa terminar el mes na Nueche de San Xuan, nel Antiguu Estadiu Grandiella, en Nava y el sábadu 30 na Nueche Folk de Fitoria. Los meses braniegos de xunetu, agostu y setiembre van siguir con conciertos nel Festival de Lorient en Francia, Llanes, Tapia de Casariego, Cantabria, Huesca, Madrid, Chicago y munchos otros llugares. 14 de mayu, 2007 0 FacebookTwitterPinterestEmail
Música Tejedor y Corquiéu viaxen al Festival Celtic Conncections de Glasgow by asturnet 23 de xineru, 2007 Corquiéu y Tejedor,Dos de los grupos más internacionales del folk asturianu participarán nel Festival Celtic Connections qu’añalmente se cellebra en Glasgow. El Celtic Connections ye consideráu por munchos el mayor festival de la música celta del mundu. La edición de 2007 entamó ‘l pasáu 17 de xineru y va acabar el 4 de febreru, momentu nel que pelos escenarios del festival pasaren más de 180 actuaciones. Corquiéu entamará los conciertos el día 25 de xineru xunta a la banda Four Men & a Dog, el conciertu será grabáu pola BBC. El domingu 28 van compartir escenariu con Roy Campbell. Corquiéu formóse en 1997 cola xuntura de cinco músicos ribeseyanos. La so presentación discográfica fízose nel discu “Nuevu Folk asturianu, volume 5” editáu nel añu 2000 pola Discográfica L’Aguañaz; esti discu yera compartíu con otros grupos de recién creación de la escena folk asturiana. Al añu siguiente publicaríen, tamién con L’Aguañaz el so primer discu en solitariu tituláu La Barquera. Depués d’esti trabayu participaríen en dellos discos colectivos hasta llegar a 2005, cuando volveríen a los estudios pa grabar Salia, esta vegada con Tierra Discos. Corquiéu ye anguaño una de les bandes del folk asturianu con más presencia, y calidá, nos directos. Depués de pasar per Glasgow los de Corquiéu empobinarán camín de Bélxica pa depués salir a facer les amériques. Corquiéu acaba de ser convidada a participar nuna minixira pelos Estaos Xuníos que los podría tener alredor de 15 díes tocando pel país americanu, dalgo que na música asturiana sólo fizo Llan de Cubel. Pela so parte los hermanos Tejedor, que vienen de llenar el Teatru Campoamor d’Uviéu y de lliderar les llistes de ventes de discos asturianes, van entamar la so participación nel Celtic Connections mañana 23 de xineru con un conciertu, que va tar retransmitíu pola BBC4, nel que fadrán la presentación de “Música na Maleta”. El 24 de xineru volverán a les tables xunta a Finlay MacDonal. El domingu 26 de xineru José Manuel Tejedor participará nel homenaxe a Gordon Duncan xunta a músicos como Paddy Keenan, Allan McDonald, Ross Ainslie o Jarlath Henderson. Los Hermanos Tejedor entamaron el so llabor nos estudios col trabayu Texedores de Suaños, 1999. En 2003 sacaríen Llunáticos pa yá en 2006 asoleyar Música na Maleta. José Manuel y Javier Tejedor ganaron el troféu MacLlan, el más prestixosu del mundu, en delles ocasiones. Eva Tejedor ye parte del colectivu Muyeres xunta al que grabaría dos discos. Ente les collaboraciones del grupu tán les feches xunta a Davy Spillane, Carlos Nuñez, Kepa Junkera, Phil Cunninham o la fadista portuguesa Dulce Pontes. Emisión en llinia del Festival Celtic Connections 23 de xineru, 2007 0 FacebookTwitterPinterestEmail
Música Tejedor pieslla mañana’l ciclu de Música con Raíces con un conciertu llenu de collaboraciones especiales by asturnet 3 d'agostu, 2006 El grupu asturianu Tejedor va echar el pieslle esti sábadu al ciclu de Música con Raíces qu’organiza’l Xardín Botánicu de Xixón, nun conciertu mui especial nel que van tar acompañaos por dalgunos de los artistes más interesantes de la escena folk nacional, internacional y, por supuesto, asturiana. Asina, nel conciertu que tendrá llugar esti sábadu día 5 d’agostu, a partir de les diez y media la nueche, la formación habitual de Tejedor va tocar xunta’l grupu de pandereteres gallegues Faltriqueira, los Txalapartaris Joan Garmendia ya Iñaki Plaza, l’irlandes Niall Valley, asina como la Banda de Gaites Tabladar y una pareya de baille, ente otros. Tejedor, que los prósimos díes 10 y 11 va participar nel festival Piping Live de Glasgow (Escocia), lleva grabando estos eses en dalgunos estudios d’Euskadi y Asturies el que va ser el so tercer discu d’estudiu, que va sali a la cai a finales d’añu. Tejedor ta formáu polos hermanos Jose Manuel Tejedor (gaita asturiana y flautes), Javier Tejedor (curdión, percusión, gaita y flauta) y Eva Tejedor (voz y percusión); asina como por Ramón G. Morán (teclaos), Horacio A. García (contrabaxu), Jesús Castro (batería), Ruben Alba (guitarra) y Alberto Ablanedo (bouzouki). 3 d'agostu, 2006 0 FacebookTwitterPinterestEmail
Música La Bandina’l Tombu y Tejedor ponen música a les fiestes de Llantero by asturnet 4 de xunetu, 2006 El prósimu sábadu día 8 de xunetu, a partir de les once la nueche, les tradicionales fiestes de Llantero en L’Entregu (Samartín del Rei Aurelio) van celebrar una nueche dedicada a la música folk fecho n’Asturies, que va tener como protagonistes a La Bandina’l Tombu, colos sones más tradicionales, y a los internacionales hermanos Tejedor. La Bandina’l Tombu ye una formación que recupera l’estilu de música popular de les antigües bandines tradicionales qu’amenizaben les fiestes de los pueblos asturianos. Xiringüelos, saltones, fangandos, xotes y muñeires que van abrir la nueche de folk entreguina de la mano de músicos de prestixu como Pepín de Muñalen, Dolfu Fernández y Marga Lorences, ente otros. Pela so parte, los hermanos Tejedor tán anguaño trabayando na preproducción del so tercer discu d’estudiu, tres del conocíu Llunáticos, pal que tienen previsto que vea la lluz a finales d’esti añu. El grupu ta formáu por Jose Manuel Tejedor, encargáu de les flautes y les gaites, Javier Tejedor, al curdión diatónicu, caxa, percusión, gaita y flauta, y Eva Tejedor, que pon la voz y les percusiones a esta banda de reconocimientu internacional. 4 de xunetu, 2006 0 FacebookTwitterPinterestEmail
Música Tejedor cumple diez años nos escenarios by asturnet 24 d'agostu, 2005 El grupu avilesín ‘Tejedor’ fairá un repasu de los sos diez años d’esistencia nel conciertu que va dar la nueche del Día d’Asturies en Pravia. Xunta los hermanos Jose Manuel, Javier y Eva Tejedor van tocar músicos de la talla del gaiteru Carlos Núñez, Oreka Tx y l’escoces Phil Cunningham. Pravia celebra les sos fiestes locales ente los díes 2 y 8 de setiembre, axuntando tamien los festeyos propios del Día d’Asturies. A parte de los hermanos Tejedor, Victor Manuel y Ana Belen van tocar el día 7 na plaza del Conde Guadalorce de la villa, con cantantes como Anabel Santigo nel espectáculu homenaxe al compositor asturianu Eduardo Martínez Torner. Amás de la música, Pravia va ofrecer a los visitantes un mercáu astur, una feria de productos asturianos, representaciones teatrales y el XLIII Descensu del ríu Narcea na so celebración del Día d’Asturies. 24 d'agostu, 2005 0 FacebookTwitterPinterestEmail