Música Nava celebra’l I Congresu Internacional de la Gaita con músicos del país, Galicia, Bretaña ya Irlanda by asturnet 22 de xunu, 2005 El I Congresu Internacional de la Gaita escomienza esti viernes 24 nel Muséu de la Sidra de Nava y va valir a lo llargo de dos díes como puntu d’alcuentru de gaiteros y especialistes del país y d’otros países como Galicia, Bretaña ya Irlanda. Nél amás del debate de les ponencies del congresu y de les respectives meses redondes, va haber amueses práctiques y en vivo de música tradicional, nes que la gaita va ser l’instrumentu protagonista. La Banda de Gaites “La Raitana” de Nava, que dirixe Flavio de Benito, ye la organizadora d’esti congresu. La primer xornada del alcuentu va debatir na tarde d’esti viernes 24, dende les 17.00 hores, alrodiu del presente y el futuru de les bandes de gaites d’Asturies y alrodiu de los concursos destinao a esti tipu d’agrupaciones musicales. Nesti primer debate, moderáu pol director del Muséu de la Gaita de Xixón, Alfonso Fernández van intervenir Flavio Rodríguez Benito; Cándido García, director de la Banda de Gaitas Zuncurrundullo de Galicia; Luis Carlos Vecino, espertu n’actividaes turísticu-culturales; Michael Murphy, director de la banda irlandesa Carrigaline Pipe Band; y un representante de la bretona Bagad de la Kevreen-Arlé. A les 19.30 nel mesmu Muséu la Sidra, va haber una amuesa de gaiteros mayores cola participación de los maestros Luis Montes, Eduardo “El Gaiteru Miyares” y Pepe “El Gaiteru Veriña”. Pela nueche, a les 22.00 hores na Plaza de Manuel Uría entama una nueche folk coles actuaciones del irlandés Michael Murphy, la Banda de Gaites La Raitana, la banda gallega Zuncurrundullo, la Bagad Kevreen-Arlé, La Bandina y Felpeyu. El sábadu 25 a les 10 de la mañana sigue’l congresu internacional cola presentación y debate de ponencies de los músicos Santi Caleya, Manuel Cordero, Manuel Durán, Gustavo Eguren, Alberto Fernández, Pedro Pangua, Martín Poladura, José Manuel Tejedor, Javier Tejedor, Xuan Rodríguez y Flavio Rodríguez. Pela tarde les bandes de gaites participantes nestes xornaes desfilen peles cais de Nava y a les 20.15 na Plaza Manuel Uría ufierten un conciertu nel “Memorial Jairo García Iglesias”. 22 de xunu, 2005 0 FacebookTwitterPinterestEmail
Sociedá El director del Desfile de San Patriciu de Nueva York visita Asturies invitáu pol gobiernu del Principáu by asturnet 20 de xunu, 2005 El manaxer xeneral de la organización del Día de San Patriciu en Nueva York, John T. Dunleavy, llega güei a Uviéu invitáu pol gobiernu del Principáu a una visita na que’l director de la Gran Parada va tener ocasión de conocer diverses manifestaciones de la cultura popular asturiana. Dunleavy, correspuende asina al brinde que la delegación del gobiernu autonómicu-y fizo en Nueva York pa visitar la nuestra comunidá. El cabezaleru del Desfile de San Patriciu va aprovechar la so visita pa entrega-yos a les Bandes de Gaites de Corvera y Lluanco el premiu al meyor conxuntu estranxeru de la última Parada John T. Dunleavy va asistir na tarde d’esti martes 21 a una espicha de confraternización nun llagar de Tiñana onde va alcontrase col conseyeru de Xusticia y Esteriores Francisco José García Valledor. Mañana el mánayer del San Patriciu niuyorquín va visitar la Xunta Xeneral onde lu va recibir la presidenta del parlamentu María Jesús Fernández y pela tarde entregará’l premiu a les bandes de gaites asturianes nun actu nel Palaciu del Marqués de Camposagrado n’Avilés. El xueves, Dunleavy viaxa hasta Cuadonga y darréu visitará’l Dolmen y la capiella de Santa Cruz en Cangues d’Onís. Pela nueche tien una cena organizada nel llagar Tierra Astur de Cualloto na que van acompañalu amás del conseyeru Valledor y del director xeneral de Política Llingüística y Promoción Cultural, Carlos Madera, músicos y miembros de colectivos culturale asturianos, como la cantante Annabel Santiago, el gaiteru Bras Rodrigo, y el colectivu Belenos. A medianueche, el director del desfile de San Patriciu, va poder asistir a la Foguera de San Xuan na Plaza la Catedral, y a l’actuación de la compañía de teatru “Margen” y del grupu Tejedor. El programa de la visita de John Dunleavy a Asturies complétase el viernes 24 con una visita al Muséu de la Gaita de Xixón y al Festival Internacional de Gaita de Nava, onde actúa el músicu irlandés Michael Murphy, director de la Banda de Gaites Carrigaline Pipe Band. El sábadu Dunleavy va asistir al Festival de la Oveya Xalda d’Argüeru (Villaviciosa) y el domingu, remata la so visita a Asturies con un paséu pela catedral d’Uviéu y la Cámara Santa. 20 de xunu, 2005 0 FacebookTwitterPinterestEmail
Lliteratura Entama la X Selmana de la Xuventú en Turón by asturnet 15 de mayu, 2005 Güei, a les ocho la tarde, va inagurase oficialmente la X Selmana de la Xuventú qu’organiza dende hai diez años la Plataforma Xuvenil de Turón y que va durar hasta’l 22 de mayu. Un ciclu de cortos fechos nel valle del Caudal, conciertos de música asturiana, presentaciones de llibros y diverses meses reondes, completen un programa que nun va defraudar a naide. Entama asina destamiente una de les les cites imprescindibles cola cultura más viva de les cuenques mineres y entamada por una plataforma moza, dende la independencia y la so inquietú pol futuru de los xóvenes de la zona. El martes 17, nel Ateneu de Turón, y cola intención de sirvir de plataforma pa dar a conocer los trabayos de la realizadores más mozos, va presentase un ciclu col títulu “Ata2 en corto”. Nelli van proyectase “El beso de la tierra”, basada nel guión orixinal de Lucinda Torre y que percuerre los paisaxes de la cuenca minera del Nalón; “A la cola”, de los realizadores llangreanos Adrián Castañeda y David Goberna”; y “Nenyure”, del mierense Jorge Rivero. Ésti últimu cortu, premiáu nel Festival de Cine de Xixón nel galardón a los nuevos realizadores, será asina presentáu oficialmente nel valle nel que se rodó. El miercoles 18 de mayu fairase una mesa reonda de máxima actualidá pa la mocedá de les cuenques, que lleva por títulu: “La situación llaboral de los xóvenes ¿precariedá o ficción?”. Nella participarán tres espertos de reconocíu prestixu, como son el maxistráu del Tribunal Superior de Xusticia, Jose Manuel Buján, el profesor d’Economía de la Universidá d’Uvieu, Florentino Felgueroso, y el director xerente de la Ciudá Tecnolóxica Valnalón, Jose Manuel Perez Díaz, “Pericles”. Esti debate complementase col del día siguiente, día 19, que se titula “Xóvenes de les dos cuenques, ¿un futuru común, un futuru posible?” que va ser moderáu pol director de la Fundación Emilio Barbón, Tomás Fernández Antuña. Al actu va invitase a dos mozos de cada valle, y amás cunta cola participación del alcade de Mieres, Luis María García, col historiador Manuel Jesús López, Lito, col presidentez de la Plataforma Xuvenil, Pablo Prieto, y col periodista Jose Luis Argüelles. Con motivu d’esti alderique va emitise un programa especial sobre’l valle de Turón, “En defensa de la verdad”, de Radio Parpayuela. El vienres, día 20, nel Ateneu de Turón va facese presentación del segundu númberu de la revista “Eventual”, por parte del so director, Mauro Díaz. Al actu tán invitaos los collaboradores d’esti exemplar, Pablo Texón Castañón, Nel Amaro, Miguel Barrero, Xandru Fernández y Ricardo Menendez Salmón. Tres de la mesa, el cantautor turones autor del disco “Vida de alquiler”, Alfredo González, dará un conciertu. Y a les once de la nueche, nel Parque, tendrá llugar ún de los conciertos más esperaos. Nel van actuar la Banda Gaites Villa de Mieres, La Col.lá Propinde, Skanda, Dixebra, Tejedor y Nuberu. La Fundación Perruno-Situacionista “Laszlo Kóvacs” fadrá un recital de poesía en acción na Casa la Xuventú, el vienres a les 7 la tarde, que lleva por títulu “Españoleando”. A les diez y media van ser “Vuelta abajo”, “Versión 2.0”, “Lakra”, “Al pie de la letra” y “Dark la eMe” los qu’animarán la nueche mierense. Nel domingu, últimu día de la Selmana Xuvenil, los Renault 5 Turbo concentraránse en La Veguina, na segunda Concentración Tuning. Y como colofón a toos estos actos, a les siete la tarde fadráse’l segundu Alcuentru de Bandes de Gaites d’Asturies nel Parque. Fútbol sala, campeonatos de Playstation, talleres de xardinería y cuero, ping – pong y balonmano femenín, son dalgunes de les otres actividaes que completen el programa del decimu aniversariu de la Selmana de la Xuventú de Turón. 15 de mayu, 2005 0 FacebookTwitterPinterestEmail
Galerías 2008/2014 L’Academia propunxo un gran pautu social nel discursu del Día de les Lletres by asturnet 9 de mayu, 2005 9 de mayu, 2005 0 FacebookTwitterPinterestEmail
Sociedá L’Academia propón entamar un gran pautu pola llingua by asturnet 6 de mayu, 2005 La presidenta de l’Academia de la Llingua Asturiana, Ana Cano González, aprovechó el so discursu institucional del Día les Lletres pa proponer un gran pautu con implicación de tolos axentes sociales de la nuestra comunidá pal afitamientu d’una política xeneral comprometía cola llingua y la cultura asturianes en toles estayes de la vida pública. Cano criticó severamente les estratexes de promoción del asturianu desenvueltes pol Gobiernu’l Principáu y recalcó la necesidá de reconocer dafechu el calter oficial del asturianu nel Estatutu. Vistida col traxe tradicional del Occidente, la presidenta de la institución llingüística, tres acoyer a los nuevos académicos: Marta Mori y Xoaquín Iglesias, repasó la situación de la llingua asturiana dende l’últimu Día de les Lletres. Resaltó los avances positivos que significaran fechos como la inscripción nel Rexistru Mercantil d’una empresa cola documentación presentada namás na nuestra llingua, el conveniu recién soscritu ente’l Conceyu d’Uviéu y l’Academia, y congracióse del premiu al meyor cantar n’asturianu recibíu pol músicu Chus Pedro Fernández. Darréu, Ana Cano, foi enumerando les principales dificultaes coles que se vieno atopando l’asturianu en diferentes estayes sociales, faciendo una remembranza específica a los problemes en tolos niveles de la enseñanza. Respective a les estorbises puestes a la titulación de Filoloxía Asturiana, la presidenta de l’Academia afirmó que “nun ye en Madrid onde tán los que más s’oponen, tan equí, n’Asturies” y llamentó “les vegaes nes que m’atopé sola, dafechu sola defendiendo la titulación ensin recibir dalu respaldu polos qu’habíen dalu dende Asturies”. Les acciones entamaes pola Conseyería de Cultura en materia llingüística foron sobremanera criticaes y refugaes por Cano nel so discursu institucional: “falen de planes de normalización, pero nun hai normalización posible ensin la reconocencia de la oficialidá y esa reconocencia nun apaez per dayures el nomáu Plan de Normalización Social”. Pa la presidenta de la másima institución llingüística asturiana les cifres presupuestaries que se contemplen pa executar les diverses acciones del Plan de Cultura “nun se correspuenden cola realidá, ye una engañifa dicir que s’aumenten eses dotaciones coles cifres que se ficieron públiques”. Un capítulu especial meritó l’enfrentamientu que caltién l’Academia cola Conseyería de Cultura a cuentu de la Xunta Asesora de Toponimia: “talo denunciémos na presentación del Mapa Toponímicu apocayá, hai un tentu de querer suplantar les funciones asignaes llegalmente a l’Academia y de querer nega-y l’autoridá llingüística que-y ufierta la Llei d’Academies del Principáu, y toles disposiciones esistentes al respective”. En repitíes ocasiones Ana Cano recalcó la necesidá irrefugable de que la prósima reforma estatutaria recueya la cooficialidá pa la llingua asturiana y pal gallegu-asturianu, encamentando a los partíos políticos representaos na Xunta Xeneral a “facer de só un deséu de la sociedá asturiana que reflexen toes les encuestes”. El platu fuerte del discursu de les Lletres dexólu Ana Cano pa la parte final de la so intervención y consistió na propuesta entamada pola Academia de la Llingua pa consiguir “un gran pautu social, a semeyanza d’otros ya fechos” nel que tolos axentes públicos d’Asturies soscribieran un compromisu materializable pa la normalización del asturianu en tolos niveles de la sociedá, l’administración y la enseñanza. Esti alcuerdu espardiríase tamién a la promoción y caltenimientu de la cultura asturiana en tolos ámbitos sociales. Ana Cano, ofrecióse personalmente, na so calidá de presidenta de la másima institución llingüística d’Asturies, pa facer el papel de “moderadora” si asina lo consideraran los axentes implicaos nesi futuru pautu pola llingua y la cultura del país. La propuesta de l’Academia pa liderar un gran pautu social pa la supervivencia y normalización de los elementos cimeros de la identidá cultural asturiana yera la sorpresa del discursu institucional de les Lletres que s’esperaba énte les estremaes situaciones conflictives que tien protagonizao esta institución, como garante de los drechos llingüísticos de los asturianos, especialmente coles autoridaes culturales del executivu asturianu. Enantes, l’Academia, aconceyada en xunta pública estraordinaria acoyera a los sos nuevos miembros: Xoaquín Iglesias, como académicu de númberu, y Marta Mori, como académica correspondiente. Iglesias nel so discursu d’ingresu na institución esplayóse alrodiu los problemes principales colos que s’enfrenta la llingua asturiana anguañu, sobretoo los que cinquen al mundu de la enseñanza. Mori, pel so llau, quiso centrar el so discursu nuna reflesión en defensa del “amestao”, como forma de pervivencia del idioma n’estayes de la sociedá asturiana onde la nuestra llingua fuera desplazada pol castellanu: “Yo nun provengo del mundu rural, criéme nun ambiente urbanu y amecigayáu como’l de los barrios de Xixón onde l’amestáu yera la fala corriente”. L’actu de les Lletres cuntó cola presencia del gaiteru José Manuel Tejedor p’abrir y pesllar la xunta pública de l’Academia, y acabante’l discursu institucional d’Ana Cano, los periodistes Sonia Avellaneda y Próspero Morán, vistíos de rigor col traxe tradicional, dieron llectura a dellos de los poemes espublizaos nel númberu monográficu de la revista “Lletres asturianes”, dedicáu añalmente a los creadores na nuestra llingua. L’actuación del grupu Lliberdón, a la que se xuntaron Xune de Dixebra y el cantaor Horacio Huerta, punxo remate al actu del Campoamor, que remató colos sones del “Asturies patria quería”, interpretaos pol gaiteru Tejedor y conseñes en favor de la oficialidá pol numberosu públicu qu’abarrotaba’l coliséu uvieín. 6 de mayu, 2005 0 FacebookTwitterPinterestEmail
Sociedá L’Academia celebra ‘l día les lletres col acoyimientu de Marta Mori y Xosé Ramón Iglesias como nuevos miembros by asturnet 5 de mayu, 2005 L’Academia de la Llingua Asturiana acueye esta tarde a dos nuevos miembros: Marta Mori d’Arriba y Xosé Ramón Iglesias. Va facelo nel ya tradicional actu y xunta pública del Teatru Campoamor d’Uviéu nel día de celebración de Les Lletres. Arriendes l’acoyida de los nuevos académicos la presidenta de l’Academia, Ana Cano, pronunciará el so discursu institucional dando repasu a la situación de la nuestra llingua dende la celebración del últimu Día les Lletres. L’Academia tien pidío a la xente remembrar esti día usando’l traxe tradicional asturianu. El gaiteru José Manuel Tejedor abrirá el solemne actu del Campoamor y darréu acoyeráse a la nueva académica correspondiente, Marta Mori d’Arriba y al so discursu d’ingresu na institución llingüística. De siguío será’l so compañeru d’ingresu n’Academia, Xosé Ramón Iglesias, nuevu miembru de númberu el que la siga coles sos palabres d’entrada a la institución. La presidenta de l’Academia, Ana Cano, dará l’acoyida oficial a los nuevos miembros col so discursu nel que s’espera, como vien siendo vezu, una valoración de los pasos daos en materia llingüística poles instituciones asturianes y de la situación de la nuestra llingua nel ámbitu académicu. Una llectura de poemes publicaos nel últimu “Lletres Asturianes” y l’actuación del grupu de folk Lliberdón, pondrán remate al actu del Campoamor. 5 de mayu, 2005 0 FacebookTwitterPinterestEmail
Sociedá L’actu del Día de les Lletres fairáse’l 6 de mayu nel Campoamor con delles novedaes by asturnet 15 d'abril, 2005 L’Academia de la Llingua Asturiana ta acabante de dar anuncia qu’esti añu l’actu oficial del Día de les Lletres Asturianes fairáse’l día 6 de mayu, vienres, a les 20 hores nel Teatru Campoamo, con delles ya importantes novedaes con respeutu a les ediciones anteriores. Na solemne sesión académica, van tomar posesión como nuevos miembros de l’Academia Xosé Ramón Iglesias Cueva (académicu de númberu) y Marta Mori d’Arriba (académica correspondiente). Arriendes del discursu institucional de la Presidenta de l’Academia de la Llingua Asturiana, habrá una actuación musical na que participarán el gaiteru José Manuel Tejedor y el grupu folk Lliberdón. Y llueu del actu académicu, habrá una espicha, abierta a la participación de tola xente, nel Restaurante La Gruta, con bailles y música asturiana. La gran novedá d’esti añu ye qu’amás de lo anterior, nel actu académicu fadráse un homenaxe al traxe asturianu del país, polo que s’encamienta darréu d’ello a los asistentes que, na midida de les sos posibilidaes, lleven traxe asturianu como simbolización del so copromisu cola cultura d’Asturies. El Día de les Lletres que celebra l’Academia de la Llingua Asturiana nun ye la única celebración nesa primera selmana de mayu alrodiu de la llingua y la lliteratura de nueso. Tolos años nesa selmana, la Conseyería de Cultura desendolca tamién una programación que lleva por nome Selmana de les Lletres y que davezu se dedica a destacar a un escritor n’asturianu. Pero la edición d’esti añu, la XXVI edición de la Selmana de les Lletres va tar dedicada non a un escritor sino a tola poesía asturiana contemporánea dando asina esti añu un nuevu xiru col fin de proyectar na sociedá la lliteratura qu’anguaño s’escribe y remebrar el valor d’unos autores que tan construyendo dende los primeros años del Surdimientu un mundu referencial pal futuru del idioma. Como amuesa del calter universal y afayáu al so tiempu de les actuales lletres asturianes dos de los poetes más importantes d’Europa, Seamus Heaney y Luis García Montero, participen nos actos organizaos pola Conseyería de Cultura na primer selmana de mayu. Después de venticinco ediciones dedicaes a l’alcordanza y homenaxe d’autores antiguos en llingua asturiana (cola escepción de les dos ocasiones nes que se dedicó a escritores contemporáneos fallecíos: Llorienzu Novo Mier y Andrés Solar), Cultura y Política Llingüística quieren dar un nuevu xiru a esta celebración aprovechando esta cita añal coles nuestres lletres pa difundir ente la sociedá l’interés de la lliteratura qu’anguaño se ta escribiendo y publicando n’Asturies. La calidá de los autores de poesía ye una amuesa del valor que presenten les lletres actuales y a ellos ta dedicada esta XVI Selmana embaxo’l títutu ‘Poesía en Movimientu’. Más información sobro’l programa 15 d'abril, 2005 0 FacebookTwitterPinterestEmail
Música Un discu con temes tradicionales denuncia’l “sufrimientu antiguu” de les muyeres maltrataes by asturnet 20 d'avientu, 2004 Un aldabonazu nes conciencies pa recordar un problema evidente. El productor musical Lisardo Lombardía definió nesos términos el discu ‘Ta nes nueses manes’, una compilación de temes tradicionales que se presentó esta tarde n’Uviéu, n’edición en comuña del Principáu y d’Amnistía Internacional, pa relatar “hestories del sufrimientu antiguu” de les muyeres maltrataes. Eses pallabres emplegó la responsable d’Amnistía n’Asturies Concepción Fernández Pol, ideóloga del proyectu hai agora más d’un añu y que güei se felicitó del asoleyamientu d’un discu que, precisó, enmárcase dientro d’una campaña mundial en contra de la denominada violencia de xéneru exercida sobro les muyeres. En catorce cortes, el discu conderga la vagancia y agresividá de ‘El mio Xuan’, en versión de Felpeyu; la llercia de les muyeres qu’esperen el regresu del home borrachu en ‘Los trabayos d’esti mundu’, en grabación del grupu Muyeres; los pizcaños que-y da a la so moza el protagonista de ‘Verdiciu’, na voz de Chus Pedro Suárez; o la coacción machista del romeru retratáu en ‘La Mariñana’ por ‘El Presi’. Completen la llista de grupos y solistes presentes nel discu el gaiteru Xuacu Amieva, el conxuntu folk Tejedor, l’intérprete castellanu Joaquín Díaz, el cantor Joaquín Pixán, l’agrupación Xana, Fonsu Fernández y Xuan d’Amandi. L’atropamientu de grabaciones de toos ellos tuvo centralizáu na discográfica que xestiona Lisardo Lombardía, Fonoastur. Dende’l llau institucional que representa l’Alministración autonómica, coeditora’l cd, la directora del Institutu Asturianu de la Muyer, Begoña Fernández, sorrayó que’l discu supón “un preséu útil, por emplegar el llinguaxe universal que ye la música”, pa desaniciar la violencia de xéneru “xustificada pola tradición”. Pol so llau, el director de l’Axencia Asturiana de Cooperación al Desarrollu, Rafael Palacios, censuró les agresiones a muyeres como una “gravísima violación de los drechos humanos individuales y collectivos”. 20 d'avientu, 2004 0 FacebookTwitterPinterestEmail
Música Kornog, N’Arba, Tarañu y Pepe Vaamonde actuarán na nueche celta d’Ayer, que tendrá meyores accesos by asturnet 25 d'agostu, 2004 Sotu d’Ayer apuesta pola plurinacionalidá. Los bretones Kornog, los gallegos Pepe Vaamonde Grupo y les bandes asturianes N’Arba y Tarañu integren el cartel de la popular nueche celta ayerana, que se cellebra el prósimu 4 de setiembre y cuyu entornu quier meyorar l’Ayuntamientu cola meyora de los accesos al prau Llerón, escenariu’l certame. Nesti sen, técnicos del Consistoriu ayerán trabayen yá na reforma de les entraes al recintu col envís de facilitar l’accesu tanto a los vehículos como a los peatones, en previsión de que se repita la masiva afluencia de públicu d’años anteriores y seya necesaria una afayadiza organización de la circulación qu’evite incidentes. Según asoleya la páxina web del telecentru d’Ayer, el conciertu de les cuatro bandes programaes tará precedíu, dende les 17 hores, por un mercáu celta, xuegos tradicionales, un conciertu didácticu de música tradicional y una esposición sobro esi mesmu asuntu, con amuesa d’instrumentos. Amás de too ello, la compañía teatral Nun Tris realizará un espectáculu máxicu d’ambiente célticu al rodiu la medianueche. La nueche de Sotu d’Ayer, que se vien cellebrando dende 1996 con participación de primeres figures de la música folk, ye una de les cites céltiques más veteranes d’Asturies. Pa facilitar l’asistencia de públicu al certame, l’Ayuntamientu d’Ayer habilitará un serviciu especial d’autobuses que circularán ente les 5 y les 7 de la mañana dende Soto hacia dambos estremos de la cuenca’l ríu Ayer: Felechosa y Mieres. Folixa en Porcía Previamente a que la nueche de Sotu pieslle’l calendariu habitual de festivales célticos n’Asturies, la llocalidá de Porcía, nel conceyu d’El Franco, acoyerá esti fin de selmana la so Noite Celta, na que tienen previsto actuar, ente otros artistes, les bandes Llangres y Tejedor. L’Ayuntamientu d’El Franco debatió na so última sesión plenaria estraordinaria, el pasáu 18 d’agostu, una propuesta pa declarar la folixa de Porcía como “Fiesta d’Interés Turísticu Rexonal”. 25 d'agostu, 2004 0 FacebookTwitterPinterestEmail
Lorient 2004 El año dedidicado al 400 aniversario de la región canadiense de La Acadia comienza con el recuerdo al Festival de 2003 by asturnet 3 d'agostu, 2004 El primer día del Festival Intercéltico de Lorient es cada año una jornada tranquila, que en este 2004 lo ha sido aún por mayor motivo con el adelanto de las fechas habituales del Festival (del primer al segundo fin de semana de agosto) hasta el punto de adentrase en el mes de julio por el inconveniente que suponía hacer coincidir las fechas del festival con las Olimpiadas de Grecia. El Festival Intercéltco de Lorient homenajea cada año a uno de los países participantes en el mismo y como ahora en 2004 corresponde a la región canadiense de la Acadia, el 2003 correspondió nuevamente a Asturias, que cinco años antes había sorprendido a la organización con una de las presencias más elogiadas de cuantas se recordaban en la cita bretona de los países celtas. Y con el objetivo de repetir el éxito del 98 una carpa de 675 m2 se convirtió en el punto de encuentro de cuantos deseaban participar del Año de Asturias y conocer a este país celta del sur, como gustan denominar los bretones a gallegos y asturianos. Con una parte dedicada a la información turística, la artesanía y los productos del país, un salón mediático desde el que todos los medios de comunicación acreditados en el festival tenían la posibilidad de enviar sus crónicas gratuitamente, y una sidrería, que fue centro de asturianía y lugar de encuentro para todos los visitantes que contemplaban asombrados las peculiares manifestaciones que caracterizan la cultura de la sidra y que tanto asombran a quienes desconocen la forma en que se echa nuestra bebida nacional. A lo largo de la semana pudo contemplarse una exhibición de escanciadores, una conferencia sobre la historia y la cultura de la sidra del director del Museo de la Sidra de Nava, Elías Carrocera, y una muestra de bateo de oro de la Asociación Barciaecus de Navelgas. Y por supuesto, hubo en la carpa una incesante actividad de la Sociedad Regional de Turismo que ofreció con distintos montajes una completa visión de los muchos atractivos turísticos que ofrece Asturias. La presencia institucional, remarcada por la participación en los actos de los flamantes consejeros de cultura y justicia, Ana Rosa Migoya y Francisco Javier García Valledor, estuvo magníficamente acompañada por este año por grupos y bandas representativos del buen momento que vive la música folk asturiana. La Raitana (Nava-Piloña), dirigida por Flavio Rodríguez Benito, y Tabladar (Avilés), salida de la escuela de los hermanos Tejedor, fueron las dos bandas de gaitas asturianas que durante los 10 primeros días de agosto animaron con pasacalles la ciudad de Lorient y participaron tocando en el gran Concierto de Cornamusas del 2 de Agosto, en el Desfile de Las Naciones Celtas, o en las Noches Mágicas del estadio de Moustoir. El grupo de baile Vezos Astures (Oviedo), dirigido por Isabel López Parrondo, fue el encargado de dar a conocer el baile tradicional asturiano y los jóvenes Marco Antonio Guardado del Valle (Soto del Barco), Jairo Garcia Iglesias (Nava), Angel Domingo Pérez (Avilés) y Jorge Suárez Carbajal (El Berrón), quienes evidenciaron el buen momento que vive la gaita asturiana concursando en el Trofeo Macallan. Si a esto unimos la presencia activa de grupos como Felpeyu o Tejedor, de José Angel Hevia o de Dixebra y Anabel Santiago, comprobaremos el ambicioso programa que llevó Asturias a Lorient 2003 para festejar su Año. Un concierto muy especial Pero todavía quedaba la guinda de la celebración, venida de la mano del Concierto de Asturias que se presentó por primera vez en Oviedo el 8 de Setiembre de 2002 y fue piedra angular del Festival de Lorient de este año. Por el escenario de La Marine pasaron el lunes 4 de Agosto los hermanos Tejedor, Mariluz Cristóbal Caunedo, Nuberu, Víctor Manuel, lgor Medio, Diego Pangua, la Banda de Gaitas Tabladar y una serie de excelentes músicos dirigidos por el compositor Ramón Prada, en el que fue sin duda concierto preminente de la programación del Festival. El teatro y el cine también fueron protagonistas de estos días de exaltación asturiana en Lorient. En la pradera situada junto a la casa de Asturias, el grupo Nun Tris representó al aire libre su espectáculo Brenga sobre la Mitología Asturiana. Y los días 3 y 4 de Agosto se proyectaron en el Cineville de Lorient dos cortometrajes asturianos: «Y del hijo» de Alfonso Suárez y «El beso de la tierra» de Lucinda Torre, como introducción, respectivamente, al pase de las películas «Pídele cuentas al rey» de Jose Antonio Quirós y «Carne de gallina» de Javier Maqua, todas ellas subtituladas y apoyadas por la presencia de Alfonso Suárez y el propio Jose Antonio Quirós. Atravesarte fue el título de la exposición de arte contemporáneo que mostró en el Ayuntamiento de Lorient lo mejor de nuestra pintura más joven y el Museo del Pueblo de Asturias presentó durante todo el festival una introducción general a la etnografía asturiana y a la red de museos etnográficos de Asturias, así como una exposición sobre la historia y la iconografía de la gaita en Asturias, Jose Luis Atienza, Xuan Bello o Berta Piñán eran los encargados de acercar nuestra lengua y literatura nacional a bretones, escoceses, galeses, irlandeses, gallegos y otros habitantes de cultura céltica no sólo provenientes de Europa sino también de América y Oceanía. Y Por primera vez también, un país fue el encargado de llevar el restaurante VIP del festival: una responsabilidad que recayó en la Asociación de Hostelería del Principado de Asturias de la Escuela de Hostelería y la Cámara de Comercio, que rubricaron con nuestra gastronomía lo que ya saben en Lorient que es seña de identidad asturiana: la capacidad de recrear con lo mejor lo insuperable. Ahora, en el año dedicado a La Acadia canadiense, Asturias tiene que repetir éxito, aunque no ha comenzado mal el Festival, con una victoria, la del joven gaitero Ángel Domingo, ante nuestros hermanos gallegos y bretones en el Certamen MacCallan de Gaita que este año ha cambiado su nombre por el de Mac Crimmon. 3 d'agostu, 2004 0 FacebookTwitterPinterestEmail